Баштыңчылар 1:27 - Ыдыктыг Библия

²⁷ Ынчалза-даа Манассияның аймаа Бет-Сан, Таанах, Дор, Ивлеам, Мегиддон хоорайларның болгаш оларга чагырткан хоорай-суурларның чурттакчыларын үндүр сывыртавайн барган, ынчангаш хананейлер ол черге чурттап артып калганнар.

Баштыңчылар 1:27 Iomraidhean Croise

3 Хааннар 9:21

оларның чуртка артып калган, израильчилерниң бүрүнү-биле узуткап шыдавааны үре-салгалын – кулдар ышкаш ажылдадып ажыглап турган, амдыгаа чедир ындыг бооп арткан.

4 Хааннар 23:29

Иосияның чагыргазының үезинде Египеттиң хааны Нехао фараон Ассирияның хаанынга уткуй Евфрат хемче үнүп келген. Иосия хаан аңаа удур үнүп кээрге, фараон ону Мегиддонга көрүп кааш, өлүрүп каан.

4 Хааннар 9:27

Болган чүүлдү көрүп кааш, Иудеяның хааны Охозия Бет-Хагганче баар орук-биле дезипкен. Иеху Охозияны сүрүп: «Ону база өлүрүп калыңар!» – деп алгырып чораан. Охозия Ивлеам чоогунда Гурже көдүрлүп орда, ону чуузазынга балыглапканнар. Ол Мегиддон хоорайже дезип киргеш, аңаа өлүп калган.

Хосталыышкын 23:32

Ол чоннар-биле-даа, оларның бурганнары-биле-даа керээ чарба.

Иеремия 48:10

Дээрги-Чаяакчының ажыл-херээ дээш кыспас кижи каргаттырар, бодунуң хылыжын хан шылба кылбас кижи каргаттырар!

Ы. х. к. 7:2

Дээрги-Чаяакчы Бурганың ол чоннарны сээң эргеңге хүлээдип бээр, сен оларны базып каар сен. Ынчан оларны бүрүнү-биле узуткап каг, олар-биле эвилелдешпе, оларга хайыра бербе.

Иисус 21:25

Манассияның аймааның чартыының оларга берген хоорайлары: Таанах база Гат-Риммон – одар-белчиирлиг черлери-биле кады ийи хоорай.

Баштыңчылар 1:1

Иисустуң өлгениниң соонда, израиль чон Дээрги-Чаяакчыдан: «Бистиң кайывыс Ханаан чурттуглар-биле дайынче баштай чоруурул?» – деп айтырган.

Баштыңчылар 1:21

А Вениаминниң аймаа Иерусалимге чурттап турган иевус чонну үндүр сывыртавайн барган, ынчангаш иевустар вениаминчилер-биле Иерусалимде амдыгаа чедир чурттап чоруурлар.

Баштыңчылар 1:26

(Ол кижи хет чоннуң черинче көжүп чорупкаш, аңаа хоорай туткаш, ону Луз деп адап каан. Ооң ол ады амдыгаа чедир өскерилбээн.)

Баштыңчылар 1:28

Израиль чон күш киргеш, хананейлерни бодунуң ажылын кылдыртыр албатылары кылып алган, ынчалза-даа чурттан үндүр сывыртаваан.

Баштыңчылар 5:19

Хааннар келгеш, тулуштулар, хананей хааннар Мегиддоннуң хемнериниң чанында Таанахка тулуштулар, ынчалза-даа бичии-даа мөңгүн албайн бардылар.

1 Хааннар 15:9

Ынчалза-даа Саул болгаш ооң шерии Агагты кээргээш, өршээп кааннар, эң эки шээр, бода малын, семис-шыырак хураганнарын база шупту эки малдарын кээргээш, өлүрбээннер. А чудаңгы, арган-дорган малды узуткап каапканнар.

1 Хааннар 31:10

Саулдуң ок-чепсээн Астарта бурганның өргээзинге салып каан, а ооң мөчү-сөөгүн Бет-Сан хоорайның ханазынга азып кааннар.