Баштыңчылар 2:4 - Ыдыктыг Библия

⁴ Дээрги-Чаяакчының төлээзи бүгү израиль чонга бо сөстерни чугаалаарга, шупту израильчилер кыпсынчыг алгы-кышкы көдүрүп, ыглай берген.

Баштыңчылар 2:4 Iomraidhean Croise

Эзра 10:1

Эзра мөргүп, ол бачытты ажыы-биле миннип, ыглап-сыктап, Бурганның өргээзиниң мурнунга доңгая кээп дүжүп турда, ону долгандыр мөөң израильчилер: эр, херээжен улус болгаш ажы-төл чыглып келген. Ол улус база ажыг-шүжүглүг ыглап турган.

Чугаалар 17:10

Мелегей кижини чүс катап шанчарынга көөрде, угаанныг кижини чаңгыс катап чемелеп каары оранчок дээштиг.

Иеремия 31:9

Израильчилер ол чурттан ыы-сыылыг чоруптар – мен ам оларны суглар кыдыы-биле оргу-дески оруктап эдертир мен, олар аңаа илдикпес. Мен – Израильдиң адазы-дыр мен, Эфрем – Мээң дун оглум-дур!

Иоил 2:12

Дээрги-Чаяакчы: «Ам безин Менче бүгү чүлдү-чүрээңерден, шээрленип база ишкирнип ыглап тургаш, эглип келиңер» – деп медеглээн.

Захария 12:10

«А Давидтиң салгалын, Иерусалимниң чурттакчыларын ээ көрнүүчел болгаш Меңээ чаннып мөргүүр улус кылып каар мен. Олар өттүр шанчып алганы кижиже көөр, эр чаңгыс оолдуң ажыын ажааны дег, ооң ажыын ажып ыглап-сыктаар, дун оол дээш кажыыдааны дег, ол кижи дээш кажыыдаар.

Лука 6:21

Ам аштап-суксааннар, амыр-чыргалдыг силер, чүге дээрге тода бээр силер. Ам муңгарап ыглааннар, амыр-чыргалдыг силер, чүге дээрге каттыржып-хөглей бээр силер.

Лука 7:38

Ол Иисустуң артынга, Ооң буттарының чанынга туруп алгаш, ыглап-сыктай берген. Ооң карааның чажы Иисустуң буттарынче дамдылаарга, ол бажының дүгү-биле оозун чодуп, Ооң буттарын ошкап база чаагай чыттыг үс-биле чаап берип турган.

2 Коринфичилерге 7:10

Бургандан келген муңгарал бачытты минниринге чедирер, ындыг болганда, камгалалга чедирер, ол дугайында хомудаан херээ чок. А бо делегейниң муңгаралы чүгле өлүмге чедирер.

Иаков 4:9

Кажыыдаңар, ыглап-сыктаңар база кудараңар. Каттырарының орнунга, ыглажыңар, амыраарының орнунга, муңгараңар.

Баштыңчылар 2:3

Ынчангаш силерге чугаалап тур мен: ол чоннарны силерниң чериңерден ойлатпас мен, ынчан олар силерниң мойнуңарда дузак апаар, оларның бурганнары силерге четки апаар».

Баштыңчылар 2:5

Ынчангаш ол черниң адын Бохим деп адаар апарган. Аңаа израильчилер Дээрги-Чаяакчыга өргүл кылганнар.

1 Хааннар 11:4

Элчилер Саулдуң хоорайы Гивага чедип келгеш, ол медээни чонга дыңналдыр тарадыпкан. Ынчан бүгү чон алгы-кышкы үндүрүп, ыглап-сыктап эгелээн.

1 Хааннар 7:6

Олар Мицпага чыглып келгеш, суг узуп алгаш, Дээрги-Чаяакчының мурнунга төпкеннер. Ол хүн олар шээрленип: «Дээрги-Чаяакчының мурнунга бачыт үүлгеткен-дир бис» – деп турганнар. Мицпага Самуил израильчилерниң баштыңчызы апарган.