Авдий 1:5 - Ыдыктыг Библия

⁵ Хоозурап когараар деп чүвеңни! Бир эвес сээң шөлүңче кат-чимис чыыкчылары кирип кээр болза, олар элээн катты арттырып кагбас чүве бе? Оорлар азы дүнеки үптекчилер сеңээ кээр болза, олар чүгле бодунга чеже херегил, ынчаны оорлап албас бе?

Авдий 1:5 Iomraidhean Croise

2 Хааннар 1:19

– Сээң алдарың, о Израиль, сээң бедиктериңде өлүртүп кагды! Күчүлүглер канчаар кырлып турбады дээр!

Исайя 14:12

Шолбан сылдыс, даң хаяазының төлү, канчап дээрден кээп дүштүң?! Чоннарның дарлакчызы, сени черже дүжүр октапкан-дыр!

Исайя 17:6

Олива чимизин ажаап ап турда, ооң шыпшык бажынга ийи-үш оливканың, чимистелген будуктарга дөрт-беш каттың артып каары дег, чүгле каш израиль кижи менди артар». Израильдиң Бурганы Дээрги-Чаяакчының медеглээн чүвези ол-дур.

Исайя 24:13

Чер кырынга, чоннар аразынга ындыг болур. Олива чимизи азы виноград чыып турда ышкаш, ажаалда адакталган үеде чүгле каш борбак кат артканда ышкаш болур.

Иеремия 49:9

Бир эвес сеңээ кат-чимис чыыкчылары чедип келген болза, олар элээн катты арттырып кагбас бе? Дүне када оорлар кээп чораан болза, олар чүгле бодунга чеже херегил, ынчаны оорлап албас бе?

Иеремия 50:23

Бүгү чер-делегейни чуура шаап турган маска боду буступ, чуурлуп каар! Өске чоннар аразынга Вавилон коргунчуг үлегер-чижек апаар.

Иеремия 6:9

Аг-шериглиг Дээрги-Чаяакчы: «Израильчилерниң арткан кезээн, виноград шөлүнде чимисти дег, чыып кааптар. Виноград чыыкчызы дег, холуңну сыптарже сунувут!» – дээн.

Ыы-сыы 1:1

Аа халак! Аажок хөлдүг хоорай-даа ээнзирээн-дир. Көвей чоннар агайы ам дулгуяк дег. Чурттарның кадыны ам албадаткаш, ажыл кылыр үүлелиг! ב (бет)

Авдий 1:9

Теман чер, сээң эрес-дидим улузуң коргуушкунга алзыр. Исавтың даглыг чуртунга кымны-даа амылыг арттырбас.

Михей 7:1

Аа халак! Мен ам чайгы чимистерни чыып каапкан соонда, виноградты ажаап каапкан соонда келген кижи дег апардым – чипки дег чаңгыс-даа салбак кат чок, мээң чиксээрим чаңгыс-даа бышкан фига чимизи чок.

Софония 2:15

Ол-дур, өөрүп-байырлап, сагыш амыр чурттап турар, чурттакчылары сеткил-чүрээнде: „Бо хоорай өндүр улуг, ол ышкаш хоорай чок!“ – деп турган Ниневия хоорай ынчап баар-дыр. Ол хоозуралга алзып, аң-мең чурттаар чер апаар! Ооң чаны-биле эрткен кижи бүрүзү кайгап-харап, кочулап сыгырар база олче холун чаңгыыр».

Ы. х. к. 24:21

Виноградың шөлүнден каттар ажаап ап тура, артып калган каттарны чедир чыгба; олар даштыкы кижиге, өскүс кижиге болгаш дулгуяк херээженге артып калзын.

Ажыдыышкын 18:10

Ооң хилинчээн үлежиринден коргуп, ырадыр туруп алгаш: «Кара халап! О, өндүр улуг хоорай, аа халак! О, күчүлүг Вавилон! Чаңгыс шак иштинде Бурган сени кезетти!» – деп халактаарлар.