Mateus 5:12 - Tukano

¹² Dɨporókãharãpɨ Õ'âkɨ̃hɨ yee kitire werê mɨ'tarãre meharóta weékãrã niîwã. Mɨsâ ɨ'mɨ̂sepɨre pahî butia'ro e'katíse bokarã́sa'. Tohô weérã e'katíya, niîkɨ niîwĩ Jesu.

Õꞌacʉ̃ Yere Ucũrĩ Turi

¹² Dʉporocjãrãpʉ Õꞌacʉ̃ ye quetire weremʉꞌtãrĩ masãrẽ mejãrõta weecãrã niwã. Mʉsã ʉꞌmʉsepʉre pajibutiaro eꞌcatise bocarãsaꞌa. Tojo weerã eꞌcatiya”, nicʉ niwĩ Jesú.

Mateus 5:12 Iomraidhean Croise

Mateus 16:27

Yɨ'ɨ̂ Õ'âkɨ̃hɨ makɨ masɨ́ weeró noho ɨpɨtígɨ a'tîro weegɨ́ti. Yɨ'ɨ̂ pakɨ asistése me'ra, kɨ̃ɨ̂re werê ko'terã me'ra a'ti nukúkãpɨre a'tîgɨti taha. Yɨ'ɨ̂ opâturi a'tîgɨ, niî pe'tirãre de'ró naâ weé'ke nɨkɨre wapa yeégɨti.

Mateus 6:16

Jesu naâre bu'ê nemokɨ niîwĩ: —Mɨsâ be'tí Õ'âkɨ̃hɨre sẽrírã, weé ta'sarã weeró noho weetíkã'ya. Naâ ãpêrãre ãyuró wãkû duti, be'timá niî dutirã bɨhâ wetirã weeró noho wee soósama. Diakɨ̃hɨ́ mɨsâre werêgɨti. Naâ masá ãyuró wãkusé di'akɨ̃re wapá ta'a tohasama. Be'ropɨ́re bokasomé.

San Lucas 13:34

Fariseu masare tohô niîka be'ro Jesu Jerusalẽ́kãharãre, tohô niikã́ too dɨpóropɨ tii makápɨ niî'kãrãre wãkûgɨ, a'tîro niîkɨ niîwĩ: —Mɨsâ Jerusalẽ́kãharã Õ'âkɨ̃hɨ yee kiti werê mɨ'tarãre wẽhé kõ'a'. Õ'âkɨ̃hɨ o'ôo'kãrã kɨ̃ɨ yeé kiti wererã́re ɨ̃tâ peeri me'ra doke wẽhé'. Mɨsâre pehetíri yɨ'ɨ̂ ma'ígɨ, neêo kũu sĩ'rimiwɨ. Ni'kó kãrêkẽ' koô põ'raré wɨɨsé dokapɨ neêo kũu'karo weeró noho weé sĩ'rimiwɨ. Mɨsâ ɨatíwɨ.

San Lucas 6:23

Mɨsâ ɨ'mɨ̂sepɨ pahî butia'ro e'katíse bokarã́sa'. Tohô weérã naâ tohô weerí kurare ɨpɨ́tɨ e'katí yɨ'rɨ nɨ'kaya. Dɨporókãharãpɨ mɨsâ yẽkɨ sɨmɨá kẽ'ra Õ'âkɨ̃hɨ yee kitire werê mɨ'tarãre tohôta weékãrã niîwã.

San Lucas 6:35

Mɨsâ yɨ'ɨ̂re ẽho peórã pe'e mɨsâre ĩ'yâ tu'tirãre ma'iyá. Naâre ãyuró weeyá. Naâ apêye noho wasokã́, wasosé wapa “Apêye noho dɨka yuúrãsama” niiró mariró naâre wasoyá. Tohô weekã́, Õ'âkɨ̃hɨ mɨsâre pehé ãyusé o'ôgɨsami. Kɨ̃ɨ̂ ɨ'mɨ̂sepɨ niigɨ́ põ'ra niîrãsa'. Kɨ̃ɨ̂ marikã keoró weetírãre, tohô niikã́ yã'âro weerã́re pahá yã'agɨ, ãyuró weesamí.

