Mateus 5:10 - Tukano

¹⁰ No'ó Õ'âkɨ̃hɨ ɨaró weerã́ yã'âro weé no'orã noho e'katíma. Naáta Õ'âkɨ̃hɨ wiôgɨ niirópɨ wa'ârãsama.

Õꞌacʉ̃ Yere Ucũrĩ Turi

¹⁰ ”Noꞌo Õꞌacʉ̃ ʉaro weecã ñaꞌarõ weesirutunoꞌrãnojõ eꞌcatima. Náta Õꞌacʉ̃ wiogʉ nirõpʉ waꞌarãsama.

Mateus 5:10 Iomraidhean Croise

Mateus 10:23

Ni'kâ makapɨ mɨsâre yã'âro weekã́, ape makápɨ du'tiyá. Diakɨ̃hɨ́ta mɨsâre werê'. Niî pe'tiro Israel kurakãharã niisé makaripɨ mɨsâ werê kusia bi'aatoho dɨporo yɨ'ɨ̂ Õ'âkɨ̃hɨ makɨ masɨ́ weeró noho ɨpɨtígɨ opâturi a'tîgɨsa' taha, niîwĩ Jesu.

Mateus 19:14

Ɨ̃sâ tohô niikã́, Jesu ɨ̃sâre niîwĩ: —Wi'marã́re yɨ'ɨ̂ tiro a'tikã́ du'óo'ya. Naâre ka'mú ta'atikã'ya. Wi'marã́ marî nohore ãyuró ẽho peóma. Ãpêrã kẽ'ra wi'marã́ weeró noho yɨ'ɨ̂re ẽho peórã yɨ'ɨ̂ pakɨ wiôgɨ niirópɨ wa'ârãsama, niîwĩ.

Mateus 25:34

Tohô weéka be'ro diakɨ̃hɨ́ pe'e nu'kurã́re niîgɨti. “A'tiá. Yɨ'ɨ̂ pakɨ mɨsâre ãyuró weeámi. Neê waropɨ kɨ̃ɨ̂ a'ti nukúkãre weé nɨ'kaka teropɨ mɨsâ niiátohore apo yuú tohakɨ niîwĩ. Teeré yẽ'êrã a'tiá maha.

Mateus 5:3

—“Õ'âkɨ̃hɨ wee tamúro me'ra di'akɨ̃ kɨ̃ɨ̂ ɨaró wee masí'” niirã́ noho e'katísama. Tohô niirã́ noho Õ'âkɨ̃hɨ wiôgɨ niirópɨ sãháarãsama.

Marcos 10:14

Naâ tohô weekã́ ĩ'yâgɨ, Jesu uâ wa'âkɨ niîwĩ. Naâre niîkɨ niîwĩ: —Wi'marã́re yɨ'ɨ̂ tiro a'tikã́ du'óo'ya. Naâre ka'mú ta'atikã'ya. Wi'marã́ marî nohore ãyuró ẽho peóma. Ãpêrã kẽ'ra wi'marã́ weeró noho yɨ'ɨ̂re ẽho peórã yɨ'ɨ̂ pakɨ wiôgɨ niirópɨ wa'ârãsama.

Marcos 10:30

Naâ kõ'â wã'ka'ke nemoró pehé bokarã́sama. A'ti ɨmɨ́kohopɨre nemoró wi'sêri, akawerérã, pakosã́ numia, põ'rá, wesêri bokarã́sama. Ãpêrã naâre yã'âro weemíkã, teeré bokarã́sama. Be'ropɨ́ kẽ'rare naâre Õ'âkɨ̃hɨ katî nu'kuse o'ôgɨsami.

San Lucas 21:12

A'té tohô wa'aátoho dɨporo ãpêrã mɨsâre bu'îri yẽ'êrãsama. Yã'âro weerã́sama. Mɨsâre mɨsâ neresé wi'seripɨ beserã́sama. Besé, bu'îri sõróorãsama. Yɨ'ɨ̂re ẽho peóse bu'iri wiôrã tiropɨ mɨsâre miáarãsama.

