Баштыңчылар 15:15 - Ыдыктыг Библия

¹⁵ Оон Самсон элчиген чаагының ам-даа кургаваан сөөгүн тып алгаш, ооң-биле муң филистимни кыра шаап каапкан.

Баштыңчылар 15:15 Iomraidhean Croise

2 Хааннар 23:8

Давидтиң дайынчыларының аттары бо-дур. Тахкамон уктуг Йошев-Башевет – алдарлыг үш маадырның аразында кол кижи. Ол 800 дайзынга удур чыдалыг дайылдашкаш, оларны чаңгыс тулчуушкун үезинде өлүрүп каан.

Левит 26:7

Дайзыннарыңарны үндүр сывырар силер; оларны хылыш-биле кыргып-хыдып узуткаар силер.

Левит 26:8

Силерниң бежиңер чүс кижини, а чүзүңер – түмен шеригни үндүр сывырар, дайзыннарыңарны хылыш-биле кыргып-хыдып, узуткаар силер.

Еврейлерге 11:34

чалбыыштыг отту өжүрүпкеннер, хылышка өлүртпейн барганнар, боттарының кошкаан күш-шыдалче хуулдурупканнар, дайын-чаага күчүлүг апарганнар, өске чер чурттугларның аг-шериин сывыртап турганнар.

Иисус 23:10

Силерниң кижи бүрүзү муң кижини ойладып турар, чүге дээрге Дээрги-Чаяакчы Бурганыңар аазаанын ёзугаар Боду силерниң талаңарда дайылдажып турар-дыр.

Баштыңчылар 15:16

Оон Самсон: «Элчиген чаагының сөөгү-биле муң кижини ийи оваа кылдыр өлүрүп каапкан болдум!» – дээн.

Баштыңчылар 15:17

Ону чугаалааш, Самсон элчиген сөөгүн черже октапкаш, ол черни Рамат-Лехи деп адап каан.

Баштыңчылар 3:31

Аодтуң соонда Анаттың оглу Самегар баштыңчы турган; ол кижи 600 филистим кижини мал сүрер шиш баштыг ыяш-биле кыра шапкан. Ол база Израильди камгалаан.

Баштыңчылар 4:21

Ынчан Хеверниң кадайы Иаил майгынның өргени биле маска ап алгаш, Сисараның чанынга оожум чедип келгеш, өргенни ооң чулчургайынче киир шаапкаш, бажын черге чыпшыр кадап каан. А ол шылаанындан удуп чыткан болгаш, ол-ла хевээр өлүп калган.

Баштыңчылар 7:16

Гедеон 300 кижини үш бөлүкке үскеш, дайынчы бүрүзүнге мыйыс эдиски болгаш доңга тутсуп берген, а доңгалар иштинге оттуг кезектер кыпсып берген.

1 Хааннар 14:14

Ионафан биле ооң чепсек тудукчузу баштайгы халдаашкын үезинде чээрби хире кижини улуг эвес шөлдүң девискээринге өлүрүп каапкан.

1 Хааннар 14:6

Ионафан чепсек тудар чалчазынга: «Чоруулу, кыртыжадып демдектетпээн бо хейлерниң турлаанга бараалы. Канчап билир, Дээрги-Чаяакчы биске дузалаптар чадавас. Дээрги-Чаяакчыга хөй-даа, эвээш-даа улусту дамчыштыр камгалал бээри берге эвес болур» – дээн.