Mateus 24:4 - Tukano

⁴ Jesu ɨ̃sâre yɨ'tiwĩ́: —Ãpêrã mɨsâre niî sootikã'ato niîrã, ãyuró tɨ'o masí yuuya.

Õꞌacʉ̃ Yere Ucũrĩ Turi

⁴ Jesú ʉ̃sãrẽ yʉꞌtiwĩ: —Ãpẽrã mʉsãrẽ nisooticãꞌto nírã, añurõ tʉꞌomasĩyuya.

Mateus 24:4 Iomraidhean Croise

Marcos 13:22

Pãharã́ niî soorã a'tîrãsama. A'tîro niîrãsama: “Yɨ'ɨ̂ Õ'âkɨ̃hɨ besé'kɨ Cristo niî'. Õ'âkɨ̃hɨ yee kitire werê mɨ'tarã niî'”, niî soorãsama. Pehé weé ĩ'yorãsama naâre ẽho peoáto niîrã. Basiókã maa, Õ'âkɨ̃hɨ kɨ̃ɨ̂ besé'kãrãpɨreta ẽho peó du'ukã weé sĩ'rirãsama. Tohô weérã naâre neê ẽho peótikã'ya.

San Lucas 21:8

Jesu naâre yɨ'tíkɨ niîwĩ: —Ãpêrã mɨsâre niî soori niîrã, tɨ'o masíya. Pãharã́ “Yɨ'ɨ̂ Õ'âkɨ̃hɨ tutuaró me'ra weé'; Õ'âkɨ̃hɨ besé'kɨ Cristo niî'”, niîrãsama. Tohô niikã́ “Jesu Cristo kɨ̃ɨ̂ a'tiátihi nɨmɨ niî toha'”, niîrãsama. Naâ tohô niikã́, tɨ'otíkã'ya.

Gálatas 6:3

Apé tero ni'kɨ́ “Yɨ'ɨ̂ ãpêrã yɨ'rɨóro niî'”, niî wãkûsami. Kɨ̃ɨ̂ ãpêrã yɨ'rɨóro niîtimigɨ, mehô waro wãkû ma'akã'sami. Tohô niîgɨ, kɨ̃ɨ̂ basi niî soogɨ weemí.

Efesios 4:14

Tohô weérã wi'marã́ weeró noho wee sirú tuu mɨharã niîsome. Niî pe'tisetiri ma'má bu'esére tɨ'órã, na'îro dɨka yuú mɨhasome. Niî soo me'rirã marîre mehêkã ẽho peókã weesomé.

Efesios 5:6

Tɨ'o masíya. Õ'âkɨ̃hɨ teé yã'asé weerã́re kɨ̃ɨ̂re yɨ'rɨ́ nɨ'karãre pekâ me'epɨ bu'îri da'rêgɨsami. Naâ yã'âro weesére “Ãyusé niî'”, niî boosama. Naâ tohô uúkũ maa soósere neê ẽho peótikã'ya.

Colosenses 2:18

Ãpêrã mɨsâre a'tîro niî soo boosama: “Ɨ̃sâ ãyurã́ niî'. Õ'âkɨ̃hɨ ɨ̃sâre ãyuró wãkuáto niîrã be'tí, kɨ̃ɨ̂re sẽrí'. Õ'âkɨ̃hɨre werê ko'terãre ẽho peó'. Ɨ̃sâ kãritímirã kẽ'esé weeró noho Õ'âkɨ̃hɨ yeere ĩ'yâ'. Tohô weérã, ɨ̃sâ ãpêrã yɨ'rɨóro Õ'âkɨ̃hɨ yeekãhasere ãyuró masî'. Mɨsá kẽ'ra tohôta weeyá. Mɨsâ a'teré weetírã, bu'îri kɨorã́sa'”, niî boosama. Mɨsâre tohô niikã́, neê ẽho peótikã'ya. “Masirã́ waro niî' ɨ̃sa”, niî wãkûsama. Tohô niî ma'akãrã weemá. A'té masá wãkusé di'akɨ̃ niî'.

Colosenses 2:8

Ãpêrã mɨsâre werekã́, ãyuró tɨ'o masíya. Naâ mɨsâre niî soose me'ra werê boosama. Diakɨ̃hɨ́ weeró noho uúkũsama. Nií wee'. Teé uúkũse me'ra masaré werê, maa soórã weemá. Jesu Cristo yee meheta niî'. Naâ basi naâ wãkusére, dɨporókãharãpɨ niiséti mɨhati'kere werêrã weemá. Tohô weérã naâre ẽho peótikã'ya.

2 Tesalonicenses 2:3

Naâ ɨaró noho niî soo no'otikã'ya. Kɨ̃ɨ̂ a'tiátihi nɨmɨ dɨporo a'tîro wa'ârosa'. Masá ɨpɨ́tɨ waro Õ'âkɨ̃hɨre yɨ'rɨ́ nɨ'karãsama. Tohô weerí kura ni'kɨ́ yã'âro weé yɨ'rɨ nɨ'kagɨ waro bahuágɨsami. Kɨ̃ɨ̂ pekâ me'epɨ bu'îri da'rê bahurió no'oakɨhɨ niîgɨsami.

1 João 4:1

Akawerérã, Õ'âkɨ̃hɨ yeere wererã́ mɨsâ tiropɨ bu'êrã etakã́, naâ weresére “Diakɨ̃hɨ́ta Õ'âkɨ̃hɨ yee niîmitito?” niî ĩ'yâya. Ãpêrã Õ'âkɨ̃hɨ o'ôo'kãrã niîtima. Niî pe'tirãpɨre ẽho peótikã'ya. Naâ Espírito Santore moomírã, tohô niî ma'akã' boosama. A'ti ɨmɨ́kohopɨre no'ó ɨaró niî soorã niî bi'akã'ma. “Õ'âkɨ̃hɨ yeere werêrã weé'”, niî bɨsɨ̂ sihama.