Баштыңчылар 18:20 - Ыдыктыг Библия

²⁰ Бурганның бараалгакчызы амырап-өөрээш, эфод, дүрзү-бурганнарны болгаш шуткаан дүрзүнү ап алгаш, данчылар-биле кады чорупкан.

Баштыңчылар 18:20 Iomraidhean Croise

Чугаалар 30:15

Хан сорар курт ийи уруглуг, олар: «Эккел, эккел!» – дижир. Кажан-даа тотпас үш чүүл бар, дөрткү чүүл база «Болзун» дивес:

Исайя 56:11

Тодар деп чүве билбес, чазый ыттар-дыр. Олар – сарыыл чок чагырыкчылар-дыр, кайызы-даа бодунуң ажыын хараар-дыр.

Иезекиил 13:19

Силер каш адыш ишти арбай дээш база каш кескинди хлеб дээш, Мээң чонумнуң аразынга Мени бак атка киирип, мегеңерни тооп дыңнап турар Мээң чонумну дуурайлап, өлбес ужурлуг улусту өлүмге онаап, амылыг артпас ужурлуг улусту амы-тынныг арттырып каар-дыр силер».

Иезекиил 21:21

Чүге дээрге Вавилоннуң хааны ийи оруктуң белдиринге, адырланып чарлыр черинге доктаагаш, төлге кылыр-дыр. Хаан согуннарын силгип-чайып, ап чорааны дүрзү-бурганнардан айтырып, өргээн малының баарын шинчип көөр-дүр.

Осия 4:3

Ол бүгү дээш, бо чер ыглап-сыктаар, ооң чурттакчылары черлик аң-мең болгаш дээрниң куштары-биле кады кырлып каар, далайның балыктары безин өлүп каар.

Левит 26:1

«Боттарыңарга хоозун дүрзүлер, кижи холу-биле шуткуп-чазаан бурганнар, ыдыктыг адагаштар кылбаңар база чер-чуртуңарга даш көжээлер тургузуп, оларга мөгейбеңер; Мен – Дээрги-Чаяакчы Бурганыңар болгай мен!

Ажыл-чорудулга 20:33

Мен кайыңардан-даа алдын, мөңгүн, идик-хеп алырын күзевээн мен.

Филипчилерге 3:19

Оларның салым-чолу – өлүм-чидим, оларның бурганы – хырын, олар боттарын бужартаткан чүүлдерни макталга төлептиг деп санап турар. Оларның байгы бодалдары чүгле бо делегейниң ажыл-херээнче угланган.

2 Пётр 2:3

Алыксак-чиксек болгаш, олар оптуг сөстерин дамчыштыр силерни чүгле ажыглаарын бодаар. Бурган оларны шагда-ла шиидип каан, оларның өлүмү эргин артында чайлаш чок манап турар.

Баштыңчылар 17:10

Миха аңаа: «Маңаа, мээң бажыңымга артып кал, ачам ышкаш хүндүлүг база мээң Бурганга бараалгакчым боор сен, а мен сеңээ чылда он шекел мөңгүн төлээр мен, аңаа немей идик-хеп болгаш аъш-чем-биле хандырар мен» – дээн.

Баштыңчылар 18:19

Олар аңаа: «Ыыттава, артык сөс этпейн көр. Ооң орнунга бис-биле кады чорувут, бистиң ачавыс ышкаш ачавыс болгаш Бурганга бараалгакчывыс боор сен. Чаңгыс кижиниң бажыңынга бе азы бир бүдүн израиль аймакка бе, ол ийиниң кайызынга Бурганның бараалгакчызы болуру дээре-дир?» – дээннер.

Баштыңчылар 18:21

Олар оон чорааш, өг-бүлелерин, мал-маганы, эт-хөреңгизи-биле катай боттарын мурнадыр чорудупкан.