3 Ынчангаш арзылаң алгызы дег ыыткыр үн-биле алгыра кааптарга, аңаа харыылап, чеди диңмирээшкин диңмирээр болду.
Дээрги-Чаяакчы, Бурганым! Сенден дуза дилеп турдум, мени ынчан сегиткен сен.
Хаанның килеңи – арзылаң ырланганы дег, а ээ көрүүшкүнү – оът-сигенде чаъс-шалың дег.
Дээрги-Чаяакчы меңээ мынча дээн: «Арзылаң дег, кажан ол бодунуң олча-тывыжының кырынга ырланып турда, аңаа удур чеже-даа хөй кадарчы чыглып кээрге, оларның алгы-кышкызы, шимээн-даажындан кортпазы дег, Аг-шериглиг Дээрги-Чаяакчы база бедик Сион даг дээш тулчуру-биле дүжүп кээр.
Дээрги-Чаяакчы күчүлүг маадыр дег чедип кээр, дайынчы дег, килеңи кыптыгар, дайынчы кыйгы салып, алгырар, дайзыннарынга күжүн көргүзер:
Оларның алгы-кышкызы арзылаң алгызы-ла, олар араатан аң дег ырланыр; олчазын сегирип алгаш, ырланып-ырланып, тудуп аппаар – кым-даа камгалап шыдавас!
«Оларга бүгү бо сөстерни чарлап, мону чугаала. Дээрги-Чаяакчы өрүтен диңмиреп кээр, Бодунуң ыдыктыг оран-савазындан дыңзыг үн-биле алгырар, Бодунуң чер-чуртунче хөректенир, виноград чулуу сы бастырган кижиниң дааш-шимээн үндүрери дег, черниң бүгү чурттакчыларынче кышкырар!
Херувимнерниң чалгыннарының даажы өргээниң даштыкы шөлүнге безин Күчүлүг Бурганның чугаалап турар үнү ышкаш дыңналып турган.
Израильчилер Дээрги-Чаяакчыны эдерип чоруптар, Ол арзылаң ышкаш ырланыр; Ооң ырланганын дыңнааш, ажы-төлү сырбаш дээш, барыын чүктен чедип кээр.
Дээрги-Чаяакчы Сиондан диңмирээр, Иерусалимден дыңзыдыр алгырар, чер биле дээр сириңейни бээр. Ынчалза-даа Дээрги-Чаяакчы Бодунуң чонунга хоргадаар чер болур, израиль чонга – шивээ болур.
Амос: «Дээрги-Чаяакчы Сиондан диңмирээр, Иерусалимден дыңзыдыр алгырар; кадарчыларның оран-савазында улус качыгдап ыглажыр, Кармил дааның бажы кургай бээр» – деп чугаалаан.
Арзылаң ырланган соонда, кижи коргуп сирилевес деп бе? Дээрги-Бурган-Чаяакчы чугаалаан соонда, кижи Ооң сөзүн медеглевес деп бе?
Шапкын агым сугнуң коолааны, диңмирээшкинниң диңмирээни азы хөгжүмчүлерниң чадаганнарга ойнаан аялгазы дег, дээрден дыңналган үннү дыңнап кагдым.
Мен ооң соонда дээрге база бир өндүр улуг болгаш кайгамчык демдекти көрүп кагдым: чеди халап эдилээн дээрниң чеди төлээзи аңаа көзүлдү. Ол чеди халап халаптарның сөөлгүлери болду, чүге дээрге Бурганның килеңи ооң-биле төнер чүве-дир.
Дөрт дириг амытанның бирээзи ынчан мөңге дириг Бурганның килеңи долган чеди алдын саваны дээрниң ол төлээлеринге үлеп берди.
Кол дүжүлгеден кызаңнааштар кызаңайнып, диңмирээшкин диңмиреп, дааш дыңналды. Ооң баарында Бурганның чеди сүлдези болур чеди оттуг кезек хып турду.
Дээрниң төлээзи оон айдызаар савазын алгаш, ону өргүл салыр бедигээштиң изиг көзү-биле долдургаш, черже шывадапты. Ол дораан черге дааш-шимээн көңгүреп, диңмирээшкин диңмиреп, чаңнык кызаңнап, чер шимчей берди.