Баштыңчылар 16:17 - Ыдыктыг Библия

¹⁷ Ынчангаш ол Далидага сеткил-чүрээн ажыдып: «Мен бажым дүгүн чаңгыс-даа таарып чүлүвээн кижи мен, чүге дээрге мен авамның иштинге тургаш-ла, Бурганга бараалгаткан назорей апарган кижи мен. Бир эвес мээң бажым дүгүн чүлүптер болза, мээң күжүм мени кааптар. Ынчан анаа кижилер ышкаш апаар мен» – дээн.

Баштыңчылар 16:17 Iomraidhean Croise

Чугаалар 12:23

Кажараан кижи бодунуң билиин чажырар, а мелегей улус бодунуң мелегейин көзүлдүр делгээр.

Чугаалар 13:3

Аас-сөзүн оваарымчалыг ажыглаар кижи амы-тынын кадагалап аар, а аас-сөзүн тыртып шыдавас кижи бодун узуткап аар.

Чугаалар 29:12

Бир эвес чагырыкчы кижи меге чугаа-сөс тооп дыңнаар болза, ооң бүгү дүжүметтери бузуттуг болур.

Михей 7:5

Өңнүүңерге бүзүревеңер, эжиңерге ынанмаңар. Хойнуңда чыдар кадайың-биле безин оваарымчалыг чугаалаш.

Саннар 6:2

«Израиль чонга мону дамчыдып чугаала. Бир эвес эр азы херээжен кижи назорей болурунуң онза даңгыраан берип, бодун Дээрги-Чаяакчыга бараалгадыр деп турар болза,

Саннар 6:5

Назорей бооп даңгыраглаан хуусаазының дургузунда ол кижи бажының дүгүн шуут таарып, чүлүвес ужурлуг. Дээрги-Чаяакчыга бодун бараалгаткан хуусаазы эрткижеге чедир, ол кижи ыдыктыг бооп артар, бажының дүгүн узадыр өстүрер ужурлуг.

Ажыл-чорудулга 18:18

Павел Коринфиге элээн каш хонгаш, эш-өөрү-биле байырлажып чарылгаш, Сирияже эжиндирип чорупкан. Прискилла биле Акила база ону эдерип чорупкан. Павел эжиндирип чоруур бетинде, Бурганга берген даңгыраан күүсеткен болгаш, Кенхреяга бажын дөңгүрертип каапкан.

Баштыңчылар 13:5

Иштелгеш, оол божуптарыңга, ол оол бажының дүгүн таарып, чүлүвес ужурлуг, ол чүл дээрге, оглуң уруг савазынга тургаш-ла, Бурганга бараалгаткан назорей кижи болур; ынчангаш ол израиль чонну филистимнерниң холундан адырып, камгалап эгелээр».

Баштыңчылар 16:16

Оон эгелээш, Далида ону хүннүң-не чемелеп, ээрежип, ажыг сөстери-биле хинчектеп туруп бээрге, Самсон ооң оозундан аргажок шылай берген.

Баштыңчылар 16:18

Самсон аңаа ам-на бүгү сеткил-чүрээн ажыткан-дыр деп билип кааш, Далида филистим чагырыкчыларны кыйгырыпкаш: «Ам-на чедип келиңер, бо удаада Самсон меңээ бүгү сеткил-чүрээн ажыдып берди» – деп дамчыткан. Филистим чагырыкчылар чедип келгеш, аңаа аазааны мөңгүнүн эккеп берген.