Баштыңчылар 11:31 - Ыдыктыг Библия

³¹ аммоннардан амыр-менди дедир чанып кел чыдырымда, бажыңымның хаалгазындан меңээ уткуй баштай үнүп келген амытанны Сеңээ бүрүн өрттедир өргүл кылдыр салыр мен».

Баштыңчылар 11:31 Iomraidhean Croise

Эге дөс 28:21

база мен адамның аалынче тайбың ээп кээр болзумза, ынчан Дээрги-Чаяакчы мээң база Бурганым болур.

Исайя 66:3

А бузуттуг боду-ла, шары өргүп турар кижи – кижи өлүрүп турар кижиге дөмей, хураган дөгергеш, өргүп турар кижи – ыт мойну сыйып турар кижиге дөмей, далган-тараа өргүлү кылып турар кижи – хаван ханы өргүп турар кижиге дөмей, чаагай чыттыг чүүлдер кыпсып турар кижи – дүрзү-бурганга мөргүп турар кижиге дөмей. Ындыглар – оруктарын боттары шилип алган, боттарының чүдек-бужар чүүлдеринге ынак улус-тур.

Ы. х. к. 23:18

Кандыг-даа даңгырааң күүседип тура, самыын-садар херээженниң азы чүдек-бужар эрниң ажылдап алган төлевирин Дээрги-Чаяакчы Бурганыңның өргээзинге өргүл кылдыр салба, ол ийи самыын-садар чорук Дээрги-Чаяакчы Бурганыңга чүдек-бужар чүүл болур».

Баштыңчылар 11:30

Ынчан Иеффай Дээрги-Чаяакчыга даңгырак берип, мынча деп аазаан: «Бир эвес Сен аммоннарны мээң холумче киирип бериптер болзуңза,

Баштыңчылар 11:32

Оон Иеффай аммоннарже халдааш, чаалашкан, а Дээрги-Чаяакчы оларны ооң холунче киирип берипкен.

1 Хааннар 1:11

Ол Аңаа тейлеп: «Аг-шериглиг Дээрги-Чаяакчы! Бир эвес Сен чаржынчыг чалчаң менче ээ көрнүп кээр болзуңза, мени утпайн, меңээ эр хиндиктиг төлден хайырлаар болзуңза, ону мен Дээрги-Чаяакчыга бүгү назынында бериптер мен, ооң бажының дүгүнге бистиг чүве дегбес» – деп даңгырак берген.

1 Хааннар 1:28

Ам мен ону Дээрги-Чаяакчыга тураскаадырым ол-дур. Дээрги-Чаяакчыга ол бүгү назынында бараан болзун» – дээн. Ынчан олар аңаа Дээрги-Чаяакчыга мөгейип каан.

1 Хааннар 14:24

Израильчилер ол хүн шагзырап турупканнар. А Саул улузунга: «Кежээ дүшпээнде, мен дайзыннарымдан өжээн негеп албаанымда, чем амзаар кижи каргаттырар» – дээш, оларның даңгыраан ап алган. Шериглерниң аразындан кым-даа чем амзаваан.

1 Хааннар 14:44

Саул: «Ионафан, бөгүн өлүр ужурлуг сен! Бир эвес ындыг эвес болза, Бурган мени канчаар-даа кезетсин!» – дээн.

1 Хааннар 2:18

А ам-даа бичии турган Самуил лён эфод кедип алгаш, Дээрги-Чаяакчыга бараан болуп турган.