Ажыдыышкын 1:7 - Ыдыктыг Библия

⁷ Көрүңер, Ол булуттары-биле бүргеттинип алган чедип кээр. Ынчан карактыг кижи бүрүзү, Иисусту өттүр шанчып кааннар безин, Ону көрүп каар. Черде бүгү аймак-чоннар Ооң ажыын ажып ыглажыр. Ылап-ла ындыг, аминь!

Ажыдыышкын 1:7 Iomraidhean Croise

Иов 33:26

ынчан ооң мөргүлү Бурганга таарымчалыг болур, Бурганның шырай-арныңче көрүп алгаш, ол өөрүп-байырлаарга, Бурган ону чөптүг чоруу дээш шаңнаар.

Ырлар 68:1

Хөгжүм башкарыкчызынга. «Лилия чечээ» деп аялга үдээр. Давидтии.

Ырлар 97:2

Дээрги-Чаяакчы Бодунуң тиилелгезин көргүстү, Бодунуң чөптүүн, өске чоннар көрүп турда, ажытты.

Исайя 19:1

Египет дугайында өттүр билген медеглел бо-дур. Дыңнаңар, Дээрги-Чаяакчы чоруккур булутта саадапкан, Египетче кел чыдыр. Египеттиң дүрзү-бурганнары Ону көргеш, сириңейнип тур, египетчилерниң чүректери кортканындан шапкыланып тур.

Даниил 7:13

Оон ыңай дүнеки көстүүшкүнүмде мындыг чүве көрдүм. Кижи амытан оглу ышкаш бир-ле Кижи дээрниң булуттары-биле бүргеттинип алган келген. Чоокшулап кээрге, ону үе-дүптен бээр амыдыраан Ирейге чедире берген.

Наум 1:3

Дээрги-Чаяакчы килеңин үр тудуп шыдаар, ындыг-даа болза, Ооң күчү-күжү өндүр улуг, Ол буруулугларны кеземче чок арттырбас. Хат-шуурган, казыргы Ону эдерип чоруур, Ооң буду булуттарны, довурак ышкаш, базып чоруур.

Захария 12:10

«А Давидтиң салгалын, Иерусалимниң чурттакчыларын ээ көрнүүчел болгаш Меңээ чаннып мөргүүр улус кылып каар мен. Олар өттүр шанчып алганы кижиже көөр, эр чаңгыс оолдуң ажыын ажааны дег, ооң ажыын ажып ыглап-сыктаар, дун оол дээш кажыыдааны дег, ол кижи дээш кажыыдаар.

Захария 12:11

Ол хүн Иерусалимге, Мегиддон шынаазында Гадад-Риммон дээш ыы-сыы дег, канчаар-даа аажок улуг ыы-сыы болур.

Саннар 24:17

Мону көрүп тур мен, ынчалза-даа амгы үеде болбайн турар-дыр, мону көрүп тур мен, ынчалза-даа ырак үеде боттаныр-дыр. Иаковтуң үре-салгалындан шолбан сылдыс чырып үнүп кээр, Израильден чагырыкчы көдүрлүп кээр; ол чагырыкчы Моавтың кастыын чылча базар, Сифтиң шупту үре-салгалын чылча шавар.

Матфей 16:27

Кижи амытан Оглу Бодунуң Адазының өндүр чырыынга бүргеткен, Бурганның төлээлери-биле кады чедип келгеш, кижи бүрүзүн ооң кылган ажыл-херээниң аайы-биле шаңнаар азы шиидер.

Матфей 16:28

Силерге алыс шынны чугаалап тур мен: мында турар улустуң аразында, өлбейн чыткаш-ла, Бодунуң Чагыргазын хүлээп алгаш чедип келген Кижи амытан Оглун көрүп каар улус бар-дыр».

Матфей 24:30

Кижи амытан Оглунуң кээриниң демдээ ол үеде дээрге көстүп кээр. Күчү-күжү биле өндүр чырыынга бүргеткен, дээрниң булуттарын кырлап кел чыдар Кижи амытан Оглун көрүп кааш, чер кырында хамык аймак-чон кажыыдап база ыглажып эгелээр.

