Mateus 26:41 - Tukano

⁴¹ Kãritíkã'ya. Wãtî ɨ̃sâre niî kehe sãatikã'ato niîrã, Õ'âkɨ̃hɨre sẽriyá. Mɨsâ wãkusépɨ me'ra maa yɨ'ɨ̂re ẽho peó nu'ku sĩ'rimisa'. Mɨsâ se'saro tohô weé sĩ'rimirã, wãkû tutua masitisa'. Tohô weérã Õ'âkɨ̃hɨre sẽriyá, niîkɨ niîwĩ.

Õꞌacʉ̃ Yere Ucũrĩ Turi

⁴¹ Cãrĩticãꞌña. Wãtĩ ʉ̃sãrẽ niquesãticãꞌto nírã, Õꞌacʉ̃rẽ sẽrĩña. Mʉsã wãcũsepʉ meꞌrãma yʉꞌʉre ẽjõpeonuꞌcũsĩꞌrĩmisaꞌa. Mʉsã seꞌsaro tojo weesĩꞌrĩmirã, wãcũtutuamasĩtisaꞌa. Tojo weerã Õꞌacʉ̃rẽ sẽrĩña, nicʉ niwĩ.

Mateus 26:41 Iomraidhean Croise

Mateus 24:42

Yɨ'ɨ̂ mɨsâ wiôgɨ opâturi a'tiátehere mɨsâ masîtisa'. Tohô weérã ãyuró wãkû, tɨ'o masí yuuya.

Mateus 25:13

Jesu teeré werêka be'ro ɨ̃sâre niîwĩ: —A'té weeró noho yɨ'ɨ̂ a'tiátihi nɨmɨre mɨsâ masí wee'. Tohô weérã ãyuró wãkû apo yuúya, niîwĩ.

Mateus 26:38

Tohô weégɨ naâre niîkɨ niîwĩ: —Yɨ'ɨ̂re wẽrîta wioro, bɨhâ wetise yɨ'rɨ mahása'. Mɨsâ a'tó tohayá. Yɨ'ɨ̂re ko'têya. Neê kãritíkã'ya, niîkɨ niîwĩ.

Mateus 6:13

Ɨ̃sâ yã'âro weé sĩ'risere ka'mú ta'aya. Tohô niikã́ yã'agɨ́ ɨ̃sâre niî kehe sãakã, ka'mú ta'aya. Mɨ'ɨ̂ ni'kɨtá dutî masi'. Tutuâ yɨ'rɨgɨ niî'. Mɨ'ɨ̂ ni'kɨréta masá ẽho peórãsama. Mɨ'ɨ̂ niî nu'kukɨ̃'sa', niî sẽriyá Õ'âkɨ̃hɨre.

Marcos 14:38

Kãritíkã'ya. Wãtî mɨsâre niî kehe sãatikã'ato niîrã, Õ'âkɨ̃hɨre sẽriyá. Mɨsâ wãkusépɨ me'ra maa yɨ'ɨ̂re ẽho peó nu'ku sĩ'rimisa'. Mɨsâ se'saro tohô weé sĩ'rimirã, wãkû tutua masitisa'. Tohô weérã Õ'âkɨ̃hɨre sẽriyá, niîkɨ niîwĩ.

San Lucas 11:4

Ɨ̃sâ yã'âro weé'kere akobohóya. Ɨ̃sâ ãpêrãre akobohó'karo weeró nohota ɨ̃sá kẽ'rare akobohóya. Ɨ̃sâ yã'âro weé sĩ'risere ka'mú ta'aya. Tohô niikã́ yã'agɨ́ ɨ̃sâre niî kehe sãa sĩ'rikã, ka'mú ta'aya”, niîkɨ niîwĩ.

San Lucas 21:36

Mɨsâ ãyuró apo yuúya. Teé pi'etiátehe ɨ̃sâre yɨ'rɨ wetíkã weeyá niîrã, Õ'âkɨ̃hɨre sẽrí nu'kukã'ya. Tohô niikã́ yɨ'ɨ̂ Õ'âkɨ̃hɨ makɨ tiropɨ uiró mariró põo tẽriáhã Õ'âkɨ̃hɨre sẽriyá, niîkɨ niîwĩ Jesu.

San Lucas 22:40

Toopɨ́ etâgɨ, kɨ̃ɨ̂ bu'erã́re niîkɨ niîwĩ: —Wãtî mɨsâre niî kehe sãatikã'ato niîrã Õ'âkɨ̃hɨre sẽriyá, niîkɨ niîwĩ.

San Lucas 22:46

Naâre niîkɨ niîwĩ: —De'ró weérã toô kã'ro kãrití? Wã'kâ nɨ'kaya. Wãtî mɨsâre niî kehe sãatikã'ato niîrã Õ'âkɨ̃hɨre sẽriyá, niîkɨ niîwĩ.

San Lucas 8:13

Apêye otesé kape ɨ̃tâ peeri wa'teropɨ bɨrɨ̂ ke'a'ke a'tîro niî sĩ'riro weé'. Naâ, yee kitíre ãyuró e'katíse me'ra tɨ'osamá. Tohô weemírã, nɨ'kôri marirã́ weeró noho ãyuró ẽho peótisama. Yoâtikã ãyuró ẽho peó kumí, be'ró naâre ãpêrã yã'âro weekã́ ĩ'yârã, ẽho peó du'ukã'sama.

