Авдий 1:15 - Ыдыктыг Библия

¹⁵ Дээрги-Чаяакчының шииткелиниң хүнү бүгү чоннарга чоокшулап келген-дир: өскелерни канчаар аажылап чораан болдур сен, Бурган сени база ынчаар аажылаар; херектериңге дүгжүр кеземче бодуңнуң бажыңче суг кудар.

Авдий 1:15 Iomraidhean Croise

Эсфир 9:25

бо херек канчап хаанга чеде бергенил, хаан канчаар чагаа-биле дужаал үндүрүпкенил, еврейлерге удур Аманның каржы бодалы канчап ооң бодунуң бажынче суг кутканыл, ону база ооң оолдарын канчап ыяшка азып кааныл».

Иов 24:1

«Чүге Күчүлүг Бурган шииткел үелери доктаатпааныл? Чүге Ону билир улус Ооң хөделир хүннерин көрбезил?

Ырлар 137:8

Дээрги-Чаяакчы мээң өжээним негээр! Энерелиң кезээ шагда үстүп төнмес, Бодуңнуң ажыл-херээң ара кагбайн көр.

Чугаалар 5:22

Бузуттуг кижи кем-буруузунуң дузаанга туттурар, бачыттарынга ораажыр.

Иеремия 12:14

Дээрги-Чаяакчы: «Израиль чонумга хайырлааным ээлээн черже семеп халдаан бузуттуг-бак кожа чоннарны Мен боттарының чер-чуртундан тура тыртар мен, Иудеяның чонун база оларның аразындан тура тыртып аар мен.

Иеремия 49:12

Дээрги-Чаяакчы мынча дээн: «Кеземчеге таварышпас ужурлуг улус безин бо дашканы төндүр ижер! Кай, сен кеземчеден чайлаар сен бе? Чок, оон чайлавас сен, бо дашканы төндүр ижер сен!

Иеремия 50:29

Вавилонга удур ча адыгжыларын кыйгырыңар! Кым-даа амы-тынныг артпас кылдыр, ону долгандыр туруп, бүзээлеңер-ле! Үүлгедиглери дээш ону кезедиңер, Вавилон өске чоннарны канчаар аажылап чорааныл, ону база ынчаар аажылаңар, чүге дээрге ол Израильдиң ыдыктыг Бурганы Дээрги-Чаяакчының мурнунга өрү көрдүнүп турган-дыр.

Иеремия 51:56

Вавилонче узуткакчы кел чыдар, Вавилоннуң дайынчылары туттуруп аар, оларның чаларын сыйып каар, чүге дээрге Дээрги-Чаяакчы – кезедикчи Бурган Вавилонга чогуур кеземчени көргүзер.

Иезекиил 30:3

Шииткел хүнү чоокшулаан-дыр, Дээрги-Чаяакчының шииткелиниң хүнү, бүргег хүн, чоннарны шиидер үе чоокшулаан-дыр.

Иезекиил 35:11

Ынчангаш Мен дириг Бодумнуң адым-биле даңгыраглап тур мен – деп, Дээрги-Бурган-Чаяакчы медеглээн. – Сээң израильчилерге килеңнеп, адааргап, оларны көөр хөңнүң чок турганың дег, Мен база сени ынчаар аажылаар мен; сени шиидип, израильчилерге Бодумну ынчаар ажыдар мен.

Иезекиил 35:15

Израиль чоннуң ээлээн чери хоозураарга, өөрүп турганың дээш, Мен сээң-биле база шак ынчаар кылыр мен: хоозураар сен. Даглыг Сеир, бүгү Эдом хоозураарга, улус Мени Дээрги-Чаяакчы деп билип аар».

Иоил 1:15

Аа халак! Дээрги-Чаяакчының шииткел хүнү чоокшулаан-дыр. Ол хүннүң чедип кээри күчүлүг Бургандан келген хоозураашкын дег боор.

Иоил 2:1

Сионга трубадан этсиңер, Бурганның ыдыктыг даанга дүвүрээзин медээзин бериңер. Чер-чурттуң бүгү чурттакчылары сирилезин, чүге дээрге Дээрги-Чаяакчының шииткел хүнү кел чыдар-дыр, ол хүн чоокшулап келген-дир.

Иоил 2:11

Дээрги-Чаяакчының үнү Ооң аг-шерииниң мурнунга дыңналыр, Ооң аг-шерии дүк-түмен, Ооң сөзүнүң күүседикчилери күчү-күштүг. Дээрги-Чаяакчының шииткел хүнү өндүр улуг болгаш аажок коргунчуг. Ону кым шыдап эртерил?

Амос 5:18

«Дээрги-Чаяакчының шииткел хүнүн күзелдии-биле манап турар улус ат болур! Ол хүннү чүге манаар силер? Ол дээрге чырык эвес, дүмбей-дир!

Амос 5:20

Дээрги-Чаяакчының шииткел хүнү караңгы эвес, чырык чүве бе? Ол дээрге дүмбей-дир, ында чырыш кынныр чүү-даа чок.

Михей 5:15

Мени тооп дыңнавайн барган чоннарга килеңнеп, ажынып-хорадап, олардан өжээн негээр мен».

Аввакум 2:8

Хөй чоннарны үптеп-тонаан болгай сен; кижи ханы төккениң дээш, чурттарга, хоорайларга, ында чурттаан бүгү улуска күчүлел көргүскениң дээш, арткан бүгү аймактар сени база үптеп-тонап кааптар.

Матфей 7:2

Чүге дээрге өскелерни канчаар шиидер-дир силер, Бурган силерни база ынчаар шиидер, а кандыг хемчээл-биле хемчээп бээр силер, Бурган силерге база ынчаар хемчээп бээр.

Иаков 2:13

Чүге дээрге өршээл билбес улусту Бурган база өршээл чокка шиидер. А өршээл кезедир шииткелден артык өндүр!

Баштыңчылар 1:7

Ынчан Адони-Везек: «Мен ооң мурнунда өске чеден хаанның холдарының болгаш буттарының улуг-салааларын одура кезип каарымга, олар мээң чиген чемимниң тогланчыларын чыып чип чораан чүве; мээң канчаар кылып турганым ышкаш, ам Бурган мени база ынчаар ялалады» – дээн. Ону Иерусалимге эккелгеннер, аңаа-ла ол өлүп калган.