Баштыңчылар 17:3 - Ыдыктыг Библия

³ Миха авазынга ооң мөңгүнүн эгидип берген. Авазы: «Бо мөңгүннү мен Дээрги-Чаяакчыга өргүп бараалгаткаш, оглумнуң холунга берип тур мен! Бо мөңгүнден шуткаан дүрзү-бурган кылдырып алзын дээш, ону сеңээ эгидип турарым ол» – дээн.

Баштыңчылар 17:3 Iomraidhean Croise

2 Чылдар 33:7

Манассия оюп хээлээн дүрзү-бурган кылып алгаш, ону Бурганның өргээзинге тургузуп каан. А Бурган ол өргээге хамаарыштыр Давид хаанга база ооң оглу Соломонга: «Мен бо өргээге база Израильдиң бүгү аймактарының аразындан шилип алганым Иерусалимге Бодумнуң алдар-адымны мөңгези-биле тургузуп каар мен.

Хосталыышкын 20:23

Мен бар-дыр мен – боттарыңарга мөңгүн, алдын бурганнар кылбаңар.

Хосталыышкын 20:4

Бодуңга дүрзү-бурган кылба; өрү дээрде, куду чер кырында болгаш чер адаа сугда чоруур чүвениң кандыг-даа чурук-дүрзүзүн кылба.

Хосталыышкын 34:17

Бодуңга шуткаан дүрзү-бурганнар кылба.

Исайя 30:22

Ынчан силер мөңгүн-биле шап каан дүрзү-бурганнарыңарны, алдын-биле шап каан кылымал дүрзүлериңерни бужар чүвелер деп санаар силер; оларны арыг эвес чүүлдер дег үндүр октапкаш, «Ыңай чоруңар!» дээр силер.

Исайя 66:3

А бузуттуг боду-ла, шары өргүп турар кижи – кижи өлүрүп турар кижиге дөмей, хураган дөгергеш, өргүп турар кижи – ыт мойну сыйып турар кижиге дөмей, далган-тараа өргүлү кылып турар кижи – хаван ханы өргүп турар кижиге дөмей, чаагай чыттыг чүүлдер кыпсып турар кижи – дүрзү-бурганга мөргүп турар кижиге дөмей. Ындыглар – оруктарын боттары шилип алган, боттарының чүдек-бужар чүүлдеринге ынак улус-тур.

Иеремия 10:8

Ол улус мелегей болгаш бүдүүлүк. Оларның өөредии чөгенчиг – анаа-ла ыяш.

Левит 19:4

Хоозун дүрзү-бурганнарга мөгейбеңер база бодуңарга шуткаан бурганнар кылбаңар. Мен – Дээрги-Чаяакчы Бурганыңар-дыр мен.

Иоанн 16:2

Силерни синагогалардан үндүр сывыртаптар. Силерни өлүрген улус ооң-биле Бурганга бараан болуп турарывыс ол деп бодай бээр ындыг безин үе чедип кээр.

Ы. х. к. 12:3

Оларның өргүл салыр бедигээштерин бузуп, даш көжээлерин чуура шаап, Ашера бурганга тураскааткан ыяштарын өрттедип, бурганнарының дүрзүлерин чылча шаап кааптыңар; ол черге оларның аттарының дугайында безин сактыышкынны узуткап кааптыңар.

Ы. х. к. 27:15

„Бодунга дүрзү-бурган шуткуп азы чазап кылып алгаш, оозун чажырып алган кижи каргаттырар, кижи холу кылган дүрзү-бурган болза Дээрги-Чаяакчының мурнунга чүдек-бужар чүүл-дүр!“ Бүгү чон: „Аминь!“ – деп харыылаар.

Баштыңчылар 17:13

Миха ынчан: «Дээрги-Чаяакчы ам менче ээ көрнүр деп билир мен, чүге дээрге мээң Бурганга бараалгакчым – левит-ле болгай» – деп турган.

Баштыңчылар 17:2

Ол бодунуң авазынга: «Сен 1100 шекел мөңгүнүң оорлаткаш, каргыш сөс эдериңге, мен дыңнап турдум. А ол мөңгүн менде, ону мен ап алдым» – дээн. Авазы ынчан: «Дээрги-Чаяакчы мээң оглумга ачы-буян хайырлазын!» – дээн.

Баштыңчылар 17:4

Миха авазынга мөңгүннү дедир бээрге, авазы оон 200 шекел мөңгүннү алгаш, эзилдирикчи шевер кижиге аппарып бээрге, ол оон дүрзү-бурган шуткуп берген. Оон эгелээш, ол дүрзү-бурган Миханың бажыңынга турган.

Баштыңчылар 18:30

Данчылар аңаа ол дүрзү-бурганны тургузуп алган, а Моисейниң оглу боор Гирсамның үре-салгалы Ионафан боду болгаш ооң оолдары Данның аймааның Бурганга бараалгакчылары бооп келген. Оларның туттуруушкунга кирер үезинге чедир ынчаар турган.

Баштыңчылар 18:5

Олар левитке: «Бистиң бо бар чыдар чорук-херээвис чедиишкинниг болур бе дээрзин Бургандан айтырып көрем» – дээннер.