Баштыңчылар 19:20 - Ыдыктыг Библия

²⁰ Ашак аңаа: «Сагыш човава, сеңээ чүү четпес-тир, мен бодум шуптузун бээр мен, чүгле кудумчуга хонма» – дээн.

Баштыңчылар 19:20 Iomraidhean Croise

1 Чылдар 12:18

Ынчан Бурганның Сүлдези үжен шеригниң баштыңчызы Амессайны бүргеп келген, ол мынча дээн: «Амыр-ла, Давид. Бис сээң-биле кады бис, Иессейниң оглу! Сеңээ болгаш сээң талалакчыларыңга чедиишкинни күзеп тур бис, чүге дээрге Бурганың сеңээ дузалажып турар болгай». Давид оларны хүлээп алгаш, бодунуң шериглериниң баштыңчылары кылып каан.

Иоанн 14:27

Мен амыр-тайбыңны силерге арттырдым, силерге бээрим амыр-тайбыңым ол-дур. Бо делегейниң бээри дег эвес амыр-тайбыңны Мен силерге берип тур мен. Силерниң чүректериңер хөлзевезин, ол ышкаш кортпаңар.

Римчилерге 12:13

Бурганның улузу түрегдел көрүп турар болза, дузадан кадыңар. Хүндүлээчел ээлер болуңар.

1 Коринфичилерге 1:3

Бурган Адавыс болгаш Дээрги Иисус Христостан келген авырал база амыр-тайбың силерге доктаазын!

Галатчыларга 6:6

Бурганның сөзүн өөренип турар кижи бодунда бар бүгү эки-чаагай чүүлүн башкызы-биле үлешсин.

Еврейлерге 13:2

Аалчыларга хүндүлээчел боорун утпаңар, ынчалдыр кылгаш, чамдык улус, боттары безин билбейн, дээрниң төлээлерин уткуп, оларны хүндүлээннер болгай.

1 Пётр 4:9

Аалчыларга чеме-хала чокка экииргек болуңар.

1 Иоанн 3:18

Ажы-төлүм! Бистиң ынакшылывыс чүгле сөс, чугаа кырында эвес, а херек кырында бар, ёзулуг ынакшыл болур ужурлуг.

Баштыңчылар 6:23

Ынчалза-даа Дээрги-Чаяакчы аңаа: «Кортпа, шупту чүве амыр-чаагай болур! Сен дириг артар сен!» – дээн.

1 Хааннар 25:6

Аңаа: „Экии! Сеңээ, сээң өг-бүлеңге, бүгү-ле улузуңга менди-чаагай болурун күзедим.