Баштыңчылар 11:1 - Ыдыктыг Библия

¹ Галаадчы Иеффай күштүг-шыырак дайынчы турган. Ол самыын-садар херээженниң Галаад деп кижиден божаан оглу чүве-дир.

Баштыңчылар 11:1 Iomraidhean Croise

4 Хааннар 5:1

Арамей хаанның шериг баштыңчызы Нееман деп кижи турган. Дээргизи ону улуг кижи деп санап, хүндүлээр турган, чүге дээрге Дээрги-Чаяакчы ону дамчыштыр арамей черге тиилелгени хайырлап турган чүве-дир. Нееман шылгараңгай дайынчы-даа болза, кеш аарыглыг кижи болган.

Еврейлерге 11:32

Оон ыңай чүнү чугаалазымза экил? Гедеон, Варак, Самсон, Иеффай, Давид, Самуил суглар база Бурганның медээчилери дугайында чугаалаар дээримге, үем чедишпес-тир.

Баштыңчылар 10:18

Галаадчылар болгаш оларның нояннары: «Аммоннарга удур дайынче бисти баштап киирер кижи бүгү Галаадты чагырып башкарар!» – дижип турганнар.

Баштыңчылар 11:2

А Галаадтың бодунуң кадайы база аңаа оолдар божуп берген турган. Ол оолдар өзүп-доругуп келгеш, Иеффайга: «Сен бистиң ачавыстың салгакчызы эвес-тир сен, чүге дээрге сен өске херээженниң оглу-дур сен» – дээш, ону үндүр сывыртапканнар.

Баштыңчылар 6:12

Дээрги-Чаяакчының төлээзи Гедеоннуң мурнунга көстүп келгеш: «О, күштүг-шыырак кижи! Дээрги-Чаяакчы сээң-биле!» – диген.

1 Хааннар 12:11

Ынчан Дээрги-Чаяакчы силерже Иероваалды, Беданны, Иеффайны база Самуилди чорудупкаш, силерни долгандыр турган дайзыннарыңардан адырып каарга, силер айыыл чок чурттап келдиңер.