Баштыңчылар 2:14 - Ыдыктыг Библия

¹⁴ Ынчан Дээрги-Чаяакчының израильчилерге килеңи кыптыккаш, оларны үптекчилерниң холунче киирип берипкен болгаш дээрбечилер оларны үптеп дээрбедеп турган; Дээрги-Чаяакчы оларны долгандыр чурттап турган дайзыннарның холунче киирип берипкен болгаш, олар дайзыннарга удур туржуп шыдавас апарганнар.

Баштыңчылар 2:14 Iomraidhean Croise

2 Хааннар 24:1

Дээрги-Чаяакчы катап база израильчилерге ажынып-хорадап эгелээш, Давидти көгүдүп: «Барып, Израильдиң болгаш Иудеяның чонун санап эккел» – деп чугаалаан.

4 Хааннар 13:3

Дээрги-Чаяакчының килеңи израильчилерже кыптыгып, оларны үргүлчү арамей хаан Азаилдиң, ооң оглу Венададтың холунга хүлээдип берип турган.

4 Хааннар 17:20

Ынчангаш Дээрги-Чаяакчы Иаковтуң бүгү үре-салгалындан ойталаан. Ол израильчилерни кезедип, оларны үптекчилерниң холунга хүлээдип турган, а адак сөөлүнде оларны Бодунуң мурнундан сывырыпкан.

2 Чылдар 15:5

Ол үеде чорумал улуска айыылдыг турган, чүге дээрге чер-девискээрлерниң бүгү чурттакчыларынга дүвүрээзинниг үе болган.

2 Чылдар 28:5

Ынчаарга Бурганы Дээрги-Чаяакчы Ахазты арамейлерниң хаанының холунга хүлээдип бээрге, олар ону чылча шапкаш, чонундан хөй улусту Дамаскыже тудуп аппарган. Оон Ахазты Израильдиң хаанының холунга база хүлээдип бээрге, ол хаан аңаа аар аштырыышкын таварыштырган.

2 Чылдар 36:16

Иудейлер Бурганның ыдып турган төлээлекчилерин дорамчылап кочулап, Ооң сөстерин тоовайн, Ооң медээчилерин бак сөглеп турган. Адак сөөлүнде Дээрги-Чаяакчының килеңи Ооң чонунче кыптыгып, ону кым-даа оожургадып шыдавас апарган.

Неемия 9:27

ынчангаш Сен оларны дайзыннарының холунга хүлээдип бээриңге, олар кызагдадып турду. Ынчалза-даа кызагдаттырган үезинде Сенден дуза дилеп, кыйгырарга, оларны дээрден дыңнап, Бодуңнуң өндүр улуг кээргелиң-биле дайзыннарының холундан хостап турган камгалакчыларны оларга чорудуп берип турдуң.

Ырлар 44:11

Мени дыңна, кызым, бээр көрнүп кел, кулааң менче ээктир: бодуңнуң чонуңну, ачаңның өг-бүлезин уттувут.

Ырлар 44:12

Хаан сээң чараш-каазыңга хандыкшып, күзээр; ол – сээң дээргиң-дир, ынчангаш аңаа мөгей.

Исайя 42:24

Кым Иаковту тудуп аппаар кылдыр, Израильди – үптээр кылдыр берипкенил? Аңаа удур бачыт үүлгеткенивис Дээрги-Чаяакчы-дыр! Израильчилер Ооң оруун истевейн, Ооң хоойлузун тооп дыңнавайн турган болгай.

Исайя 50:1

Дээрги-Чаяакчы мынча дээн: «Мен силерниң иеңерге чарлыышкын чагаазы бижип бергеш, үндүр сывырыпкан мен бе? Мен силерни, өрем төлээр дээш, садыпкан мен бе? Чок, боттарыңарның-на бачыттарыңар дээш силерни садыпкан, боттарыңарның-на кем-бурууңар дээш иеңерни үндүр сывырыпкан!

Иеремия 37:10

Силерге удур дайылдажып турар халдей аг-шеригни чылча шаап каар-даа болзуңарза, олардан чүгле балыглаткан дайынчылар-даа артар болза, олар туруп келгеш, чадырларындан үнгеш, бо хоорайны хуюкталдыр өрттедиптер» – деп чугаалаан.

