Баштыңчылар 16:7 - Ыдыктыг Библия

⁷ Самсон аңаа: «Мени ам-даа кургаваан, өл хевээр чеди сиир-кириш-биле хүлүп каар болза, ынчан мээң күжүм эвээжеп, анаа кижилер ышкаш апаар мен» – дээн.

Баштыңчылар 16:7 Iomraidhean Croise

Чугаалар 12:19

Шынныг сөстер – кезээ мөңгеде артар, а мегечи дыл – хензиг өйде артар.

Чугаалар 17:7

Мелегей кижиниң аксынга төлептиг чугаа эптешпес, бүдүштүг кижиниң аксынга меге чугаа оон артык эптешпес.

Римчилерге 3:8

«Буян болзун дээш, бузут үүлгедирин өөредип турар силер» – деп, чамдык нүгүлчүлерниң бисти буруудадып турары шын эвес. Ындыг нүгүлчү улустуң шииттирери чөптүг! –

Галатчыларга 6:7

Мегеге туттурбаңар: Бурганны карак ажыттаары болдунмас. Кижи чүнү тарып аарыл, оозун ажаап алыр.

Колосчуларга 3:9

Бот-боттарыңарны мегелевеңер, чүге дээрге биеэги бүдүжүңерни ооң бүгү үүлгедиглери-биле адыра сивирип каапкаш,

Баштыңчылар 16:10

Далида Самсонга: «Сен мени кыжырып, мегелепкен-дир сен, ам шынын чугаалап көрем, чүү чүве-биле сени хүлүп ап болурул?» – дээн.

Баштыңчылар 16:6

Далида Самсондан: «Меңээ чугаалап көрем: сээң улуг күжүң чүде чүвел, сени томаартыр дизе, чүү-биле сени хүлүүр болза эки чүвел?» – деп айтырган.

Баштыңчылар 16:8

Филистимнерниң чагырыкчылары Далидага ам-даа кургаваан, өл хевээр чеди сиир-кириш эккеп берген, а ол ооң-биле Самсонну хүлүп каан.

Баштыңчылар 16:9

Ол үеде филистимнер Далиданың удуур өрээлинге чаштынып орган, а Далида: «Самсон! Филистимнер сеңээ удур келди-ле!» – дээн. Самсон ол сиир-кириштерни от дээпкен чиңге удазыннар ышкаш кылдыр үзе тыртып каапкан. Ооң күжүнүң чажыды билдинмес бооп артып калган.

1 Хааннар 19:17

Саул Мелхоладан: «Чүге мээң дайзынымны дестирип чорудупкаш, мени мегелээниң ол?» – деп айтырган. А Мелхола ачазынга: «Ол меңээ: „Мени салбас болзуңза, сени өлүрүп кааптар мен“ – диди» – дээн.

1 Хааннар 27:10

Анхус Давидтен: «Ам кымче халдап турдуңар?» – деп айтырарга, Давид: «Негевте Иуданың аймааның чуртунче, иерахмеил аймактың чуртунче база кен аймактың чуртунче» – деп харыылаан.