Hechos 16:25

Be'ró yamî deko Paulo, Sila Õ'âkɨ̃hɨre sẽrí, basâ peokãrã niîwã. Naâ tohô weekã́, tií wi'ipɨ niirã́ bu'îri da'rê no'o'kãrã naâre tɨ'ókãrã niîwã.

Hechos 5:41

Naâ wiôrã tiropɨ niî'kãrã wiháa, a'mêri uúkũkãrã niîwã: —Õ'âkɨ̃hɨ marîre “Jesu yeé kitire werêya” niikã́, ãyú niî'. Tohô weérã wiôrã naâ tãramíkã, marî ãyuró e'katíse me'ra niî', niîkãrã niîwã.

Romanos 5:3

Apêye maa taha pi'etírã, e'katí masi'. Marî pi'etírã, nemoró wãkû tutuarãsa'.

1 Corintios 3:8

Werê mɨ'ta'kɨ, be'ró kɨ̃ɨ̂re bu'ê siru tuugɨ kẽ'ra ni'kâro noho niîma. Õ'âkɨ̃hɨ naâ nɨkɨre keoró naâ weé'kere wapa yeégɨsami.

2 Corintios 4:17

A'tîro niî'. Marî a'ti nukúkãpɨ pi'etíse maatá pe'tiátehe niî'. Marî Jesu Cristore ẽho peórã pi'etí'ke wapa nemoró ãyusé pe'titiátehere bokarã́sa'.

Filipenses 1:29

Õ'âkɨ̃hɨ mɨsâre ma'ígɨ, Cristore ẽho peó dutiwĩ. Jesu Cristore ẽho peó'ke bu'iri mɨsâre yã'âro weerã́sama. Teé kẽ'rare Õ'âkɨ̃hɨ kũûwĩ.

Filipenses 2:17

Masá mɨsâre yã'âro weemíkã, mɨsâ Jesu Cristore ẽho peó nu'ku'. Mɨsâ ẽho peóse Õ'âkɨ̃hɨre ãyusé o'osé weeró noho niî'. Yɨ'ɨ̂ Jesu Cristo yeere weresé wapa yɨ'ɨ̂re wẽhekã́, Õ'âkɨ̃hɨre ãyusé o'ô nemoro weeró noho niîrosa'. Tohô wa'akã́, yɨ'ɨ̂ e'katígɨsa'. Mɨsá kẽ'rare e'katíkã weegɨ́sa'.

Colosenses 1:24

Õ'âkɨ̃hɨ yɨ'ɨ̂re werê duti'kere werêgɨ, apé tero pũûro pi'etí'. Tohô pi'etímigɨ, e'katí'. Jesu Cristo kɨ̃ɨ̂re ẽho peórã yee niiátehere pi'etí tohakɨ niîwĩ. Tohô weégɨ yɨ'ɨ́ kẽ'ra kɨ̃ɨ̂re ẽho peórãre wee tamú sĩ'rigɨ pi'etí'.

Colosenses 3:24

Mɨsâ kɨ̃ɨ̂re da'rá ko'terã niî'. Kɨ̃ɨ́ta mɨsâre ɨ'mɨ̂sepɨ wapa yeégɨsami. Mɨsâ teeré masî toha'. Tohô weérã ãyuró da'rayá.

