Баштыңчылар 18:29 - Ыдыктыг Библия

²⁹ Олар чаа хоорайын боттарының өгбезиниң, Израильдиң оглу Данның ады-биле «Дан» деп адап алган. А биеэги ады Лаис чүве-дир.

Баштыңчылар 18:29 Iomraidhean Croise

Эге дөс 14:14

Дуңмазы Лот туттурган деп дыңнап кааш, Аврам бодунуң аалынга төрүттүнген бүзүрелдиг кулдарын – 318 кижини чыггаш, сүргүнче үнүпкен. Ол дайзыннарын Дан хоорайга чедир истеп-сүрген.

Эге дөс 30:6

Рахил: «Бурган шын шииткен-дир. Ол мээң дилээмни дыңнааш, меңээ оолду берди» – деп чугаалаан. Ынчангаш оолду Дан деп адап алган.

Эге дөс 32:28

«Моон соңгаар сээң адың Иаков эвес, а Израиль болур. Чүге дээрге сен Бурган-биле-даа, кижилер-биле-даа тутчуп тургаш, тиилээн-дир сен» – деп, Ол чугаалаан.

2 Хааннар 17:11

Ынчангаш мен силерге мону сүмелээр-дир мен: бүгү израиль черден – Дандан Беэр-Шевага чедир – далайның элезини дег, хөй санныг аг-шериг силерге чыглып келзин. Оларны силер бодуңар тулчуушкунче баштап кириңер.

3 Хааннар 15:20

Венадад Аса хаанның саналы-биле чөпшээрешкеш, бодунуң шериг баштыңнарын Израильдиң хоорайларынга удур чорудупкан. Олар Ийон, Дан болгаш Авел-Бет-Мааха хоорайларны, Киннереттиң бүгү девискээрин база Неффалимниң бүгү черин хоозурадып каапкан.

Иеремия 8:16

Дан хоорайдан аскырларның хөрээ киргирээни дыңналды, дайзынның аъттарының киштээринден чер сириңейни берди! Дайзыннар кел чыдыр, олар черни, ында бар бүгү чүвени, хоорайларны, ында чурттаан улус-чонну сыырыптар.

Ы. х. к. 34:1

Моавтың ховуларындан Моисей Нево дагже, Иерихон хоорайның дужунда турар Фасги сынның шыпшык бажынче үне берген. Дээрги-Чаяакчы аңаа бүгү чуртту: Галаадтан Дан хоорайга чедир черни;

Иисус 19:47

Ласем деп хоорайже халдааш, ону эжелеп алгаш, ооң чурттакчыларын хылыш-биле шанчып өлүргеш, ээлеп чурттай берген. Ол хоорайны бодунуң өгбезинге тураскаадып, Дан деп адап алган.)

Баштыңчылар 18:7

Ол беш хайгыылчы улаштыр чорааш, Лаис хоорайга чеде берген. Олар аңаа хоорайның чурттакчылары сидончуларның чаңчылы-биле амыр-шөлээн, бичии-даа сезик чок чурттап турарын көрген. Лаисчилерге күш дөгеп, черинден сывыртап, дарлап турар улус-даа чок болган. Олар Сидон хоорайдан ыракта боорда, кым-биле-даа эвилелдешпес улус болган.

Баштыңчылар 20:1

Оон ам шупту израильчилер, Дан хоорайдан тура, Беэр-Шевага чедир база галаад черден бүгү ниитилел, чаңгыс кижи дег демниг Мицпага Дээрги-Чаяакчының мурнунга чыглып келген.