Баштыңчылар 10:13 - Ыдыктыг Библия

¹³ А силер Мени каггаш, хары бурганнарга чүдүп, бараан бооп эгеледиңер; ол дээш моон соңгаар силерни камгалавас мен.

Баштыңчылар 10:13 Iomraidhean Croise

1 Чылдар 28:9

А сен, оглум Соломон, ачаңның Бурганын билип ал, Аңаа бүгү сеткил-сагыжыңдан, эки тураң-биле бараан бол, чүге дээрге Дээрги-Чаяакчы бүгү улустуң чүрээн шылгап, оларның бодалдарының шимчээшкиннерин билир болгай. Бир эвес Олче чүткүүр болзуңза, Ол сеңээ тыптыр. А бир эвес Оон ойталаар болзуңза, Ол сенден кезээ мөңгеде хая көрнү бээр.

2 Чылдар 12:5

Ынчан Иудеяның нояннары Сусакимден камгалал дилеп, Иерусалимге чыглып келген. Шемайя медээчи база келгеш, Ровоам биле ол нояннарга Дээрги-Чаяакчының чугаалаан чүвезин дамчыткан: «Силер Менден ойталаан силер, ынчангаш Мен база силерден ойталап, Сусакимниң холунга хүлээдип тур мен».

2 Чылдар 15:2

Азария Асага уткуй үнүп келгеш, мынча дээн: «Аса база Иудея биле Вениаминниң бүгү аймак-чону, мени дыңнаңар! Дээрги-Чаяакчы-биле кады болзуңарза, Ол база силер-биле кады болур. Олче чүткүүр болзуңарза, Ол силерге тыптыр. А Ону каапкаш баар болзуңарза, Ол база силерни кааптар.

2 Чылдар 21:10

Ынчалза-даа Эдом Иудеяның чагыргазының адаандан үнгеш, амдыгаа чедир аңаа чагыртпайн турар. Ол-ла үеде Ливна хоорай база ооң чагыргазының адаандан үне берген, чүге дээрге ол ада-өгбезиниң Бурганы Дээрги-Чаяакчыдан ойталаан болган.

Иеремия 2:13

Мээң чонум бузуттуг ийи херек үүлгеткен: ол Мени, амыдырал хайырлаар суг бажын, каапкаш, суг ызырынмас, үрелип бузулган доскаарлардан суг узуксап турар.

Иеремия 2:19

Кем-бурууң дээш кеземче алыр сен, өскерлиишкиниң дээш сени кезедир; ынчангаш Дээрги-Чаяакчы Бурганыңдан ойталааның, Менден кортпас апарганың кайы хире айыыл-халап, ажыг-шүжүгге чедиргенин билип, көрүп ал». Аг-шериглиг Дээрги-Бурган-Чаяакчының медеглээн чүвези ол-дур.

Иона 2:8

Сагыш-сеткилим харыксырай бээрге, Дээрги-Чаяакчыны сактып келдим, мээң мөргүлүм Сеңээ, Сээң ыдыктыг өргээңге чеде берген-дир.

Ы. х. к. 32:15

Ешурун тодуп семирээш, дедирленгеш туруп берген; ол шөртейтир семирип, чооннап калган, бодун чаяаган Бурганны каапкан, бодун камгалаар Хаяны куду көрген.

Баштыңчылар 10:14

Баргаш, шилип алганыңар бурганнарны кыйгырыңар, бо кызагдал үезинде силерни олар камгалазын!»

Баштыңчылар 2:12

Олар боттарының адаларын Египеттен хостап үндүрген Бургандан, адаларының Бурганы Дээрги-Чаяакчыдан хая көрүнгеш, хары бурганнарже – израильчилерни долгандыр чурттап турар чоннарның бурганнарынче көрнүп, оларга мөгейип эгелээн болгаш оозу-биле Дээрги-Чаяакчыны хорададып алганнар.

Баштыңчылар 2:19

Ынчалза-даа баштыңчы чок апаарга-ла, израильчилер катап база адаларындан дора болуп, хары бурганнарже чайгылып, оларга бараан болуп, оларга мөгейип эгелээр турганнар. Ынчалдыр олар боттарының үүлгедиглеринден болгаш чөрүү-хедер оруундан ыравайн турганнар.