San Lucas 22:29

Tohô weégɨ yɨ'ɨ́ kẽ'ra yɨ'ɨ̂ pakɨ yɨ'ɨ̂re o'ô'karo nohota mɨsâre mɨsâ dutiátehere o'ôgɨti.

San Lucas 6:20

Jesu ɨ̃rɨgɨ́pɨ diháaka be'ro kɨ̃ɨ̂ bu'erã́re ĩ'yâ, niîkɨ niîwĩ: —Mɨsâ pahasé kɨorã Õ'âkɨ̃hɨ wiôgɨ niirópɨ wa'ârãsa'. Tohô weérã e'katíya.

San Lucas 6:22

Mɨsâ yɨ'ɨ̂ Õ'âkɨ̃hɨ makɨ masɨ́ weeró noho ɨpɨtígɨre ẽho peókã, masá a'tîro weerã́sama. Mɨsâre ĩ'yâ tu'tirãsama. Naâ me'ra niîmi'kãrãre kõ'â wĩro mɨharãsama. Mɨsâre buhíkã', yabîrãsama. Mɨsâre “Yã'arã́ niîma”, niîrãsama. Naâ tohô weekã́, e'katíya.

San Juan 15:20

Yɨ'ɨ̂ mɨsâre niî'kere wãkûya. Neê ni'kɨ́ da'rá ko'tegɨ “Yɨ'ɨ̂ wiôgɨ yɨ'rɨóro niî'”, niî masitisami. Yɨ'ɨ̂re yã'âro weemá. Mɨsá kẽ'rare meharóta yã'âro weerã́sama. No'ó yɨ'ɨ̂ bu'esére tɨ'orã́, mɨsâre tɨ'orã́sama.

Hechos 5:40

Kɨ̃ɨ̂ tohô niisére tɨ'órã, “Aɨ. Ã'rí marîre diakɨ̃hɨ́ta uúkũmi”, niî wãkûkãrã niîwã. Be'ró Pedro kẽ'rare pihîokãrã niîwã taha. Naâ toopɨ́ sãha ehákã ĩ'yârã, wiôrã surárare tãra dutíkãrã niîwã. Tãrá toha, “Jesu yeé kitire neê opâturi werê nemotikã'ya”, niîkãrã niîwã. Niî toha, naâre du'u wĩrókã'kãrã niîwã.

Hechos 8:1

Saulo naâ Estevãore doke wẽhékã ĩ'yâgɨ, “Ãyuró weérã, tohô weeáma”, niî wãkûkɨ niîwĩ. Ãpêrã ɨmɨá Õ'âkɨ̃hɨre ẽho peóri masa Estevãore yaákãrã niîwã. Kɨ̃ɨ̂re yaá, ɨpɨ́tɨ dɨhasé wã'akãrã niîwã. Estevãore naâ wẽhéka nɨmɨreta ãpêrã Jesuré ẽho peótirã Jesuré ẽho peórãre ɨpɨ́tɨ yã'âro weé nɨ'kakãrã niîwã.

2 Corintios 4:17

A'tîro niî'. Marî a'ti nukúkãpɨ pi'etíse maatá pe'tiátehe niî'. Marî Jesu Cristore ẽho peórã pi'etí'ke wapa nemoró ãyusé pe'titiátehere bokarã́sa'.

Filipenses 1:28

Jesu Cristo yee kitire ɨatírã mɨsâre yã'âro weekã́, uîtikã'ya. Tohô weérã naâ pekâ me'epɨ wa'aátehere masîrãsama. Mɨsâ pe'e kẽ'ra uîtirã, mɨsâre yɨ'rɨó no'oatehere ĩ'yorã́sa'. Õ'âkɨ̃hɨta mɨsâre yɨ'rɨó, uiró mariró niisétikã weemí.