Romanos 8:3

Marî yã'âro weerã́ niî yuukã, Moisé dutî'ke weé pe'ota basiótipã. Moisé dutî'ke me'ra yɨ'rɨ masí wee'. Õ'âkɨ̃hɨ pe'e yɨ'rɨó masimi. Kɨ̃ɨ̂ marî yã'âro weé'kere wẽrî wapa yeé dutigɨ kɨ̃ɨ̂ makɨré o'ôo'kɨ niîwĩ. Kɨ̃ɨ̂ makɨ́ marî yã'âro weerã́ ɨpɨ́ weeró noho ɨpɨtíkɨ niîwĩ. Tii ɨpɨ́ me'ra wẽrîgɨ, yã'asére kõ'â wapa yee pe'okã'kɨ niîwĩ.

1 Corintios 10:13

Apé tero marî basi yã'âro weé sĩ'risa'. Ou apé tero wãtî marîre yã'âro wee dutísami. Marî di'akɨ̃ mehereta tohô wa'â'. Niî pe'tirãre tohô wa'ása'. Õ'âkɨ̃hɨ pe'e kɨ̃ɨ̂ “Weegɨ́ti” niî'kere weetíkã weetísami. Kɨ̃ɨ̂ marî yã'âro weé sĩ'rikã, nɨ'kaáto niîgɨ marîre wee tamúsami. Tohô weérã marî yã'âro wee boó'kere weé wee'.

1 Corintios 16:13

Mɨsâ ãyuró tɨ'o masíya. Ẽho peó du'utikã'ya. Neê uiró mariró niîya. Tohô niîrã, Õ'âkɨ̃hɨ tutuasé me'ra niîya.

1 Corintios 9:27

Yɨ'ɨ̂ ɨaró di'akɨ̃ weé wee'. Yã'âro ɨâri pehasere weé wee'. Wãkû tutua'. Tohô weetíkã maa, Jesu Cristo yee kitire ãpêrãre werekã́, Õ'âkɨ̃hɨ yɨ'ɨ̂re “Ãyuró weewɨ́”, niîti boosami. Ãyusé yɨ'ɨ̂re o'ô boo'kere o'ôti boosami.

Gálatas 5:24

Marî Jesu Cristo yarã niî tĩharã, yã'âro ɨâri peha niiséti'kere du'úkã' maha.

Efesios 6:18

Niî pe'tise yã'asére, wãtiâre ka'mú ta'arã Õ'âkɨ̃hɨre sẽrí nu'kukã'ya. Espírito Santo wee tamúse me'ra sẽriyá. Tɨ'o masíse me'ra sẽrí du'utirãta, niî pe'tirã kɨ̃ɨ yarã́re sẽri basá nu'kukã'ya.

1 Pedro 4:7

A'ti ɨmɨ́koho pe'tiátoho kã'roákã dɨ'sása'. Tohô weérã mɨsâ weesére ãyuró tɨ'ó yã'a nɨ'ko, weesétiya. Wãkû tutuaya. Mɨsâ yã'âro weé sĩ'risere nɨ'kayá. Tohô weérã mɨsâ keoró Õ'âkɨ̃hɨre sẽrirã́sa'.

1 Pedro 5:8

Mɨsâ weesére ãyuró tɨ'ó yã'a nɨ'ko toharãpɨ weesétiya. Mɨsâ yã'âro weé sĩ'risere wãkû tutuaya. Ãyuró tɨ'o masíya. Wãtî marîre ĩ'yâ tu'tigɨ niî pe'tiropɨ a'mâ sihasami. Marîre yã'âro weekã́ ɨágɨ, tohô weesamí. Tohô weérã ko'tê ĩ'yâ nɨrɨya. Ni'kɨ́ yaî ba'asé a'mâgɨ pi'etí siharo weeró noho marî Jesu Cristore ẽho peósere pe'ó sĩ'risami.

2 Pedro 2:9

Õ'âkɨ̃hɨ naâre tohô weé'kere wãkûrã, a'tîro niî masi'. Õ'âkɨ̃hɨ ãyurã́re yã'âro wa'akã́, yɨ'rɨ wetíkã wee masísami. Yã'arã́ pe'ere kɨ̃ɨ̂ bu'îri da'reátihi nɨmɨ niikã́pɨ bu'îri da'reákɨhɨ dɨ'te kũú yuu tohasami.

Apocalipse 16:15

Jesu Cristo a'tîro niîkɨ niîwĩ: —Tɨ'o masíya. Wãkûtiro yahagɨ́ a'tîgɨ weeró noho yɨ'ɨ̂ a'tîgɨti. Su'tí sãyagɨ́ weeró noho yɨ'ɨ̂ a'tiátehere ãyuró wãkû yuugɨ noho e'katígɨsami. Tohô weégɨ su'ti marígɨ kɨ̃ɨ̂re ĩ'yâ weekã, bopôyasome.

Apocalipse 3:10

Mɨsâre mehêkã wa'akã́ wãkû tutua duti'kere keoró weewɨ́. Tohô weégɨ niî pe'tirã a'ti nukúkãkãharã pi'etíri kura mɨsâre ko'têgɨti. Niî pe'tirã a'ti nukúkãkãharãre de'ró ẽho peómiti naa? niîgɨ, naâre pi'etíkã weegɨ́ti.