Баштыңчылар 14:17 - Ыдыктыг Библия

¹⁷ Кадайы ооң мурнунга дойнуң чеди хонуунуң дургузунда ыглап-сыктап келген, а чеди дугаар хүнүнде Самсон, кадайының ээрежири кончуг боорга, тывызыктың харыызын айтып берген. А кадайы ону бодунуң чонунуң оолдарынга чугаалап берипкен.

Баштыңчылар 14:17 Iomraidhean Croise

Эге дөс 3:6

Ол ыяштың чимистери чиксенчиг, аянныг, кижини угаанныг кылыптар кылдыр херээжен көрүп каан. Оон херээжен бир чимисти үзе тыртып алгаш, чипкен. Ашаанга база чимисти ап бээрге, ол база чип алган.

Иов 2:9

Кадайы аңаа: «Сен Бурганга шынчы чорууңга быжыг хевээр сен бе? Бурганны бак сөглепкеш, өлү бер!» – дээн.

Чугаалар 7:21

Ол херээжен хөй оптуг аргалар-биле дуурайлап, эптиг-ээлдек чугаазы-биле көгүдүп аарга,

Иеремия 9:3

Оларның мегечи дылы кирижээн ча дег-дир. Олар чер кырынга шын эвес чүүл-биле күш кирип, бир кемниг херекке улаштыр өскезин үүлгедип чоруур. «Олар Мени билбес – деп, Дээрги-Чаяакчы медеглээн. –

Михей 7:5

Өңнүүңерге бүзүревеңер, эжиңерге ынанмаңар. Хойнуңда чыдар кадайың-биле безин оваарымчалыг чугаалаш.

Лука 11:8

Силерге чугаалап тур мен: бир эвес ол чүгле өңнүү-биле найыралы дээш, туруп кээп, хлевин бербес-даа болза, өңнүү оон салдынмайн, дилеп туруп берзе, чежени дилээн болдур, ынчаны аңаа бээр апаар.

Баштыңчылар 14:16

Самсоннуң кадайы ооң мурнунга ыглап-сыктап тура: «Сен меңээ ынак эвес, мени көөр хөңнүң чок-тур, сен мээң чонумнуң оолдарынга тывызык салгаш, ооң харыызын меңээ айтып бербес-тир сен» – дээн. Самсон аңаа: «Ооң харыызын ада-иемге безин чугаалаваан мен. Таанда-ла барып-барып сеңээ айтып бээр мен бе?» – деп харыылаан.

Баштыңчылар 14:18

Ынчангаш чеди дугаар хүнде хүн ажар мурнунда хоорайжылар Самсонга: «Ары чигиринден артык чигирзиг чүү барыл, арзылаңдан артык күштүг чүү барыл» – деп харыылааннар. Самсон оларга: «Бир эвес силер мээң инээм-биле чер аңдарбаан болзуңарза, мээң тывызыымның харыызын тыппас турган силер» – дээн.

Баштыңчылар 16:13

Далида Самсонга: «Сен мени катап база кыжырып мегелеп-ле турар-дыр сен, ам черле шынын ажыдып көрем, чүү чүве-биле сени хүлүп ап болурул?» – дээн. Самсон аңаа: «Мээң бажымның чеди тудум дүгүн аргыг херекселинде пөсче киир аргып каар херек» – дээн.

Баштыңчылар 16:16

Оон эгелээш, Далида ону хүннүң-не чемелеп, ээрежип, ажыг сөстери-биле хинчектеп туруп бээрге, Самсон ооң оозундан аргажок шылай берген.

Баштыңчылар 16:6

Далида Самсондан: «Меңээ чугаалап көрем: сээң улуг күжүң чүде чүвел, сени томаартыр дизе, чүү-биле сени хүлүүр болза эки чүвел?» – деп айтырган.