Баштыңчылар 2:11 - Ыдыктыг Библия

¹¹ Израиль чон Дээрги-Чаяакчының мурнунга бужар-бак херектер үүлгедип, Ваал бурганның дүрзүлеринге бараан бооп эгелээн.

Баштыңчылар 2:11 Iomraidhean Croise

Эге дөс 13:13

А Содомнуң чурттакчылары каржы база Дээрги-Чаяакчының мурнунга дыка бачыттыг улус турган.

Эге дөс 38:7

Иуданың дун оглу Ир Дээрги-Чаяакчының мурнунга кем-буруулуг болган, ынчангаш Ол ону чок кылып каан.

3 Хааннар 11:5

Ол сидончуларның кыс бурганы Астартага, аммоннарның чүдек-бужар бурганы Милхомга бараан болуп эгелээн.

3 Хааннар 18:18

Илия: «Израильче хай-халапты мен халдатпадым – деп харыылаан. – Дээрги-Чаяакчының айтыышкыннарынга чагыртпастап, Ваалдың дүрзүлеринге мөгейип тургаш, сен база сээң төрел бөлүүң халдаткан силер.

3 Хааннар 22:53

Охозия Ваалга бараан болуп, аңаа мөгейип, ачазының кылып турган бүгү чүвезин өттүнүп, Израильдиң Бурганы Дээрги-Чаяакчыны килеңнедип алган.

2 Чылдар 28:2

Ол Израильдиң хааннарының оруун эдерип, Ваал бурганга мөгеер дээш, шуткуп куткан дүрзүлер безин кылып алган.

2 Чылдар 28:3

Ахаз Бен-Энном шынаазынга айдызаар өргүлдер кылып, Дээрги-Чаяакчының израильчилерниң мурнундан үндүр сывырыпканы чоннарның чүдек-бужар чаңчылдарын өттүнүп, бодунуң оолдарын от-биле өрттедип турган.

2 Чылдар 33:6

Ол бодунуң оолдарын Бен-Энном шынаазынга от өттүр эрттирип турган база төлгелээр, илби-шиди кылыр болгаш өлүг улус сүнезини кыйгырар, караң-көрнүр улус-биле харылзажып турган. Ол Дээрги-Чаяакчының мурнунга хөй бузутту үүлгедип, Ооң килеңин кыптыктырып турган.

Эзра 8:12

Азгадтың үре-салгалындан – Гаккатанның оглу Иоханан болгаш ооң-биле кады 110 эр кижи;

Неемия 9:26

Ындыг-даа болза, үймээнчилер апарып, Сеңээ удур тура халааннар, Сээң хоойлуңну артынче октапканнар. Сээң медээчилериң израильчилерни Сенче ээлдирер дээш сагындырып турган, а олар демги медээчилерни өлүрүп турду. Улус-чон Сеңээ удур коргунчуг дорамчылалдар кылып турган,

Иеремия 11:10

Олар боттарының ада-өгбезиниң кем-буруузунче эглип келген-дир. Олар Мээң сөстеримни тооп дыңнаарындан ойталап, өске бурганнарга мөгейип, бараан болуп турду. Израиль биле Иудеяның улузу Мээң оларның ада-өгбези-биле чарган чагыг-керээмни үреди» – деп чугаалаан.

Иеремия 16:11

Ынчан оларга: „Силерниң ада-өгбеңерниң Менден ойталааны дээш!“ – дээр сен – деп, Дээрги-Чаяакчы медеглээн. – Олар өске бурганнарга мөгейип, оларга бараан болуп, оларның мурнунга доңгая кээп дүжүп турган, а Менден ойталап, Мээң хоойлумну сагывайн барганнар.

Иеремия 2:20

«Бурунгу шагда-ла Мен хомудуңну буза шаап, моожаңны үзе тыртып берген мен, а сен: „Бараан болбас мен!“ – дидиң, бүгү бедик тейлер бажынга, таварышкан-на хөлегелиг саглагар ыяш адаанга самыырап турдуң!

Иеремия 2:23

Сен канчап: „Бужартаваан мен, Ваалдың дүрзүлеринге мөгейбээн мен“ – дээр сен? Шынаага кылып турган херектериңче көрүп көр, чүнү үүлгеткениңни медереп билип ал! Эңгин теве дег, оруктарга дөскелчок караңнадыр маңнап турдуң.

Иеремия 32:23

Олар чедип келгеш, ол черни ээлеп алган. Ынчалза-даа Сээң сөзүңнү тооп дыңнавайн барганнар, Сээң дүрүм-хоойлуң ёзугаар чурттавайн турганнар. Оларга кылзын деп айыткан чүвеңни кылбайн барганнар. Ол бүгү дээш, Сен оларже бо бүгү айыыл-халапты ыткан сен!

Иеремия 9:14

Олар боттарының чөрүү чүректериниң аайынче кирип, Ваалдың дүрзүлеринге мөгейип турарлар, ол бүгүге ада-өгбезинден өөренип алганнар-дыр» – деп чугаалаан.