1 Tesalonicenses 2:15

Judeu masata dɨporókãharãpɨ kẽ'rare Õ'âkɨ̃hɨ yee kiti werê mɨ'tarãre wẽhékãrã niîwã. Marî wiôgɨ Jesuré tohôta weékãrã niîwã. Ɨ̃sá kẽ'rare mɨsa yaá makapɨ niikã́, ɨ̃sâre ɨatírã, kõ'âkã'wã. Tohô weégɨ Õ'âkɨ̃hɨ naâ me'ra tɨ'sâtisami. Judeu masa niî pe'tirã Jesuré ẽho peórã me'ra kumûkã di'akɨ̃ ɨákã'ma.

Hebreos 10:34

Mɨsâ bu'îri da'rerí wi'ipɨ niirã́re pahá yã'akãrã niîwɨ. Ãpêrã mɨsa yeére e'makã́, e'katíse me'ra nɨ'kákãrã niîwɨ. Mɨsâ ɨ'mɨ̂sepɨ kɨoátehe pe'ere “A'ti nukúkãkãhase nemoró, ãyú yɨ'rɨ nɨ'kase niî'”, niîkãrã niîwɨ. Teé pe'titiátehe niî' niîrã, wãkû tutuakãrã niîwɨ.

Hebreos 11:26

Naâ kɨ̃ɨ̂re yabikã́, kɨ̃ɨ̂ Cristo Õ'âkɨ̃hɨ besé'kɨ pi'etiátehe weeró noho pi'etíkɨ niîwĩ. Tohô pi'etígɨ, “Niî pe'tise Egitopɨ niisére kɨoró nemoró ãyú niî'”, niîkɨ niîwĩ. Õ'âkɨ̃hɨ kɨ̃ɨ̂re be'ropɨ́ o'oátehere wãkûgɨ, tohô niîkɨ niîwĩ.

Hebreos 11:33

Naâ Õ'âkɨ̃hɨre ẽho peórã ãpêrã yee di'takãharã me'ra a'mê wẽherã, naâre dokâ ke'akã weékãrã niîwã. Wiôrã niirã́ noho masaré keoró dutîkãrã niîwã. Tohô weégɨ Õ'âkɨ̃hɨ kɨ̃ɨ̂ “Ãyuró weegɨ́ti” niî'kere naâre ãyuró weékɨ niîwĩ. Yaîwa niirópɨ bi'a dɨpómikã, naâre ba'âtikãrã niîwã.

Hebreos 11:6

Marî Õ'âkɨ̃hɨre ẽho peótirã, kɨ̃ɨ̂re e'katíkã wee masítisa'. A'tîro niî'. Õ'âkɨ̃hɨre ẽho peó sĩ'rigɨ, “Diakɨ̃hɨ́ta kɨ̃ɨ̂ niîsami”, niiró ɨá'. Tohô niikã́ “Kɨ̃ɨ̂re yɨ'ɨ̂ ẽho peókã, ãyuró weegɨ́sami”, niiró ɨá'.

Santiago 1:2

Yɨ'ɨ̂ akawerérã, yɨ'ɨ̂ weresére tɨ'oyá. Marîre apé tero wãkûtiro pehé yã'asé, mehêkã bahusé wa'â boosa'. Tohô wa'akã́, e'katíya.

Santiago 5:10

Dɨporókãharã Õ'âkɨ̃hɨ yee kiti werê mɨ'tarãre wãkûya. Naâ Õ'âkɨ̃hɨ yee kitire werekã́, ãpêrã masá naâre yã'âro weékãrã niîwã. Naâre tohô weemíkã, naâ pi'etísere wãkû tutua, nɨ'kákãrã niîwã. Naâ weé'karo weeró noho marí kẽ'ra weerã́.

1 Pedro 4:13

Mehô e'katíya. Ni'kâroakãre mɨsâ Jesu Cristo kɨ̃ɨ̂ pi'etí'karo nohota pi'etí siru tuurã weé'. Tohô weérã kɨ̃ɨ̂ opâturi a'tikã́, kɨ̃ɨ̂ asistésere, kɨ̃ɨ̂ tutuasére ĩ'yârã, pũûro e'katírãsa'.