Матфей 25:31

«Бодунуң өндүр чырыынга бүргеткен Кижи амытан Оглу хамык төлээлеринге үдеткен чедип келгеш, Бодунуң чайынналган дүжүлгезинге саадаптар.

Матфей 26:64

Иисус аңаа: «Силер бодуңар ынча дидиңер – дээн. – А Мен силерниң шуптуңарга чугаалап тур мен: моон соңгаар Кижи амытан Оглун Күчүлүг Бурганның оң талазында олурар база дээрниң булуттарын кырлап чоруур кылдыр көөр силер».

Марк 13:26

Улус ынчан өндүр улуг күчү-күжү болгаш чайынналчак чырыы-биле булуттарда кел чоруур Кижи амытан Оглун көрүп каарлар.

Марк 14:62

Иисус мынча деп харыылаан: «Ийе, Мен мен. Моон соңгаар силер шупту Кижи амытан Оглунуң Күчүлүг Бурганның оң талазында олурарын база дээрниң булуттарынга бүргеттирген кел чыдарын көөр силер».

Лука 21:27

Олар ынчан улуг күчү-күжү-биле база өндүр чырыы-биле булут кырлап кел чыдар Кижи амытан Оглун көрүп каарлар.

Иоанн 19:34

Ынчалза-даа шериглерниң бирээзи чыда-биле Ооң быктын өттүр шанчыптарга, балыгдан хан биле суг төктү берген.

Иоанн 19:37

А Бижилгениң өске черинде мынча деп турар: «Олар өттүр шанчып алганы Кижиже көөрлер».

1 Фессалоникчилерге 1:10

Улус силерни Бурганның Оглу Иисустуң дээрден чедип кээрин манап турарлар дээр-дир. Бурган Иисусту өлүглер аразындан катап диргискен, а Ол бисти Бурганның кел чыдар килеңинден камгалаар.

1 Фессалоникчилерге 4:17

А ооң соонда бис, дириг улус, Дээрги-Чаяакчыны агаарга уткуур дээш, олар-биле кады булуттар кырынче көдүртүп үндүртү бээр база оон соңгаар кезээ мөңгеде Дээрги-Чаяакчы-биле кады артар бис.

Еврейлерге 10:29

Ынчаарга Бурганның Оглун таптай баскан, Ооң чагыг-керээзин ыдыктаан ханны ыдыктыг деп санаваан база Бурганның авыралдыг Сүлдезин дорамчылаан кижиниң кеземчези оон кайы хире коргунчугул?!

1 Иоанн 3:2

Ханы ынак эш-өөрүм! Бис ам дээрезинде Бурганның ажы-төлү-дүр бис, келир өйде кандыг болу бээривис амдыызында билдинмес-тир. Ындыг-даа болза, Христос ээп кээрге, шупту Аңаа дөмей апаарывысты билир бис, чүге дээрге Ол херек кырында кандыг-дыр, Ону ындыг кылдыр көрүп каар бис.

Иуда 1:14

Өгбевис Адамның чедиги салгалының бирээзи боор Энох база оларның дугайында өттүр билип чугаалаан болгай: «Дыңнаңар даан, Бодунуң түмен-түмен ыдыктыг төлээлерин эдерткен Дээрги-Чаяакчы чедип кээр.

Ажыдыышкын 22:20

Кым бо бүгүнү херечилээнил, Ол: «Ийе, Мен удавас чедип кээр мен» – деп тур. Аминь! Дээрги Иисус, чедип келем!

Ажыдыышкын 22:4

Ооң арын-шырайын көрүп каар, Бурганның адын оларның хавактарынга бижээн болур.

Баштыңчылар 5:31

Шак ынчалдыр Сээң дайзыннарың дөгерези кырлып турзун, Дээрги-Чаяакчы! А Сеңээ ынак улус бүгү-ле күчү-күжү-биле үнүп кел чыдар хүн дег болзуннар!» Израиль чер ооң соонда дөртен чыл иштинде тайбыңчаан.