Баштыңчылар 1:19 - Ыдыктыг Библия

¹⁹ Дээрги-Чаяакчы Иуданың аймаа-биле кады турган. Ол аймак даглыг девискээрни эжелеп алган, а чавызааш черниң чурттакчыларын ойлатпаан, чүге дээрге ол улустуң дайынчы демир тергелери бар болган.

Баштыңчылар 1:19 Iomraidhean Croise

Эге дөс 39:2

Дээрги-Чаяакчы Иосифти кагбайн, кады чораан: ооң ажыл-херээ чогумчалыг бооп, бодунуң египет ээзиниң бажыңында чурттап турган.

Эге дөс 39:21

Дээрги-Чаяакчы Иосиф-биле кады бооп, энерелин көргүзүп, кара-бажыңның даргазы олче ээ көрнүр кылдыр кылыпкан.

2 Хааннар 5:10

Давид улам-на күштүг бооп кел чыткан, Аг-шериглиг Дээрги-Бурган-Чаяакчы ооң-биле кады болуп турган.

4 Хааннар 18:7

Ынчаарга Дээрги-Чаяакчы ооң-биле кады болган: Эзекия кылган-на бүгү чүвезинге чедиишкинниг бооп турган. Ол Ассирияның хаанынга чагыртпайн барган, аңаа бараан болбастай берген.

Ырлар 46:7

Бурганны мактап ырлаңар; бистиң Хаанывысты мактап ырлаңар, ырлап мактаңар!

Ырлар 46:9

Бурган бүгү чоннарны чагырып тур, Ол Бодунуң ыдыктыг дүжүлгезинге барып саадапты.

Экклесиаст 9:11

Эргий көргеш, чырык черде мындыг чүве көрдүм: чарышка чедиишкин аваангыр дүргеннерде эвес, дайынга тиилелге дидимнерде эвес, аъш-чем мерген угаанныгларда эвес, бай-байлак бодамчалыгларда эвес, ээ көрнүүшкүн билиглиглерде эвес-даа болгулаар-дыр, ол бүгү үе-хуусаа биле таварылгадан хамааржыр-дыр.

Исайя 41:10

Кортпа, чүге дээрге Мен – сээң Бурганың-дыр мен, сүрээдеве, чүге дээрге Мен сээң-биле кады мен. Сени быжыктырып, сеңээ дузалаар мен. Мээң тиилелгелиг холум сеңээ деткимче көргүзер.

Исайя 7:14

Ынчангаш Дээрги Боду силерге бадыткал демдээ хайырлаар: көрүңер даан, аныяк кыс иштелип, оол уруг божуп алгаш, ону Эммануил деп адап аар.

Исайя 8:10

Бодалдарыңар бодап алыңар, ынчалза-даа олар болдунмайн баар; сөзүңер чугаалаңар, ынчалза-даа ол бүтпес, чүге дээрге Бурган бистиң-биле!

Римчилерге 8:31

Бо бүгүге немептер чүвүс барыл? Бурган бистиң талавыста болза, кым биске удурланып шыдаарыл? –

Филипчилерге 4:13

Меңээ күштү хайырлап турар Христостуң ачызында чүнү-даа шыдажып эртер мен.

Иисус 1:5

Бүгү назыныңда сеңээ удур кым-даа туржуп шыдавас болур. Моисей-биле кады чорааным ышкаш, сээң-биле база кады болур мен. Мен сени кагбас мен, сенден ойталавас мен.

Иисус 1:9

Сеңээ дужаадым чоп: кадыг-быжыг болгаш эрес-дидим бол, коргуп-сүртеве! Дээрги-Чаяакчы Бурганың каяа-даа сээң-биле кады боор».

Иисус 14:12

Дээрги-Чаяакчының ынчан чугаалап турганы даглыг черни мээң холумга хүлээдип берип көр. Ында энак аймак чурттап турар, оларның хоорайлары улуг болгаш быжыг дээрзин бодуң база дыңнап турдуң. Дээрги-Чаяакчы мээң-биле кады болур болза, ол черни мен Дээрги-Чаяакчының сөзүн ёзугаар эжелеп алыйн!»

Иисус 7:12

Ынчангаш израильчилер боттарының дайзыннарынга удур туржуп шыдавайн, дезипкен. Чүге дээрге олар боттары каргышка таварышкан. Бир эвес силер Меңээ тураскааткан чүвени узуткап, бодуңардан ыратпас болзуңарза, моон соңгаар Мен силер-биле кады болбас мен.

Баштыңчылар 1:2

«Иуданың аймаа баар – деп, Дээрги-Чаяакчы харыылаан. – Мен бо чуртту ооң холунга хүлээдип бээр мен».

Баштыңчылар 4:13

Сисара 900 дайынчы демир тергелерин дөгерезин болгаш ооң-биле кады турган шериин кый деп, чыып алгаш, Харошет-Гоимден Киссон хемге чедип келген.

Баштыңчылар 4:3

Израильчилер ынчан Дээрги-Чаяакчыны кыйгырып, дуза дилеп эгелээн. Чүге дээрге Иавин 900 дайынчы демир тергелиг турган, израильчилерни ол чээрби чыл иштинде каржызы-биле дарлап келген.

1 Хааннар 18:12

Саул Давидтен коргар апарган. Чүге дээрге Дээрги-Чаяакчы Давид-биле кады болган, а Саулдан Ол ойталап каапкан.

1 Хааннар 18:14

Давид чүнү-даа кылганда, чедимчелиг болуп келген. Дээрги-Чаяакчы ооң-биле кады болган.

1 Хааннар 18:5

Саул Давидти кайнаар-даа чорудуптарга, ол чүнү-даа угаан-сарыылдыг кылып турган. Ынчангаш Саул ону шериг улустуң даргазы кылып каан. Бүгү чонга болгаш Саулдуң дүжүметтеринге ол тааржыр болган.