Ажыдыышкын 2:3 - Ыдыктыг Библия

³ Силерниң шыдамыыңар, Мени дээш хөй бергени ажып эрткениңер база ол бүгүден могап-шылавааныңар меңээ билдингир.

Ажыдыышкын 2:3 Iomraidhean Croise

Ырлар 37:7

Бүшкүйүп, бүгү бодум халая бердим, хүннү бадыр хөлүе берген чоруп тур мен;

Михей 7:9

Дээрги-Чаяакчының килеңин чүктээр ужурлуг мен, чүге дээрге Аңаа удур бачыт үүлгеткен мен. Бурган мээң таламда апарбаан шаанда, меңээ болчуп эгелевээн шаанда, ындыг болур. Оон Ол мени чырыкче үндүрүп каар, мен Ооң шынныын көрүп каар мен.

Марк 15:21

Киринея чурттуг Симон деп кижи шөлден ээп чанып олургаш, оларга орук ара ужуражы берген. (Ол Александр биле Руфустуң ачазы чүве-дир.) Шериглер ону Иисусту хере шавар дээн белдир-ыяшты көдүрүп чоруур кылдыр албадапканнар.

Лука 14:27

Бодунуң белдир-ыяжын чүктеп чорбас база Мени эдерип чорбас кижи Мээң өөреникчим болуп шыдавас.

Лука 18:1

Өөреникчилериниң үргүлчү мөргүүр болгаш идегелин чидирбес ужурлуун көргүзер дээш, Иисус оларга угаадыглыг чугаа чугаалап берген.

Лука 21:19

Ол бүгүнү шыдажып эртер болзуңарза, амы-тыныңарны камгалап алыр силер».

Лука 5:5

Симон Аңаа мынча деп харыылаан: «Башкы, бис дүннү өттүр балыктааш, чүнү-даа тудуп албадывыс. Ынчалза-даа Силерниң айтыышкыныңар аайы-биле кылып, четкилерни салыптайн».

Лука 8:15

Үнүш-дүжүткүр хөрзүннүг черже кээп дүшкеннери дээрге медээни дыңнааш, ону боттарының буянныг болгаш арыг чүректеринге кадагалап шыгжааш, туруштуг чоруунуң ачызында дүжүдүн бээр кижилер-дир.

Иоанн 15:21

Мээң улузум бооруңарга, бо делегейниң улузу силерге ол бүгүнү кылыр, чүге дээрге олар Кым Мени айбылап чорутканын билбес-тирлер.

Римчилерге 12:12

Идегелиңер силерге өөрүшкүнү эккелзин, аар-бергелерге таварышкаш, туруштуг болуңар; мөргүлден черле салдынмаңар;

Римчилерге 16:12

Дээрги-Чаяакчы дээш ажылдап келген Трифена биле Трифосага байыр. Дээрги-Чаяакчы дээш база хөй ажылдап келген ханы ынак дуңмам Персидага байыр.

Римчилерге 2:7

Буянныг ажыл-херектерни доктаамал кылып, Бургандан алдар, мактал-хүндү болгаш өлүм чок чорук дилээн улуска Ол мөңге амыдыралды хайырлаар.

Римчилерге 8:25

А ам-даа көрбейн турар чүвевиске идегээн болзувусса, ону шыдамык манап алыр бис.

1 Коринфичилерге 13:7

Ол чүү-даа чүвени шыдажып эртер. Ооң бүзүрели, идегели, шыдамык чоруу кажан кезээде хевээр артар.

1 Коринфичилерге 16:16

шак ындыг улусту, а ол ышкаш олар-биле кады ажылдап, дуза кадып турар бүгү улусту тооп дыңнап, хүндүлеп чоруңар.

2 Коринфичилерге 10:15

Өске улустуң ажыл-херээ-биле өйүн эрттир мактанмайн турар бис. Харын силерниң бүзүрелиңер улгаткан тудум, Дээрги-Чаяакчының биске доктаадып берген хемчээлдериниң иштинге ажыл-херээвис оранчок калбарар дээрзинге идегээр-дир бис.

2 Коринфичилерге 11:23

Христоска бараан болганнар бе? Угааны анаа эвес кижи дег чугаалап тур мен, ынчалза-даа Христоска олардан артык бараан бооп чор мен! Ажыл-херээмге бодумну черле хайыралавайн келдим, кара-бажыңга олардан хөй хоругдаттырып келдим, каржы-дошкуну-биле эттедип-соктуртуп чордум, өлүрүнүң кырынга хөй катап турдум.

2 Коринфичилерге 4:1

Ынчангаш бис – Бурганның шак ындыг бараан болуушкунну Бодунуң өршээлдии-биле хүлээндирип каан улузу, сорук-күжүвүс кошкаш дивес бис.

2 Коринфичилерге 4:16

Ынчангаш сорук-күжүвүс кошкаш дивес. Харын бистиң мага-бодувус элеп, харыксыраза-даа, сагыш-сеткиливис хүн бүрүзүнде чаартынып орар.

2 Коринфичилерге 5:9

Ынчангаш черде мага-бодувуска чурттап-даа тургаш азы оон ыракка-даа тургаш, бистиң эң-не улуг чүткүлүвүс – Ооң сеткилинге кирери болзун.

Галатчыларга 6:2

Аар-бергелерни ажып эртеринге бот-бодуңарга дузалажыңар, ооң-биле Христостуң айыткан чүүлүн сагаан боор силер.

Галатчыларга 6:9

Буян кылып тура, кажан-даа могап-турбаалы. Ынчан, сорук-күжүвүс кошкай бербес-ле болза, чогуур үе кээрге, дүжүдүвүс ажааттына бээр.