2 Timoteo 2:12

Marî pi'etírã wãkû tutuarã, kɨ̃ɨ̂ wiôgɨ niirópɨ kɨ̃ɨ̂ me'ra wiôrã niîrãsa'. “Kɨ̃ɨ̂re masîtisa'” niikã́, kɨ̃ɨ́ kẽ'ra marîre “Masí wee'”, niîgɨsami.

2 Timoteo 3:11

Masá yɨ'ɨ̂re yã'âro weekã́, pi'etíwɨ. Niî pe'tise a'te makáripɨ wa'â'kere mɨ'ɨ̂ masî'. Antioquiapɨ, Icôniopɨ, Listrapɨ yɨ'ɨ̂ pi'etí'kere mɨ'ɨ̂ masî'. Pi'etísetiri nɨkɨ marî wiôgɨ yɨ'ɨ̂re yɨ'rɨ wetíkã weewĩ́.

Santiago 1:12

Jesu Cristore ẽho peógɨ kɨ̃ɨ̂re yã'âro wa'âmikã ẽho peó nu'kugɨ, e'katísami. Kɨ̃ɨ̂ wãkû tutuaka be'ro Õ'âkɨ̃hɨ kɨ̃ɨ̂re “Keoró weemí”, niîsami. Tohô weégɨ kɨ̃ɨ̂ me'ra ɨ'mɨ̂sepɨ katî nu'kugɨsami. Õ'âkɨ̃hɨ “Yɨ'ɨ̂re ẽho peórãre katî nu'kusere o'ôgɨti” niî'karo nohota o'ôgɨsami.

Santiago 5:11

Ãpêrã naâre yã'âro weemíkã, Õ'âkɨ̃hɨre ẽho peó du'utikãrã niîwã. Tohô weérã marî naâ ẽho peó nu'kusere wãkûrã, “Õ'âkɨ̃hɨ naâ me'ra e'katípĩ”, niî tɨ'ó yã'a'. Ãpí dɨporókɨ̃hɨpɨ Jó wamêtigɨ yee kiti kẽ'rare masî'. Kɨ̃ɨ̂re pehé yã'asé wa'âkaro niîwɨ. Tohô wa'âmikã, kɨ̃ɨ̂ wãkû tutua, Õ'âkɨ̃hɨre ẽho peó du'utikɨ niîwĩ. Õ'âkɨ̃hɨ masaré ma'ígɨ, pũûro pahá yã'ami. Tohô weégɨ Jó kɨ̃ɨ̂ pi'etíka be'ro Õ'âkɨ̃hɨ pehé ãyusé kɨ̃ɨ̂re o'ôkɨ niîwĩ. Kɨ̃ɨ̂ too dɨpóropɨ kɨó'ke nemoró o'ôkɨ niîwĩ.

1 João 3:12

Dɨporókɨ̃hɨpɨ Caĩ́ wamêtigɨ weeró noho niîtikã'rã. Kɨ̃ɨ̂ wãti yagɨ́ niîgɨ, kɨ̃ɨ̂ akabihí Abelre wẽhékɨ niîwĩ. De'ró weégɨ kɨ̃ɨ̂re wẽheparí? Caĩ́ kɨ̃ɨ̂ weesétise yã'asé niîkaro niîwɨ. Kɨ̃ɨ̂ akabihí weesé pe'e ãyusé niîkaro niîwɨ. Teé bu'iri kɨ̃ɨ̂re ɨógɨ, wẽhékɨ niîwĩ.

Apocalipse 2:10

Mɨsâ pi'etiátehere uîtikã'ya. Wãtî ni'karérã mɨsâ ẽho peósere du'u dutígɨ bu'îri da'rerí wi'ipɨ sãhakã́ weegɨ́sami. Mɨsâ yoâtikã pɨámukãse nɨmɨrita pi'etírãsa'. Tohô weemíkã, teê wẽrîrãpɨ tohôta ẽho peó yapatíkã'ya. Yɨ'ɨ̂ tiropɨ mɨsâre katî nu'kukã weegɨ́ti.