Саннар 25:3

Израиль чон Фегор дагның бурганы Ваалче чайгыла бээрге, Дээрги-Чаяакчының килеңи Израильге удур кыптыга берген.

Ы. х. к. 31:16

Дээрги-Чаяакчы Моисейге мынча дээн: «Ада-өгбеңниң соондан аъттанып, улуг уйгуң удуур-дур сен. А бо чон кирип бар чыдар чериниң хары бурганнарын эдерип, самыыраар-дыр база Менден ойталап, Мээң олар-биле чарган чагыг-керээмни үрээр-дир.

Ы. х. к. 4:25

А ол черге ажы-төлүңер база оларның ажы-төлү төрүттүнүп келгенде, чүве тоовастап, самыырап: кандыг-даа хевирлиг дүрзүлер кылып алгаш, Дээрги-Чаяакчы Бурганыңар мурнунга бузут үүлгедип, Ону хорададып алган дижик силер.

Баштыңчылар 10:10

Ынчан израильчилер Дээрги-Чаяакчыны кыйгырып: «Сээң мурнуңга бачытты үүлгеттивис! Бодувустуң Бурганывысты каггаш, Ваалдың дүрзүлеринге чүдүп, бараан бооп турдувус» – деп дуза дилээннер.

Баштыңчылар 10:6

Израильчилер Дээрги-Чаяакчының мурнунга бужар-бак херектер үүлгедирин уламчылап турган. Олар Ваал болгаш Астартаның дүрзүлеринге, арамейлерниң, сидончуларның, моавтарның, аммоннарның база филистимнерниң бурганнарынга чүдүп, оларга бараан бооп турган, а Дээрги-Чаяакчыны каапкаш, Аңаа бараан болбайн турганнар.

Баштыңчылар 13:1

Израильчилер Дээрги-Чаяакчының мурнунга бужар-бак херектер үүлгедирин уламчылап турганнар, ынчангаш Дээрги-Чаяакчы оларны филистим чоннуң холунче дөртен чыл иштинде киирип берипкен.

Баштыңчылар 3:12

Израильчилер катап база-ла Дээрги-Чаяакчының мурнунга бужар-бак херектер үүлгедип эгелээн, ынчангаш Дээрги-Чаяакчы оларның оозу дээш моав хаан Эглонну оларга удур күштелдирип, тургузуп каан.

Баштыңчылар 3:7

Израильчилер Дээрги-Чаяакчының мурнунга бужар-бак херектер үүлгедип, боттарының Бурганы Дээрги-Чаяакчыны уткаш, Ваал болгаш Ашера бурганнарның дүрзүлеринге бараан болуп турган.

Баштыңчылар 4:1

Аод чок апарган соонда, израильчилер катап база-ла Дээрги-Чаяакчының мурнунга бужар-бак херектер үүлгедип эгелээн.

Баштыңчылар 6:1

Израильчилер катап база-ла Дээрги-Чаяакчының мурнунга бужар-бак херектер үүлгедип эгелээн, ынчангаш Дээрги-Чаяакчы оларны мадиан чоннуң холунче чеди чыл иштинде киирип берипкен.

Баштыңчылар 6:25

Ол дүне Дээрги-Чаяакчы Гедеонга мынча дээн: «Ачаңның коданындан семиртир азырап каан чеди харлыг бугажыкты ап ал. Ачаңның Ваал бурганга өргүл кылыр бедигээжин үреп каавыт база ооң чанында турар Ашера бурганга тураскааткан адагашты одура шаап каавыт.

Баштыңчылар 8:33

Гедеон өлүп каарга, израиль чон катап база самыырап, Ваалдың дүрзүлеринге мөгейип эгелээн болгаш Ваал-Веритти боттарынга бурган кылдыр тургузуп алган.

1 Хааннар 12:10

Олар катап-ла Дээрги-Чаяакчыга ыы-сыылыг: „Дээрги-Чаяакчыны тооп көрбейн, Ваал болгаш Астарта дүрзүлеринге бараан болуп, бачыттыг чүвени үүлгеткен-дир бис. Ам бисти дайзыннарның холундан адырып ап көр, бис чүгле Сеңээ бараан болур бис“ – деп чаннып келгеннер.

1 Хааннар 7:3

Ол өйде Самуил бүгү израиль чонга чугаалаан: «Бир эвес силер сагыш-сеткилиңер ханызындан Дээрги-Чаяакчыже эглип турар болзуңарза, бодуңарның араңардан хары бурганнарны, Астарта бурган дүрзүлерин ап кааптыңар. Сеткилиңерниң ханызындан Дээрги-Чаяакчыга бердинип, чүгле Аңаа бараан болуңар. Ынчан Ол силерни филистимнерниң холундан адырар».

1 Хааннар 7:4

Израильчилер Ваал биле Астарта дүрзүлерин боттарындан ырадып каапкаш, чүгле чаңгыс Дээрги-Чаяакчыга бараан болуп эгелээн.