Авдий 1:3 - Ыдыктыг Библия

³ Турамык чорууң сени дуурайлап алган-дыр: чалымнарда, бедик черде чурттап турар болгаш: „Мени кым черже дүжүр октаптар боор?!“ – деп чугааландың.

Авдий 1:3 Iomraidhean Croise

Эге дөс 36:8

Исав Сеир дагларынга турумчуп алган. Исав дээрге-ле Эдом ол-дур.

4 Хааннар 14:7

Амасия Дус шынаазынга 10 000 эдом шеригни чылча шапкаш, Села хоорайны чаалап алгаш, аңаа Иокфеил деп ат тывыскан, ол черни амдыгаа чедир ынчаар адап турар.

2 Чылдар 25:11

А Амасия дидимнени бергеш, бодунуң аг-шериин Дус шынаазынче аппаргаш, аңаа Сеирниң 10 000 шериин өлүрүп каан.

2 Чылдар 25:12

Иудейлер оон өске 10 000 кижини диригге тудуп алган. Ол улусту хая бажынче аппаргаш, оортан дүжүр октаптарга, шупту өлгүлеп калган.

Иов 20:6

Ооң улуургаа кудай-дээрге чедер-даа болза, ол бажы-биле булуттарга үзер-даа болза,

Чугаалар 16:18

Буураашкынны – адыыргаары, а аштырыышкынны – улуг тура мурнаар.

Чугаалар 18:12

Бай кижиге эт-хөреңгизи – быжыг шивээ-даа дег, ол аңаа артап болбас хана дег сагындырар.

Чугаалар 29:23

Улуг туралыг кижи куду көрдүрер, а биче сеткилдиг кижи алдар-хүндү чедип алыр.

Исайя 16:6

«Бис Моавтың улуургааның, ооң аажок улуургаа биле турамыының дугайында, ооң адыыргаа биле туразының улуунуң дугайында дыңнаан бис, а ооң көөргеттинер чоруу хоозун-меге-дир».

Иеремия 21:13

Мен ам сеңээ удур апардым, чавызаашта турар Иерусалим, оргулаашта хая! – деп, Дээрги-Чаяакчы медеглээн. – Силер: „Кым бистиинче эртип кээп шыдаарыл, кым бистиң оран-сававысче шургуп кирерил?“ – деп турар-дыр силер.

Иеремия 37:9

Дээрги-Чаяакчы: «Халдейлер моон шуут чоруй баар деп идегевеңер! Чүге дээрге олар моон чорбас.

Иеремия 48:28

Моавтың чурттакчылары, хоорайларыңар кааптыңар, хаялар аразынга чурттаңар! Хая чарыктарынга уя тудар черлик көге-бугалар дег болуңар».

Иеремия 49:16

Чалымнарда чурттаан, даглар баштарын ээлээн чон, бодуңнуң түрлүүңге, турамык чорууңга дуурайладып алдың. Эзир куш дег, бедик черге уя тудуп алдың, ынчалза-даа Мен сени оортан дүжүр октаптар мен – деп, Дээрги-Чаяакчы медеглээн. –

Иеремия 49:4

Чүге шынааларың-биле мактанып тур сен? Сээң шынааң кургап каар-дыр! Өскерликчи кыс! Сен эртине-байлааңга идегеп: „Кым менче халдаарыл?“ – деп турдуң.

Иезекиил 28:16

Сээң садыыңның хемчээли улгаткан тудум, ишти-хөңнүң баксырап, күчүлел база бачыт үүлгедип алдың. Мен сени, бужар кижини дег, Бурганның даандан дүжүр октаптым; камгалакчы херувим сени оттуг даштар аразындан үндүр сывырыпты.

Малахия 1:4

Эдом чурттуглар: «Бис чылча шаптыртывыс, ынчалза-даа хоозураан чуртувусту катап тургузуп аар бис» – деп тургай аан. А Аг-шериглиг Дээрги-Чаяакчы: «Олар катап тудуп аар-даа болза, Мен үрегдеп каар мен. Оларның чуртун бузуттуг чер деп адаар, а боттарын Дээрги-Чаяакчының кезээ шагда килеңнээни чон деп адаар.