Авдий 1:9 - Ыдыктыг Библия

⁹ Теман чер, сээң эрес-дидим улузуң коргуушкунга алзыр. Исавтың даглыг чуртунга кымны-даа амылыг арттырбас.

Авдий 1:9 Iomraidhean Croise

Эге дөс 36:11

Элифазтың Теман, Омар, Цефо, Гатам база Кеназ деп оолдары бар турган.

1 Чылдар 1:45

Иовав өлүп каарга, теман черден келген Хушам хааннай берген.

Иов 2:11

Иовту тавараан бүгү хай-халап дугайында ооң үш эжи дыңнап кааш, кижи бүрүзү бодунуң чуртундан: Элифаз – Темандан, Вилдад – Шуахтан болгаш Софар – Наамадан олче чорупкан. Олар Иовка кады барып, ооң-биле кады хараадап ыглажыр, ону аргалаар дээш ужуражып келген.

Иеремия 49:20

Ынчангаш Дээрги-Чаяакчының Эдом дугайында шиитпирин, Теманның чурттакчыларынга удур Ооң бодап алган чүвезин дыңнаңар. Дайзын сүрүг малдың хураганнарын алгаш баар, ооң кадында Бурган одар-белчиирлерни хоозурадып каар.

Иеремия 49:22

Эзир бедидир ужуп үнгеш, олчазын шүүргедеп, Восораның кырынга чалгыннарын хере сунар! Ол хүн Эдомнуң дайынчылары кортканындан, божаан кадайлар дег, сириңейни бээр.

Иеремия 49:7

Эдом чон дугайында Аг-шериглиг Дээрги-Чаяакчы мынча дээн: «Таанда-ла Теманда мерген угаан артпаан бе, сарыылдыг улус арга-сүме берип шыдавастаан бе, оларның мерген угааны бойлап калган бе?

Иезекиил 25:13

Ынчангаш Дээрги-Бурган-Чаяакчы мынча дээн: «Мен Эдомче холумну аннып, ооң улузун болгаш мал-маганын узуткап, ээн кургаг хову кылып каар мен; теман черден эгелээш, дедан черге чедир бүгү улус хылыштан кырлып каар.

Амос 1:12

Теман черже отту ыдар мен, ол от Восора хоорайның шивээлерин чиптер».

Амос 2:16

Эң-не эрес-дидим дайынчы безин Дээрги-Чаяакчының шииткел хүнүнде хол даяң дезип чоруй баар». Дээрги-Чаяакчының медеглээн чүвези ол-дур.

Авдий 1:21

Тиилекчи улус Сион дагга чедип келгеш, Исавтың даглыг чуртун башкарып эгелээр. Дээрги-Чаяакчының Чагыргазы тургустунар.

Авдий 1:5

Хоозурап когараар деп чүвеңни! Бир эвес сээң шөлүңче кат-чимис чыыкчылары кирип кээр болза, олар элээн катты арттырып кагбас чүве бе? Оорлар азы дүнеки үптекчилер сеңээ кээр болза, олар чүгле бодунга чеже херегил, ынчаны оорлап албас бе?

Наум 3:13

Бодуңнуң шерииңче көрүп көр – кадайларзыг улус-тур. Сээң чериңниң хаалгазы дайзыннарга аңгайтыр ажыттынар, а дээктерни от чиир.

Аввакум 3:3

Бурган – Темандан, ыдыктыг Дээрги – Фаран дагларындан чедип кел чыдыр. Сэла Ооң өндүр бедии дээрлерни шыва алган, Аңаа алдар-мактал черни бүргээн!

Ы. х. к. 2:5

ындыг-даа болза, олар-биле дайылдажырындан кичээниңер, чүге дээрге Сеир дагларын ээлеп чурттаар кылдыр Исавка хүлээдип берген болгаш, оларның черинден силерге идик улдуңу хире-даа чер бербес мен.