Баштыңчылар 10:9 - Ыдыктыг Библия

⁹ Ол ышкаш аммоннар Иуда, Вениамин болгаш Эфремниң аймактары-биле дайылдажыр дээш, Иорданны кеже бергеш, израильчилерни аажок кызагдап келген.

Баштыңчылар 10:9 Iomraidhean Croise

2 Чылдар 14:9

Оларга удур эфиоп Зерах 1 000 000 дайынчылыг аг-шерии-биле, 300 дайынчы тергези-биле тулчуп үнгеш, Мареша хоорайга чеде берген.

2 Чылдар 15:5

Ол үеде чорумал улуска айыылдыг турган, чүге дээрге чер-девискээрлерниң бүгү чурттакчыларынга дүвүрээзинниг үе болган.

Ы. х. к. 28:65

Ол чоннар аразынга оожургал көрбес сен, будуң дыштандырар чер тыппас сен. Дээрги-Чаяакчы аңаа чүрээңни хөлзедип, дүвүредир, карааңны шыладып, баксырадыр, сеткил-хөңнүңнү муңгарадып, хилинчектээр;

Баштыңчылар 10:10

Ынчан израильчилер Дээрги-Чаяакчыны кыйгырып: «Сээң мурнуңга бачытты үүлгеттивис! Бодувустуң Бурганывысты каггаш, Ваалдың дүрзүлеринге чүдүп, бараан бооп турдувус» – деп дуза дилээннер.

Баштыңчылар 10:8

Ол чылын олар израильчилерни чылча шапкаш, Иорданның чөөн чарыында Галаадта амор черде чурттап чоруур бүгү израильчилерни он сес чыл дургузунда дарлап келгеннер.

Баштыңчылар 11:4

Элээн үе эрткенде, аммоннар израиль чон-биле дайылдажып эгелээн.

Баштыңчылар 2:15

Олар кайнаар-даа баарга, Дээрги-Чаяакчының оларга чугаалааны болгаш даңгыраглааны ёзугаар, Ооң холу оларны кадыг-дошкуну-биле кызып-кыйып турган.

Баштыңчылар 6:2

Мадианнарның израиль чонну чагырган холу аар-берге турган болгаш, израильчилер мадианнардан чаштынар черлер – дагларның чарык черлеринге, куйларга камгаланыр быжыглалдар кылып ап турган.

1 Хааннар 13:6

Израильчилер нарын байдалдыг апарганын билген, чүге дээрге шерии дайзыннарга кыстырып эгелээн. Ынчангаш олар куйларга, шырыштарга, хая-даш аразынга, оңгарларга база чоогаларга чаштынып эгелээннер.

1 Хааннар 28:15

Самуил: «Чүге мени дүвүредип, үндүр кыйгырдың?» – деп Саулдан айтырган. Саул мынча дээн: «Меңээ дыка берге-дир. Филистимнер меңээ удур дайылдажып турар. Бурган мени каапкан болгаш, моон соңгаар Бодунуң медээчилерин дамчыштыр-даа, дүжүмде-даа меңээ харыы бербес-тир. Ынчангаш чүнү канчалзымза экил, мени өөредип кагзын дээш силерни кыйгырдым».