Баштыңчылар 1:3 - Ыдыктыг Библия

³ Иуданың аймаа Симеоннуң аймаа-биле хан төрел болгаш: «Силер бистиң үлүүвүске каттыжыңарам, ынчангаш хананейлер-биле дайылдажыылы, силерниң үлүүңерге бис база оон каттыжар бис» – деп аңаа саналдаан. Симеоннуң аймаа ооң-биле каттыжып алгаш чорупкан.

Баштыңчылар 1:3 Iomraidhean Croise

Эге дөс 29:33

Ол база катап иштели бергеш, оол божуп алган. «Дээрги-Чаяакчы ашаам меңээ ынак эвес деп дыңнап кааш, бо оглумну база берди» – деп чугаалааш, Лия оглун Симеон* деп адап алган.

2 Хааннар 10:11

Иоав акызынга мынчаар чагаан: «Бир эвес арамейлер мени ажып тиилээр деп барза, сен меңээ дузалажыр сен. А бир эвес аммоннар сени тиилээр деп барза, сеңээ мен барып дузалажыр мен.

Иисус 19:1

Ийи дугаарында Симеоннуң аймаа төрел бөлүктер аайы-биле хувааглыг черни алган. Оларның чери Иуданың аймааның чериниң аразында болган.

Ажыдыышкын 7:7

Симеоннуң аймаандан – 12 000, Левийниң аймаандан – 12 000, Иссахарның аймаандан – 12 000,

Баштыңчылар 1:17

Иуда биле Симеон деп хан төрел аймактар ооң соонда чорупкаш, Цефафка чурттап турган хананейлерни чылча шаап, Цефафты бүрүнү-биле узуткап кааннар, ынчангаш ол хоорайның адын Хорма дээр апарган.

Баштыңчылар 1:2

«Иуданың аймаа баар – деп, Дээрги-Чаяакчы харыылаан. – Мен бо чуртту ооң холунга хүлээдип бээр мен».

Баштыңчылар 1:4

Ынчалдыр Иуданың аймаа дайынче чорупканда, Дээрги-Чаяакчы хананей биле ферез чоннарны ооң шериглеринге аштырар кылдыр берипкен, ынчангаш олар Везек деп черге демгилерниң 10 000 кижизин чок кылып каапканнар.