Баштыңчылар 19:16 - Ыдыктыг Библия

¹⁶ Ол кежээ бир ашак кижи шөлге ажылдап хүнзээш, чанып бар чыткан. Ол Гивада чурттап турар-даа болза, чогум боду Эфрем дагларындан келген кижи болган. А Гиваны Вениаминниң аймаа ээлеп турган.

Баштыңчылар 19:16 Iomraidhean Croise

Эге дөс 3:19

Ынчангаш дериң төп чорааш, чем тып чиир сен. Сөөлүнде барып бодуңнуң-на келген чериңче эглип чоруй баар сен; довурак-доозундан тывылган сен, довурак-доозунче катап-ла шилчий бээр сен».

Ырлар 104:23

Израиль ынчан Египетке чедип келген, Иаков Хаамның черинге көжүп келген турган.

Ырлар 128:2

Аныяамдан-на дайзыннарым мени аажок кызагдап келген, ынчалза-даа ажып-тиилеп шыдаваан.

Чугаалар 13:11

Хей черден келген акша-хөреңги чиде бээр, а күш үндүрүп, бичиилеп чыгганы – немежир.

Чугаалар 14:23

Карак кызыл ажылдан кезээде орулга кээр, а хоозун чугаадан чүгле каража үнер.

Чугаалар 24:27

Бажыңың даштында ажыл-херээңни аайлап каавыт, шөлүңде ажылдарыңны доозуп ал, а ооң соонда бажыңыңны тудуп эгеле.

Экклесиаст 1:13

бо өртемчейде болуп турар бүгү-ле чүүлдерни мерген угаан-биле шинчилээринче болгаш шенеп көөрүнче чүрээмни угландырдым. Кижи бодунуң күжүн үндүрүп чорзун дээш, кайы хире берге үүлени Бурган кижи төрелгетенге онаап каан-дыр!

Экклесиаст 5:12

Чырык черде көргеним хилинчектиг човулаң бар-дыр – ол дээрге ээзиниң бодунга хора боор кылдыр чыгдынып чоруур бай-байлак-тыр.

Осия 9:9

Израильчилер боттарының бузуттуг үүлгедиглерин, Гивага болуп турганы дег, күштелдирип алган-дыр, Бурган оларның кем-буруузун бодап келгеш, бачыттарының ужун кезедир.

Эфесчилерге 4:28

Ооржу кижи оорланырын соксатсын, а ооң орнунга бодунуң кызыл күжү-биле амыдыралынга ажылдап ап, тыпкан олча-кежиин ядыылар-биле үлежир шаг-шинектиг болзун.

2 Фессалоникчилерге 3:10

Кады турар үевисте, силерге мындыг дүрүм арттырган бис: «Кым ажылдаар хөңнү чогул, ол чем чивезин!»

Баштыңчылар 19:1

Ол үеде, кажан Израильге хаан чок турда, Эфрем дагларның ырак булуңунга бир левит кижи чурттап чораан. Ол бодунга Иудеяның Вифлеемден кул-кадай ап алган.

Баштыңчылар 19:14

Оон олар улаштыр чорааш, Вениаминниң черинде Гиваның чанынга чорда, хүн ажа берген.

Баштыңчылар 19:15

Олар Гивага хонуп аар дээш, ынаар ээпкеш, хоорайның төп шөлүнге олуруп алганнар. Ынчалза-даа оларны кым-даа бажыңынга хондурары-биле чалаваан.

Баштыңчылар 19:17

Ол ашак төп шөлде чорумал кижини көрүп кааш: «Кайыын үнгеш, кайнаар бар чыдыр сен?» – деп айтырган.