Mateus 8:6 - Tukano

⁶ —Wiôgɨ, yɨ'ɨ̂re da'rá ko'tegɨ pũûro do'âtigɨ, yaá wi'ipɨ kũyamí. Kɨ̃ɨ̂ sihâ masitiami. Ɨpɨ́tɨ waro pũrî no'oami, niî werêkɨ niîwĩ.

Õꞌacʉ̃ Yere Ucũrĩ Turi

⁶ —Wiogʉ, yʉꞌʉre daꞌracoꞌtegʉ pũrõ dutitigʉ, ya wiꞌipʉ cũñami. Cʉ̃ sijamasĩtiami. Ʉpʉtʉ waro pũrĩnoꞌami, ni werecʉ niwĩ.

Mateus 8:6 Iomraidhean Croise

Mateus 4:24

Kɨ̃ɨ̂ tohô weesé kitire niî pe'tiro Síria di'takãharã masî pe'tikãrã niîwã. Tohô weérã de'ró niisé pi'etírãre kɨ̃ɨ̂ tiropɨ miáakãrã niîwã. Do'âtirãre, wãtî sãháa no'o'kãrãre, no'ó yamâ wẽrisé kɨorã́re, tohô niikã́ sihâ masitirãre kɨ̃ɨ̂ tiro miáa, yɨ'rɨó dutikãrã niîwã. Niî pe'tirãre yɨ'rɨókɨ niîwĩ.

Mateus 8:7

Kɨ̃ɨ̂ tohô niikã́ tɨ'ógɨ, Jesu niîkɨ niîwĩ: —Aɨ. Kɨ̃ɨ̂re yɨ'rɨógɨ wa'âgɨti, niîkɨ niîwĩ.

Mateus 9:2

Toopɨ́ ãpêrã ni'kɨ́ sihâ masitigɨre Jesu tirópɨ kɨ̃ɨ̂ pesaró me'ra wɨâ wã'kakãrã niîwã. Naâ “Jesu ɨ̃sâ me'rakɨ̃hɨre yɨ'rɨógɨsami”, niîkãrã niîwã. Naâ ẽho peókã ĩ'yâgɨ, Jesu sihâ masitigɨre a'tîro niîkɨ niîwĩ: —Wãkû tutuaya. Mɨ'ɨ̂ yã'âro weé'kere akobohó no'o toha', niîkɨ niîwĩ.

Hechos 10:7

Be'ró Õ'âkɨ̃hɨre werê ko'tegɨ wa'â wa'âkɨ niîwĩ. Kɨ̃ɨ̂ wa'âka be'ro Cornélio kɨ̃ɨ̂re da'rá ko'terã pɨárãre, tohô niikã́ ni'kɨ́ surára kɨ̃ɨ̂re wee tamúgɨre pihîokɨ niîwĩ. Surára kẽ'ra Õ'âkɨ̃hɨre ẽho peógɨta niîkɨ niîwĩ.

Hechos 8:7

Pãharã́ masá wãtiâ sãháa no'o'kãrã wãtiâ masapɨ́re niîmi'kãrã kõ'â wĩrokã, ɨpɨ́tɨ karíkũ wihakãrã niîwã. Ãpêrã pãharã́ sihâ masitirãre, opa yuríri siharã́re yɨ'rɨókɨ niîwĩ.

Hechos 9:33

Toopɨ́ etâgɨ, ni'kɨ́ Enéia wamêtigɨre boka ehákɨ niîwĩ. Kɨ̃ɨ̂ oito kɨ'mari kɨ̃ɨ yaá wi'ipɨ sihâ masitigɨ kũyákɨ niîwĩ.

Colosenses 3:11

Marî niî pe'tirãre Jesu Cristo ĩ'yóropɨre neê dɨka watíse marí'. Judeu masa, Judeu masa niîtirã, ãpêrã õ'rekɨhɨ́ yapa kasero yehê kõ'a no'o'kãrã, yehê kõ'a no'oya marirã́re dɨka watíse marí'. Tohô niikã́ apé sia'kãharãpɨ, sumútohorikãharã, da'rá ko'terã, da'rá ko'tetirã, ã'rá niî pe'tirã me'ra dɨka watíse marí'. Kɨ̃ɨ̂ niî pe'tirã kɨ̃ɨ̂re ẽho peórã wiôgɨ niîmi. Niî pe'tirãpɨre niîmi.

Colosenses 4:1

Dutirã́, mɨsá kẽ'ra ɨ'mɨ̂sepɨre ni'kɨ́ wiôgɨ kɨó'. Mɨsâ teeré masî toha'. Tohô weérã Õ'âkɨ̃hɨ ɨaró nohota mɨsâre da'rá ko'terãre ãyuró kɨoyá.

1 Timoteo 6:2

Naâ wiôrã Jesu Cristore ẽho peórã niikã́, a'tîro weetíkã'ato. Naâ ẽho peórã niisé bu'iri naâre wio pesáse mariró ĩ'yâtikã'ato. A'tîro pe'e weeáto. Nemoró ãyuró weeáto. Naâ wiôrã Jesu Cristore ẽho peórã niîma. Tohô weérã naâ akawerérã naâ ma'irã́re weeró noho ãyuró weeáto. A'teré werê, bu'êya naâre.

Filemón 1:16

A'tóka terore mɨ'ɨ̂re da'rá ko'tegɨ weeró noho niîsome. Mɨ'ɨ̂re da'rá wã'ya ko'tegɨ nemoró niîgɨsami. Mɨ'ɨ̂ akawerégɨ mɨ'ɨ̂ ma'igɨ́ waro weeró noho niîgɨsami. Yɨ'ɨ̂ kɨ̃ɨ̂re ɨpɨ́tɨ ma'í'. Mɨ'ɨ̂ pũrikã tãhása'. Kɨ̃ɨ̂ mɨ'ɨ̂re da'rá wã'ya ko'tegɨ se'saro niîsome. Jesu Cristore ẽho peógɨ, mɨ'ɨ̂ akawerégɨ weeró noho niîgɨsami.