Mateus 23:5 - Tukano

⁵ Niî pe'tise naâ weesére masaré ãyuró ĩ'yâ dutirã weé ta'sasama. Masá naâre “Õ'âkɨ̃hɨre ãyuró ẽho peósama” niikã́ tɨ'ó sĩ'rirã, a'tîro weesamá. Naâ diâpoapɨ, naâ amûkãpɨ Õ'âkɨ̃hɨ yee kiti ohâka pũrikãhasere pahirí kasero me'ra ohâ'kere dɨ'té õ'osama. Tohô niikã́ naâ Õ'âkɨ̃hɨre sẽrikã́ ĩ'yâ dutirã ãpêrã yɨ'rɨóro naa yaró su'tîro sumútohopɨ opa daári kɨoróhore sãyâsama.

Õꞌacʉ̃ Yere Ucũrĩ Turi

⁵ Nipeꞌtise na weesere masãrẽ añurõ ĩꞌadutirã weetaꞌsasama. Masã narẽ “Õꞌacʉ̃rẽ añurõ ẽjõpeosama” nicã tʉꞌosĩꞌrĩrã, aꞌtiro weesama. Na diapoapʉ, na omocãpʉ Õꞌacʉ̃ ye queti ojáca pũrĩ cjasere pajiri casero meꞌrã ojaꞌquere dʉꞌteõꞌosama. Tojo nicã na ñubuecã ĩꞌadutirã ãpẽrã yʉꞌrʉoro na ñubuewʉari suꞌtiro sumutopʉ opa dari cʉorojore sãñasama.

Mateus 23:5 Iomraidhean Croise

Mateus 9:20

Ma'âpɨ ɨ̃sâ wa'arí kura ni'kó numiô doze kɨ'mari diî mehare do'âtigo a'tîko niîwõ. Koô Jesu sẽ'êmapɨ a'tî, kɨ̃ɨ yaró su'tîro yapapɨ yẽ'ê yã'ako niîwõ.

San Lucas 16:15

Tohô weekã́ ĩ'yâgɨ, Jesu naâre niîkɨ niîwĩ: —Mɨsâ masá ĩ'yóropɨ di'akɨ̃re “Ãyurã́ niîma” niikã́ ɨá'. Õ'âkɨ̃hɨ pe'e po'peápɨ mɨsâ weesétisere ĩ'yâ pe'okã'mi. Masá ĩ'yóropɨ “Ãyú yɨ'rɨa'” niisé nohore Õ'âkɨ̃hɨ tɨ'sâtisami, niîkɨ niîwĩ Jesu.

San Lucas 20:47

Wapê wi'ia numia yeé wi'serire e'mâsama. Naâ yã'âro weé'kere wãkû dutitirã yoakã́ Õ'âkɨ̃hɨre sẽrí ta'sasama. Naáta ãpêrã yɨ'rɨóro bu'îri da'rê yɨ'rɨ nɨ'ka no'orãsama, niîkɨ niîwĩ Jesu.

San Juan 12:43

Wiôrã Jesuré ẽho peómirã, masá pe'ere Õ'âkɨ̃hɨ nemoró ãyuró wãkukã́ ɨawã́.

San Juan 5:44

Mɨsâ basita mɨsâ weesére a'mêri “Ãyú'”, niî kũya'. Õ'âkɨ̃hɨ ni'kɨ́ niigɨ́ “Ãyú'” niisé pe'ere a'má wee'. Tohô wee kũyárã, de'ró weé mɨsâ yɨ'ɨ̂re ẽho peó boosari?

San Juan 7:18

Ni'kɨ́ kɨ̃ɨ̂ ɨaró uúkũ ma'agɨ “Kɨ̃ɨ̂ ãyuró uúkũ me'rimi” niikã́ tɨ'ó sĩ'risami. Ãpí Õ'âkɨ̃hɨ ɨaró weregɨ́ pe'e masá “Õ'âkɨ̃hɨre ãyú yɨ'rɨami” niikã́ ɨasamí. Kɨ̃ɨ̂ pũrikã niî sooti, diakɨ̃hɨ́ uúkũsami.

Filipenses 1:15

Ãpêrã pe'e yɨ'ɨ̂re ɨórã, Jesu Cristo yeere werêma. Naâ bu'esé pe'ere siru tuú dutirã tohô weemá. Naâ, naa yeékãhasere wãkûrã weemá. Keoró wãkûtimirã, Jesu Cristo yeere werêma. Yɨ'ɨ̂ bu'îri da'rerí wi'ipɨ niikã́, kɨ̃ɨ̂re bɨhâ wetise dokê pehaato niîrã tohô weemá. Ãpêrã pe'e Jesu Cristo yee kitire ãyuró weé sĩ'rise me'ra werêma. Yɨ'ɨ̂re ma'írã, tohô weemá. Naâ a'tîro masîma. “Kɨ̃ɨ̂ Jesu Cristo yee kitire keoró uúkũse bu'iri kɨ̃ɨ̂ bu'îri da'rerí wi'ipɨ niîmi”, niîma.

Filipenses 2:3

Mɨsa yeé di'akɨ̃re ɨa sãátikã'ya. “Ãpêrã yɨ'rɨóro niî'”, niîtikã'ya. Ãpêrã pe'ere “Ãyú yɨ'rɨ nɨ'kama”, niî tɨ'ó yã'aya.

2 Tesalonicenses 2:4

Kɨ̃ɨ̂ Õ'âkɨ̃hɨre ĩ'yâ tu'tigɨ, tohô niikã́ niî pe'tise masá ẽho peóse nohore yã'âro uúkũakɨhɨ niîgɨsami. Kɨ̃ɨ̂ di'akɨ̃re ẽho peókã ɨagɨ́sami. Õ'âkɨ̃hɨ weeró noho Õ'âkɨ̃hɨ wi'ipɨ sãháa nuha duhîgɨsami. “Yɨ'ɨ̂ Õ'âkɨ̃hɨ niî'”, niî soogɨsami.