Баштыңчылар 18:27 - Ыдыктыг Библия

²⁷ А данчылар Миханың кылганы дүрзүнү болгаш Бурганга бараалгакчызын алгаш, Лаиске чеде бергеш, ооң амыр-шөлээн болгаш сезик чок чонун хылыш-биле кыра шапкаш, хоорайны өрттедипкен.

Баштыңчылар 18:27 Iomraidhean Croise

Эге дөс 49:16

Израильдиң бир аймаа болгаш, Дан бодунуң чонун шын шиидер.

Ы. х. к. 33:22

Моисей Данның аймааның дугайында мынча дээн: «Дан дээрге васан черден үне халып кээр аныяк арзылаң-дыр».

Иисус 11:11

Аңаа турган амылыг чүве бүрүзүн хылыш-биле кыргып-хыдып, чаңгыс-даа кижи арттырбайн, узуткап каапкаш, Асорну хуюктапкан.

Иисус 19:47

Ласем деп хоорайже халдааш, ону эжелеп алгаш, ооң чурттакчыларын хылыш-биле шанчып өлүргеш, ээлеп чурттай берген. Ол хоорайны бодунуң өгбезинге тураскаадып, Дан деп адап алган.)

Баштыңчылар 18:10

Ол черниң чону амыр-шөлээн улус-тур, а чери дыка делгем. Бурган ол черни силерге берип турар-дыр, а ол кедергей бай-байлак чер-дир!»

Баштыңчылар 18:26

Олар оруун уламчылап чоруй барган, а Миха оларның күжү хөй-дүр деп көргеш, дедир чана берген.

Баштыңчылар 18:7

Ол беш хайгыылчы улаштыр чорааш, Лаис хоорайга чеде берген. Олар аңаа хоорайның чурттакчылары сидончуларның чаңчылы-биле амыр-шөлээн, бичии-даа сезик чок чурттап турарын көрген. Лаисчилерге күш дөгеп, черинден сывыртап, дарлап турар улус-даа чок болган. Олар Сидон хоорайдан ыракта боорда, кым-биле-даа эвилелдешпес улус болган.

Баштыңчылар 8:11

Гедеон Новах болгаш Иогбеганың чөөн чүгүнде көшкүн улустуң оруу-биле эрткеш, сезиг чок турган дайзыннарның турлаан чылча шапкан.