Баштыңчылар 2:5 - Ыдыктыг Библия

⁵ Ынчангаш ол черниң адын Бохим деп адаар апарган. Аңаа израильчилер Дээрги-Чаяакчыга өргүл кылганнар.

Баштыңчылар 2:5 Iomraidhean Croise

Эге дөс 35:8

Ол үеде Ревекканың азыракчызы Девора өлүп калган. Ону Вефилдиң чоогунда дуб ыяш чанынга ажаап кааннар. Ынчангаш ол дубту «Ыы-сыының ыяжы» деп адап каан чүве-дир.

Иисус 7:26

а оларның кырындан даштар хорумнап кааннар – ол улуг хорум бо хүннерде-даа ында бар. Ооң соонда Дээрги-Чаяакчының килеңи оожургаан. Ынчангаш ол черни бо хүннерге чедир Ахор шынаазы деп адаар чүве-дир.

Баштыңчылар 13:19

Ынчан Маной анайын болгаш далган-тараа өргүлүн алгаш, даш кырынга бүрүнү-биле өрттедип, Дээрги-Чаяакчыга өргүлүн кылган, а Ол, Маной биле ооң кадайы көрүп турда, кайгамчык чүүлдү кылган:

Баштыңчылар 2:1

Ынчан Дээрги-Чаяакчының төлээзи Галгалдан Бохимче чедип келгеш, мынча дээн: «Мен силерни Египеттен хостап үндүрген мен база ада-өгбеңерге аазааным черже силерни эккелген мен. Ынчан Мен: „Силер-биле чарган чагыг-керээмни мөңге шагда үревес мен – деп сөзүм бергеш, –

Баштыңчылар 2:4

Дээрги-Чаяакчының төлээзи бүгү израиль чонга бо сөстерни чугаалаарга, шупту израильчилер кыпсынчыг алгы-кышкы көдүрүп, ыглай берген.

Баштыңчылар 2:6

Иисус чонну тарадыпкан турган үеде, израильчилер боттарының хувааглыг черлерин ээлээр дээш тус-тузунда чорупкан.

Баштыңчылар 6:24

Гедеон ол черге Дээрги-Чаяакчыга өргүл бедигээжи кылгаш, ону «Яхве-Шалом» деп адап каан. (Ол өргүл бедигээжи авиезер төрел бөлүктүң черинде Офрада бо хүнге чедир турар.)

1 Хааннар 7:9

Ынчан Самуил бир эмер хураганны ап алгаш, Дээрги-Чаяакчыга бүрүн өрттедир өргүл кылган. Ол Израиль дээш мөргүүрге, Дээрги-Чаяакчы аңаа харыылаан.