Филипчилерге 2:16

Мөңге амыдырал бээр медээден салдынмайн туттунуңар. Силерниң ынчаар кылганыңар ачызында, мээң бо чарышка киришкеним база үндүрген күжениим хилис барбаан-дыр деп, Христостуң ээп кээр хүнүнде амыраар ийик мен.

Филипчилерге 4:3

Мээң шынчы эжим, сени база дилеп тур мен: бо херээженнерге дузадан кат. Олар мээң-биле, Климент-биле база амыдыралдың номунче аттарын киир бижээн өске-даа кады ажылдап турар эштерим-биле Буянныг Медээ дээш, эгин кожа туржуп келгеннер болгай.

Колосчуларга 1:11

Ындыг боор кылдыр, Ол силерни Бодунуң өндүр улуг күчүзүнге дүүштүр кандыг-даа күш-биле быжыктырзын база бүгү чүвени туруштуу-биле шыдажып эртер арганы силерге хайырлазын.

1 Фессалоникчилерге 1:3

Силерниң бүзүрелиңерге үндезилеттинген ажыл-херээңерни, ынакшылыңардан сорук кирген ажылыңарны, Дээргивис Иисус Христоска идегелиңерниң чайгылыш чогун Бурган Адавыстың мурнунга доктаамал сактып чор бис.

1 Фессалоникчилерге 2:9

Ха-дуңма, кайы хире чилчик үзүлдүр ажылдап, бергелерни эртип келгенивисти билир силер. Бурганның Буянныг Медээзин силерге суртаалдап тура, кайыңарны-даа шүүдетпес дээш, дүне-хүндүс дивейн ажылдап, бүзүрээн силерге хамаарыштыр боттарывысты Бурганның мурнунга арыг-шынчы, төлептиг ап келгенивисти билир силер, Бурган база ону херечилээр.

1 Фессалоникчилерге 5:12

Ха-дуңма, улуу-биле дилеп тур бис: араңарда кызымак ажылдап турар, Дээрги-Чаяакчы-биле харылзаалыг амыдыралга силерни углап-баштап, чагып-сургап турар удуртукчуларны хүндүлеп көрүңер.

2 Фессалоникчилерге 3:13

А силер, ха-дуңма, буян тарыырын могаг-шылаг чокка уламчылаңар-ла.

2 Фессалоникчилерге 3:5

Дээрги-Бурган-Чаяакчы чүректериңерге Бодунуң бээри ынакшылче база Христостуң бээри шыдамык чорукче орукту айтып берзин.

2 Фессалоникчилерге 3:8

Кымның-даа кескинди хлевин халаска чип, азыратпадывыс, харын кайы-бирээңерге аартык болбас дээш, дүне-хүндүс дивейн, карак кызыл ажылдап келдивис.

1 Тимофейге 4:10

Бүгү улустуң, ылаңгыя бүзүрээннерниң, Камгалакчызы боор дириг Бурганга идегээш, карак кызыл ажылдап, ол идегел дээш, демисежип чоруур-дур бис.

1 Тимофейге 5:17

Башкарар ажылын эки кылып турар удуртукчулар, ылаңгыя суртаалдаар база өөредир ажылга кызымактар, мактал-хүндү биле төлевир алзыннар.

Еврейлерге 10:36

Бурганның күзел-соруун күүсеткеш, аазаан чүүлүн алыр дизиңерзе, шыдамык боору силерге эргежок чугула.

Еврейлерге 12:1

Бисти хүрээлээн, бүзүрелди херечилээн улустуң хөйүн көрбес силер бе?! Ындыг болганда, оруувуска моондак болган бүгү чүвени база чыпшыныычал бачытты ыңай ап октапкаш, бисти манап турар орук-биле шыдамык, туруштуг чоруп ораалы.

Еврейлерге 13:13

А ындыг болганда, Иисустуң дорамчылалын үлежир дээш, бис база чоннуң турлааның даштынче, Олче шиглей чоруптаалы.

Еврейлерге 6:10

Чүге дээрге Бурган чөптүг. Эрткен болгаш амгы үеде Ооң улузунга бараан бооп тура, кылган ажыл-херээңерни база Аңаа көргүскен ынакшылыңарны Ол уттур хире эвес.

Еврейлерге 6:12

Чалгаа болбазыңарны, харын бүзүрелиниң база шыдамык чоруунуң ачызында оларга Бурганның аазаан чүүлүн салгап аар улустуң үлегерин эдерериңерни күзеп тур мен.

Еврейлерге 6:15

Авраам шыдамык манап келгеш, аазаан чүүлдүң эге-бажынга четкен.

2 Пётр 1:6

Билииңерге бодуңарны туттунар чорукту немеңер, а орта немей шыдамык болуңар, а шыдамыыңарга немей Бурганны хүндүлеңер.

Ажыдыышкын 1:9

Мен – Иоанн акыңар, Иисус-биле харылзаалыг болгаш, Ооң Чагыргазынга хамааржыр бүгү улуска таваржыр хилинчекти деңге шыдажып эртип турар бирээңер мен. Бурганның медээзин база Иисусту шынныы-биле херечилээним дээш, Патмос деп ортулукче шөлүдүпкен турдум.

Ажыдыышкын 3:10

Силер Мээң айтыышкыннарымны тооп дыңнап, шыдамыыңар көргүстүңер. Ынчангаш бүгү кижи төрелгетенни шенээр дээш, бо делегейже хөме кээр халаптыг шенелделер үезинде Мен база силерни кадагалаар мен.