Баштыңчылар 13:22 - Ыдыктыг Библия

²² Маной кадайынга: «Ам өлгенивис ол-дур, чүге дээрге бис Бурганны көрдүвүс!» – дээн.

Баштыңчылар 13:22 Iomraidhean Croise

Эге дөс 32:30

Иаков ол черни Пенуэл деп адап каан. Чүге дээрге ол: «Бурганның арнын ийи караам-биле көрдүм, харын-даа дириг арттым» – деп чугаалаан.

Хосталыышкын 24:10

Олар аңаа Израильдиң Бурганын көрүп кааннар. Ооң турар чери дээр ышкаш аяс, сапфир дашка дөмей болган.

Хосталыышкын 24:9

Ооң соонда Моисей, Аарон, Надав болгаш Авиуд олар база Израильдиң чеден баштыңы дагже үне бергеннер.

Хосталыышкын 3:6

Мен дээрге сээң ада-өгбеңниң Бурганы-дыр мен – Авраамның Бурганы, Исаактың Бурганы болгаш Иаковтуң Бурганы-дыр мен». Моисей Бурганче көөрүнден корткаш, арнын дуглапкан.

Хосталыышкын 33:20

Ооң соонда Ол: «Мээң арнымны көрбес ужурлуг сен; Мени көрген кижи дириг артып каап шыдавас» – дээн.

Исайя 6:5

«Ат болдум! – дидим. – Арыг эвес аас-сөстүг боорда, арыг эвес аас-сөстүг чон аразында чурттап турар кижи-дир мен. А ам Хаанны, Аг-шериглиг Дээрги-Чаяакчыны караам-биле көрдүм! Өлдүм-не!»

Иоанн 1:18

Бурганны кым-даа, кажан-даа көрбээн. Чүгле Адазы-биле тудуш харылзаалыг эр чаңгыс Оглу биске Адазын илереткен болгай.

Иоанн 5:37

Мени айбылап чоруткан Адам Боду Мээң дугайымда шак ынчаар херечилээн-дир. Силер Ооң үнүн кажан-даа дыңнаваан, Ооң хевир-шырайын кажан-даа көрбээн силер.

Ы. х. к. 4:38

Сенден улуг, күштүг чоннарны сээң мурнуңдан үндүр сывырыпкаш, оларның черинче сени киирип, черни сээң өнчүң кылдыр хуваап бээр дээш, ынчаар кылган-дыр. Ам ынчалдыр бүткен-даа-дыр.

Ы. х. к. 5:26

Бис ышкаш, дириг Бурганның от иштинден чугаалап турар үнүн дыңнааш, дириг арткан улус бар бе?

Баштыңчылар 6:22

Ынчан Гедеон ооң мурнунга шынап-ла Дээрги-Чаяакчының төлээзи турган-дыр деп билип каан. «О, Дээрги-Бурган-Чаяакчы! – деп, ол човууртай берген. – Ат-ла болдум, чүге дээрге Сээң төлээң-биле удур-дедир көржүп, ужураштым».