Левит 26:17

Мен силерге удур боор мен, дайзыннарыңарга аштырып алыр силер; көрүшпес улузуңар силерни чагырып алыр; силерни кым-даа сүрбейн турда безин, дезип маңнажыр силер.

Левит 26:28

Мен килеңней берип, силерге удур апаар мен база бачыттарыңар дээш кеземче согуг санын чеди катап көвүдедир мен.

Левит 26:37

Силерни сүрүп турар хылыш туткан кижи-даа бар дег, бот-бодуңарга тептигер силер. Дайзыннарыңарга удур туржур күжүңер чок болур.

Саннар 32:13

Дээрги-Чаяакчы Израильче килеңней бергеш, Ооң мурнунга бак чүве үүлгеткен шупту салгал кырлып калгыжеге чедир, оларны ээн кургаг ховуга дөртен чыл дургузунда тояап чоруур кылып каан.

Саннар 32:14

Ам силер – бачыттыг улустуң бөлүглели – Дээрги-Чаяакчы израиль чонче база катап килеңней берзин дээш, ада-өгбеңерниң орнун ээлеп алган-дыр силер.

Ы. х. к. 28:20

Дээрги-Чаяакчы сенче, узуткаттырып каггыжеңге чедир, кылып турар кандыг-даа ажыл-херээңче каргышты, мөгүдээшкинни болгаш хайны салыр – Дээрги-Чаяакчыдан ойталааның дээш, бузуттуг херектериң уржуу-биле удавайн өлүп каар сен.

Ы. х. к. 28:25

Дээрги-Чаяакчы сени дайзыннарыңга аштырып аар кылдыр хүлээдип бээр: оларга удур чаңгыс орук-биле тулчуп үнгеш, олардан чеди аңгы орук-биле дезип ыңай боор сен, бүгү чер-делегейниң күрүнелери сээң айыыл-халавыңны көргеш, „Дадайым!“ дээр.

Ы. х. к. 28:58

Бо дүрүг номда бижиттинген бо хоойлунуң шупту сөстерин күүседирин кызытпас, Дээрги-Чаяакчы Бурганыңның алдарлыг болгаш сүрээденчиг адындан кортпас болзуңза,

Ы. х. к. 32:30

Ол улусту Хаязы дайзынынга тудуп бербээн болза, оларны Дээрги-Чаяакчы хүлээдип бербээн болза, канчап чаңгыс кижи муң шеригни сывырып чорудуп, ийи кижи түмен шеригни ойладып чорудуп шыдаарыл?

Иисус 23:16

Бир эвес Дээрги-Чаяакчы Бурганыңарның силер-биле чарганы чагыг-керээни үреп, өске бурганнарга мөгейип, бараан болуп эгелээр болзуңарза, ынчан Дээрги-Чаяакчының килеңи силерге дүжер – силер үр-даа болбайн, Ооң силерге берген чаагай черинден чиде бээр силер».

Баштыңчылар 1:19

Дээрги-Чаяакчы Иуданың аймаа-биле кады турган. Ол аймак даглыг девискээрни эжелеп алган, а чавызааш черниң чурттакчыларын ойлатпаан, чүге дээрге ол улустуң дайынчы демир тергелери бар болган.

Баштыңчылар 1:34

Данның аймаан амор чон дагларже кызып үндүрүпкеш, чавызаашче эрттирбейн турган.

Баштыңчылар 10:7

Дээрги-Чаяакчы израиль чонга килеңнээш, ону филистимнерниң болгаш аммоннарның холунче киирип берипкен.

Баштыңчылар 2:20

Ынчаарга Дээрги-Чаяакчының израильчилерге килеңи кыптыгып келгеш, мынча дээн: «Бо чон Мээң оларның адалары-биле тургусканым чагыг-керээмни үреп турары дээш база Мээң сөзүмнү дыңнавайн турары дээш,

Баштыңчылар 3:12

Израильчилер катап база-ла Дээрги-Чаяакчының мурнунга бужар-бак херектер үүлгедип эгелээн, ынчангаш Дээрги-Чаяакчы оларның оозу дээш моав хаан Эглонну оларга удур күштелдирип, тургузуп каан.

Баштыңчылар 4:2

Ынчан Дээрги-Чаяакчы оларны Асорнуң хананей хааны Иавинниң холунче киирип берипкен, а Иавинниң шериг баштыңы Харошет-Гоимге чурттап турган Сисара дээрзи турган.