Mateus 5:8 - Tukano

⁸ No'ó yã'asé moorã́ noho e'katíma. Naáta Õ'âkɨ̃hɨre ĩ'yârãsama.

Õꞌacʉ̃ Yere Ucũrĩ Turi

⁸ ”Noꞌo ñaꞌase moorãnojõ eꞌcatima. Náta Õꞌacʉ̃rẽ ĩꞌarãsama.

Mateus 5:8 Iomraidhean Croise

Hechos 15:9

Õ'âkɨ̃hɨ marîre ma'iró nohota naá kẽ'rare ma'imí. Neê dɨka waátisami. Naâ Jesuré ẽho peókã, naâ yã'âro weeséti'kere akobohókɨ niîwĩ.

1 Corintios 13:12

Tohô weeró noho a'tóka tero marî ãyuró masí wee'. Ẽôro meharópɨ marî ĩ'yâro weeró noho niî'. Keoró bahú wee'. Be'ró bahû yoaropɨ Õ'âkɨ̃hɨre ĩ'yârãsa'. Ni'kâroakãre marî kã'roákã masî'. Be'ró kɨ̃ɨ̂ marîre masiró nohota masî pe'okã'rãsa'.

2 Corintios 7:1

Akawerérã yɨ'ɨ̂ ma'irã́, mɨsâre niîgɨti. Õ'âkɨ̃hɨ marîre “Mɨsâ pakɨ niîgɨsa'”, niîkɨ niîwĩ. Tohô weérã marî niî pe'tise yã'âro weesére, ɨpɨré dohórẽ'sere, ehêri põ'rare dohórẽ'sere kõ'ârã. Õ'âkɨ̃hɨre wio pesáse me'ra kɨ̃ɨ̂re ẽho peórã, kɨ̃ɨ̂ ɨaró niî pe'tisere keoró weerã́.

Tito 1:15

Judeu masa apêye ba'asére ba'â dutitisama. “Teeré ba'ârã, Õ'âkɨ̃hɨ dutî'kere yɨ'rɨ́ nɨ'karã weé'”, niîsama. Tohô nií wee'. Marî niî pe'tirã bu'îri marirã́ tɨ'ó yã'arã ba'akã́, ãyú niî'. Õ'âkɨ̃hɨre yɨ'rɨ́ nɨ'karã meheta weé'. Ãpêrã Jesu Cristore ẽho peótirã niî pe'tisere yã'âro wãkûsama. A'tîro niî'. Naâ wãkusépɨta, naâ tɨ'ó yã'asepɨta yã'â sãhakã'sama. Tohô weérã naâ yã'âro weesére neê bɨhâ wetitisama.

Hebreos 10:22

Tohô weérã Õ'âkɨ̃hɨre keoró wãkusé, ãyuró ẽho peóse me'ra sẽrirã́. “Tohô ẽho peó ma'akãrã weésa'” niiró mariró sẽrirã́. A'tîro niî'. Kɨ̃ɨ̂ marî yã'âro bu'îritirã tɨ'ó yã'a'kere bu'îri marirã́ tohakã́ weékɨ niîwĩ. Mari yaá ɨpɨ akó ãyusé me'ra ɨ'ó no'o'karo weeró noho niî'. Marî yã'âro weé'kere kõ'â pe'o no'o'kãrãpɨ niî'.

Hebreos 12:14

Niî pe'tirã me'ra kumûkã mariró niisétiya. Neê yã'âro weesé mariró niîya. Yã'âro weérã, marî wiôgɨre neê ĩ'yâsome.

Hebreos 9:14

Wekɨ yeé diî me'ra, cabra yee diî me'ra tohô weetá basiókã maa, Cristo yee diî me'ra maa tãhâ'. Cristo Espírito Santo niî nu'kugɨ wee tamúse me'ra wa'îkɨ̃rã ɨ̃hâ moro peoro noho o'ôgɨ, kɨ̃ɨ̂ basi Õ'âkɨ̃hɨre wiágɨ, wẽrîkɨ niîwĩ. Kɨ̃ɨ̂ kurúsapɨ wẽrîgɨ, yã'asé moogɨ́ niîkɨ niîwĩ. Kɨ̃ɨ yeé diî me'ra marî bu'îritirã, yã'âro weeséti tɨ'ó yã'a'kere pekâ me'epɨ wa'â boo'kãrãre yɨ'rɨ wetíkã weékɨ niîwĩ. Kɨ̃ɨ̂ Õ'âkɨ̃hɨ katî nu'kugɨ yeere weé nu'ku dutigɨ tohô weékɨ niîwĩ.

Santiago 3:17

Õ'âkɨ̃hɨ kɨ̃ɨ̂ tɨ'o masíse marîre o'osé pe'e a'tîro niî'. Marî kɨ̃ɨ̂ tɨ'o masísere kɨórã, yã'asé mariró ãyuró niisétisa'. Uâ yeetisa'. Ãpêrã me'ra ãyuró tɨ'ó yã'a, niîkã'sa'. Ãpêrãre sõ'ó o'ô boosaɨ niîtirãta o'ósa'. Marî ɨaró di'akɨ̃ weetísa'. Ãpêrãre pahá yã'asa'. Niî pe'tirãre ni'kâro noho weésa'. Wee soóro mariró weesétisa'.

Santiago 4:8

Õ'âkɨ̃hɨre nemoró masîya. Kɨ̃ɨ̂re nemoró masikã́, kɨ̃ɨ́ kẽ'ra mɨsâre nemoró wee tamúgɨsami. Mɨsâ yã'âro weesére du'uyá. Mɨsâ Õ'âkɨ̃hɨre, tohô niikã́ a'ti ɨmɨ́kohokãhasere ni'kâro me'ra ma'í sĩ'rirã noho, mɨsâ tohô wãkusére dɨka yuúya.

1 Pedro 1:22

Mɨsâ diakɨ̃hɨ́ niisére yɨ'tírã, Jesu Cristore ẽho peórã weékãrã niîwɨ. Kɨ̃ɨ̂re ẽho peórã, mɨsâ yã'âro weeséti'kere du'úkãrã niîwɨ. Tohô weérã mɨsâ ni'kâroakãre bu'îri marirã́ niî'. Mɨsâ ni'kɨ́ põ'ra weeró noho a'mêri ma'í'. A'mêri ma'írã, bu'îkãhase uúkũse me'ra di'akɨ̃ ma'itíkã'ya. Niî pe'tise mɨsâ weesé me'ra pe'e ma'iyá.

Apocalipse 22:4

Bahû yoaropɨ kɨ̃ɨ̂re ĩ'yârãsama. Naâ diâpoapɨ kɨ̃ɨ̂ wameré kɨorã́sama.