Баштыңчылар 18:5 - Ыдыктыг Библия

⁵ Олар левитке: «Бистиң бо бар чыдар чорук-херээвис чедиишкинниг болур бе дээрзин Бургандан айтырып көрем» – дээннер.

Баштыңчылар 18:5 Iomraidhean Croise

3 Хааннар 22:5

А оон ыңай Иосафат Израильдиң хаанынга: «Баштай Дээрги-Чаяакчыдан сүмеден айтырып көр» – дээн.

4 Хааннар 16:15

Ахаз оон Бурганның бараалгакчызы Урияга: «Чаа улуг өргүл бедигээжинге эртенги бүрүн өрттедир өргүлдерни, кежээки далган-тараа өргүлдерин, хаанның бүрүн өрттедир болгаш далган-тараа өргүлдерин, чурттуң бүгү чонунуң бүрүн өрттедир болгаш далган-тараа өргүлдерин база арага өргүлдерин эккеп сал. Бо өргүл бедигээжинче бүрүн өрттедир өргүл малының база өске-даа өргүл малының ханын төндүр төвүт. А хүлер өргүл бедигээжин мен Бурганның күзел-соруун айтырары-биле ажыглаар мен» – деп дужааган.

Исайя 30:1

«Чөрүү ажы-төлүм ат болур! – деп, Дээрги-Чаяакчы медеглээн. – Олар Менден келбээн бодалдар күүседип, Мээң оларның сагыжынга киирбээним керээлер чарып, бачытка бачыт немеп турар-дыр.

Иезекиил 21:21

Чүге дээрге Вавилоннуң хааны ийи оруктуң белдиринге, адырланып чарлыр черинге доктаагаш, төлге кылыр-дыр. Хаан согуннарын силгип-чайып, ап чорааны дүрзү-бурганнардан айтырып, өргээн малының баарын шинчип көөр-дүр.

Осия 4:12

Ол кылып алган ыяш дүрзүзүнден айтыртынып турар-дыр, даянгыыжы аңаа харыы бээр-дир. Самыыраашкынның сүлдези оларны астырып каапкан боорга, олар Бурганындан ойталаан-дыр.

Ажыл-чорудулга 8:10

Бүгү улуг-биче улус ону магадап дыңнап: «Бо кижиде Бурганның Өндүр улуг деп адаан күжү бар-дыр» – деп турганнар.

Баштыңчылар 17:13

Миха ынчан: «Дээрги-Чаяакчы ам менче ээ көрнүр деп билир мен, чүге дээрге мээң Бурганга бараалгакчым – левит-ле болгай» – деп турган.

Баштыңчылар 17:5

Миха Бурганга чүдүүр тускай бажыңныг турган. Ол эфод болгаш дүрзү-бурганнар кылгаш, бодунуң оолдарының бирээзин Бурганның бараалгакчызы кылдыр томуйлап каан.

Баштыңчылар 18:14

Ооң мурнунда Лаисче чер көрүп ап чораан беш хайгыылчы ха-дуңмазынга: «Бо аалда эфод, дүрзү-бурганнар болгаш шуткаан дүрзү барын билир силер бе? Ону канчаарын боданыңар че!» – дээннер.

Баштыңчылар 18:4

Левит оларга: «Миха меңээ мындыг, мындыг чүве кылды – ол мени хөлезилеп алды, ынчангаш мен ам ооң Бурганга бараалгакчызы бооп тур мен» – дээн.

Баштыңчылар 18:6

Бурганның бараалгакчызы оларга: «Амыр-тайбың чоруптуңар, силерниң орууңарны Дээрги-Чаяакчы карактап турар» – дээн.

1 Хааннар 9:9

(Израильге шаандан тура, кым-бир кижи Бургандан чүве айтырар дээн болза, «Өттүр көөр кижиге бараалы» дээр турган, чүге дээрге Бурганның медээчилерин шаанда «өттүр көөр кижилер» дээр турган-дыр.)