Баштыңчылар 10:15 - Ыдыктыг Библия

¹⁵ Израильчилер Дээрги-Чаяакчыга: «Бачытты кылдывыс, бисти канчаарыңны Бодуң бил, чүгле ам бисти камгалап каап көр!» – дишкеннер.

Баштыңчылар 10:15 Iomraidhean Croise

2 Хааннар 10:12

Эрес-дидим бол, чонувус дээш, Бурганывыстың хоорайлары дээш чалданыш чок туржур бис. Дээрги-Чаяакчы Боду канчаар күзээрил, ынчалдыр кылзын».

2 Хааннар 12:13

Давид Нафанга: «Дээрги-Чаяакчыга удур бачыт үүлгеткеним шын-дыр» – дээн. Нафан Давидке: «Дээрги-Чаяакчы сээң бачыдыңны сенден чайладып каапкан, сен бодуң өлбес сен – деп чугаалаан. –

2 Хааннар 15:26

А бир эвес Ол: „Сен Мээң сеткилимге таарышпаан сен“ дээр болза, ам канчаар, мени канчаарын Ол Боду билгей аан» – дээн.

2 Хааннар 24:10

Чонну санап түңнээниниң соонда, Давидтиң арын-нүүрү оттуп келген. Ол Дээрги-Чаяакчыга мынча дээн: «Ону кылгаш, улуг бачыт үүлгеткен-дир мен. О Дээрги-Чаяакчы, мен ам Сенден дилеп тур мен, Бодуңнуң чалчаңның буруузун адырып көр. Мен дыка-ла мугулай чүве кылган-дыр мен».

2 Хааннар 24:14

Давид Гадка мынча дээн: «Меңээ дыка берге-дир. Дээрги-Чаяакчының өршээли улуг болганда, бис шуптувус Ооң холунга кирээли. Чүгле кижилер холунга мен кирбээйн».

Иов 33:27

Ынчан ол кижи улус мурнунга келгеш, мынча дээр: „Бачыт үүлгеттим, эки чүүлдү хажыттым, ынчалза-даа Ол мени үүлгедиглерим дээш кезетпеди;

Чугаалар 28:13

Бачыттыг үүлгедииңни чажырар болзуңза, эки чүве көрбес сен, а ону ажыы-биле миннип, ойталаар болзуңза, өршээл алыр сен.

Исайя 26:16

О, Дээрги-Чаяакчы! Чонувус кызагдаткаш, холун Сенче сунуп турду. Сен ону кезедип туруңда, арай деп-ле сымыранып мөргүп турду.

Иона 2:4

Мени эң-не ханы далайның дүвүнче киир октаптың, агымнар мени бүргеп, Сээң сугларың, Сээң чалгыгларың мээң кырым-биле эртип турдулар.

Иона 3:9

Канчап билир, Бурган бисти кээргеп, Бодунуң хайнып турар килеңин бистен чайладыптар чадавас, бис ынчан өлбейн баар бис».

Иисус 9:25

Ам бис сээң холуңда-дыр бис. Биске хамаарыштыр чүнү канчаарыңны шын болгаш чөптүг деп санаар сен, шак ынчалдыр кыл» – деп харыылааннар.

1 Хааннар 12:10

Олар катап-ла Дээрги-Чаяакчыга ыы-сыылыг: „Дээрги-Чаяакчыны тооп көрбейн, Ваал болгаш Астарта дүрзүлеринге бараан болуп, бачыттыг чүвени үүлгеткен-дир бис. Ам бисти дайзыннарның холундан адырып ап көр, бис чүгле Сеңээ бараан болур бис“ – деп чаннып келгеннер.

1 Хааннар 3:18

Самуил Илийге чүнү-даа чажырбайн чугаалап берген. Ынчан Илий: «Ол дээрге Дээрги-Чаяакчы-дыр. Ол чүнү күзээрил, ону күүседир» – дээн.

1 Хааннар 7:6

Олар Мицпага чыглып келгеш, суг узуп алгаш, Дээрги-Чаяакчының мурнунга төпкеннер. Ол хүн олар шээрленип: «Дээрги-Чаяакчының мурнунга бачыт үүлгеткен-дир бис» – деп турганнар. Мицпага Самуил израильчилерниң баштыңчызы апарган.