Баштыңчылар 14:20 - Ыдыктыг Библия

²⁰ А Самсоннуң кадайы ооң-биле кады дойлап турган өңнүктериниң бирээзинге ашакка барып алган.

Баштыңчылар 14:20 Iomraidhean Croise

Соломоннуң өндүр бедик ырызы 5:1

Сесерлиимче кирип келдим, душтуум дуңмай, мирра биле чаагай чыттыг үнүштерим чыып алдым. Ары өөнде ары чигирин чип алдым, сүт биле араганы ижип алдым. Эш-өөр, дойлаңар-ла, ынакшылды эзиртир ижиңер-ле!

Иеремия 9:5

Кижи бүрүзү бодунуң кожазын мегелээр, кым-даа шынны чугаалавас, аксы-дылын мегелеп чугаалаары-биле мергежидип алгаш, бүгү күжүн бузутка берип турар.

Михей 7:5

Өңнүүңерге бүзүревеңер, эжиңерге ынанмаңар. Хойнуңда чыдар кадайың-биле безин оваарымчалыг чугаалаш.

Иоанн 13:18

«Силерниң шуптуңарның дугайында чугаалавадым: шилип алган улузумну Мен билир мен. Ынчалза-даа Бижилгениң: „Мээң хлевим чип орган кижи Менче таваңгайын карарты“ дээн сөстери чогуп бүтсүн.

Иоанн 3:29

Душтук кыс күдээ оолга хамааржыр. А күдээниң эжи оол ооң чанынга турар, ынчангаш күдээниң чугаазын дыңнааш, өөрүүр боор чүве. Меңээ база шак ындыг өөрүшкү ам-на келгени бо-дур.

Баштыңчылар 15:2

Каты аңаа: «Мен сени ону көөр хөөн чок апарган деп бодадым, ынчангаш ону сээң өңнүүңге бериптим; ынчалза-даа ооң дуңмазы бар, ол оон-даа артык, ооң орнунга дуңмазын кадай кылдыр ап ап көрем» – дээн.

Баштыңчылар 15:6

Филистимнер: «Ону кым үүлгетти?» – деп айтырарга, улус: «Тимна чурттуг кижиниң күдээзи Самсон ынчанган, чүге дээрге ол кижи Самсоннуң кадайын өске кижиге берипкен» – дишкеннер. Филистимнер баргаш, ол херээженни болгаш ооң ачазын өрттедипкен.

1 Хааннар 18:19

Давидке Саулдуң уруу Мерованы кадай кылдыр бээр дээрге, ону Мехола чурттуг Адриэлге шагда-ла кадай кылдыр берипкен болган.