Авдий 1:19 - Ыдыктыг Библия

¹⁹ Негев чурттакчылары Исавтың даглыг чуртун эжелеп аар, Шефела чурттакчылары филистим чоннуң чуртун эжелеп аар; олар Эфремниң черин – Самарияның чоок-кавызын эжелеп аар, а Вениаминниң аймаа Галаад девискээрин эжелеп аар.

Авдий 1:19 Iomraidhean Croise

4 Хааннар 17:24

Ассирияның хааны Вавилон, Кута, Авва, Хамат болгаш Сепарваим деп черлерниң чурттакчыларын көжүрүп эккелгеш, Самарияга чагырткан хоорайларга израильчилерниң орнунга чурттадып каан. Олар Самарияны ээлеп алгаш, ооң хоорайларынга чурттай берген.

1 Чылдар 5:26

Ынчан Израильдиң Бурганы Ассирияның хааны Фулду (азы Тиглат-Пилесерни) оларга удурландырарга, ол хаан рувимчилерни, гадчыларны болгаш манассияжыларның ол чартыын оларның черинден туттуруп алгаш барган. Оларны Халахче, Хаворже, Аруже база Гозан хемче көжүрүпкен – олар бо хүннерге чедир ында чурттап чоруур.

Эзра 4:17

Хаан оларга мындыг харыы берген: «Тус чер чагырыкчызы Рехум, Шимшай бижээчи болгаш силерниң Самарияда-даа, Евфрат хемниң барыын талазында өске черлерде-даа чурттап турар эш-өөрүңер, амыр-мендиңерни эредим.

Эзра 4:2

Зоровавелге база төрел салгалдар баштыңнарынга чедип келгеш: «Силер-биле кады тудаалы. Бис база, силер ышкаш, Бурганыңарга мөгейип, бисти бээр көжүрүп каан Ассирияның хааны Асарданның үезинден эгелээш, Аңаа өргүл салып турар болгай бис» – дээннер.

Иеремия 32:44

Маңаа улус мөңгүн-биле шөлдер садып алгаш, садыглажылга бижиктери кылып, таңмалааш, херечилер кыйгырар – Вениаминниң черинге, Иерусалимниң чоок-кавызынга, Иудеяның бүгү хоорайларынга: дагларда-даа хоорайларга, Шефелада-даа хоорайларга база Негевте-даа хоорайларга ол бүгүнү кылыр, чүге дээрге Мен оларга эки чолду эгидер мен!» Дээрги-Чаяакчының медеглээн чүвези ол-дур.

Иеремия 49:1

Аммон чон дугайында Дээрги-Чаяакчы мынча дээн: «Израильдиң ажы-төлү чок чүве бе? Ооң салгакчызы чок чүве бе? А Милхом бурган чүге Гадтың черин эжелеп алды, ооң чону чүге Гадтың хоорайларында чурттап турарыл?

Иезекиил 25:16

Ынчангаш Дээрги-Бурган-Чаяакчы: «Мен холумну филистимнерже аннып, керет аймакты, далай эриинде артып калган улусту узуткаар мен.

Иезекиил 36:28

Силерниң ада-өгбеңерге бергеним черге чурттап, Мээң чонум болур силер, а Мен силерниң Бурганыңар болур мен,

Амос 1:13

Дээрги-Чаяакчы мынча дээн: «Хөй санныг кемниг үүлгедиглери дээш, аммон чонну өршээвес мен, чүге дээрге ол, бодунуң девискээрин алгыдып аар дээш, галаад черге сааттыг херээженнерни одура шаап турган-дыр.

Амос 1:8

Азот хоорайның чурттакчыларын, Аскалонда дүжүлге ээлээн кижини узуткап каар мен база Экронче холумну угландырар мен – ынчан артып калган филистим чон кырлып каар». Дээрги-Бурган-Чаяакчының чугаалаан чүвези ол-дур.

Амос 9:12

Израильчилер ынчан Эдомнуң арткан чонун болгаш Меңээ хамааржыр бүгү өске чоннарны чагырып алыр». Ол бүгүнү кылыр Дээрги-Чаяакчының медеглээн чүвези ол-дур.

Михей 7:14

Бодуңнуң чонуңну шыкпыыжың-биле кадарып көрем. Сээң өнчүң болур кодан хой шырыштарда аңгы чурттап чоруур-дур, а долгандыр дүжүткүр одар-белчиирлер бар-дыр. Хойларың, шаг шаанда ышкаш, Васан биле Галаад деп эки черлерге оъттазын.

Саннар 1:32

Иосифтиң оглу Эфремниң үре-салгалын – дөргүл-төрелин, төрел бөлүктерин, ада-өгбезин барымдаалап, чээрби хардан өрү назылыг, шериг албаны эрттирип шыдаар шупту эр улусту санаашкынче киирип – санап кааннар.

Иисус 13:25

Иазер деп девискээр, Галаадтың бүгү хоорайлары, Равва хоорайның дужунда Ароерге чедир аммон чурттуң чартыы;

Иисус 13:31

Галаадтың чартыы; Васанны чагырган Ог хаанның Астарот болгаш Эдрея деп найысылал хоорайлары. Манассияның оглу Махирниң үре-салгалының чартыынга төрел бөлүктер аайы-биле ол черлерни үлеп берген.

Иисус 15:21

Эдом-биле мурнуу талазында кызыгаарлажып турар хоорайлары – Кавцеил, Эдер, Иагур,

Иисус 15:33

Шефела деп шат черде – Эштаол, Цора, Ашна,