Mateus 26:21 - Tukano

²¹ Ɨ̃sâ ba'arí kura Jesu ɨ̃sâre niîwĩ: —Diakɨ̃hɨ́ta mɨsâre werêgɨti. Ni'kɨ́ mɨsâ wa'teropɨ niigɨ́ yɨ'ɨ̂re wiôrãpɨre wẽhe dutígɨ o'ôgɨsami, niîwĩ.

Õꞌacʉ̃ Yere Ucũrĩ Turi

²¹ Ʉ̃sã baꞌari cura Jesú ʉ̃sãrẽ niwĩ: —Diacjʉ̃ta mʉsãrẽ weregʉti. Niꞌcʉ̃ mʉsã waꞌteropʉ nigʉ̃́ yʉꞌʉre wiorãpʉre wẽjẽdutigʉ oꞌogʉsami, niwĩ.

Mateus 26:21 Iomraidhean Croise

Mateus 26:2

—Mɨsâ masî', Páscoa bosê nɨmɨ wa'aátoho pɨá nɨmɨ dɨ'sá'. Tií bosê nɨmɨ niikã́, yɨ'ɨ̂ Õ'âkɨ̃hɨ makɨ masɨ́ weeró noho ɨpɨtígɨre wiôrãpɨre o'ô, kurúsapɨ paâ bi'pe wẽherã́sama, niîwĩ.

Mateus 26:22

Kɨ̃ɨ̂ tohô niikã́, ɨ̃sâ ɨpɨ́tɨ bɨhâ wetiwɨ. Be'ró a'mêri sẽrí yã'a bɨrowɨ: —Ɨ̃sâ wiôgɨ, yɨ'ɨ́ta niîkã'sa' baa, niîwɨ.

San Juan 13:18

Yɨ'ɨ̂ mɨsâ niî pe'tirãpɨre uúkũgɨ meheta weé'. Yɨ'ɨ̂ besé'kãrãre masî'. Õ'âkɨ̃hɨ yee kiti ohâka pũripɨ niîro nohota keoró wa'ârosa'. A'tîro ohâ no'okaro niîwɨ: “Yɨ'ɨ̂ me'ra ba'â duhimigɨ, yɨ'ɨ̂ me'ra uâmi”, niî ohâ no'okaro niîwɨ.

San Juan 13:21

Jesu ɨ̃sâre werêka be'ro ɨpɨ́tɨ bɨhâ wetiwĩ. Tɨ'otá basiórota werêwĩ: —Diakɨ̃hɨ́ta mɨsâre niîgɨti. Ni'kɨ́ mɨsâ wa'teropɨ yɨ'ɨ̂re ĩ'yâ tu'tirãre o'ôgɨsami, niîwĩ.

San Juan 13:22

Kɨ̃ɨ̂ tohô niikã́ tɨ'órã, ɨ̃sâ noaré tohô niîgɨ weetí? niîrã, mehô a'mêri ĩ'yâ duhikã'wɨ.

Hebreos 4:13

Marî Õ'âkɨ̃hɨ weé'kãrã niî'. Kɨ̃ɨ̂re neê du'ti masí wee'. Niî pe'tise marî niisére, marî weesére kɨ̃ɨ̂ ĩ'yâ masimi. Kɨ̃ɨ́ta marî weé'kere “De'ró weérã tohô weerí?” niî besegɨ́sami.

Apocalipse 2:23

Koô põ'raré wẽrikã́ weegɨ́ti. Tohô weekã́, niî pe'tirã Jesu Cristore ẽho peóse kurarikãharã a'tîro niîrãsama: ‘Kɨ̃ɨ̂ masá tɨ'ó yã'asere masîmi’, niîrãsama. ‘Naâ po'peapɨ wãkusére, ɨ̃sá kẽ'rare masî pe'okã'mi’, niîrãsama. ‘Marî niisétisere keoró wapa yeégɨsami’, niîrãsama.