Mateus 10:16 - Tukano

¹⁶ Kɨ̃ɨ̂ opâturi niî nemowĩ: —Masîya. Yɨ'ɨ̂ mɨsâre wioró wa'teropɨ o'ôo'gɨ weé'. Ovelhare yaîwa wa'teropɨ o'ôo'gɨ weeró noho o'ôo'. Tohô weérã mɨsâre yã'âro weerí niîrã, pɨá kapêatiya. Mɨsâre yã'âro weemíkã, ãyuró weeyá naâre.

Õꞌacʉ̃ Yere Ucũrĩ Turi

¹⁶ Cʉ̃ apaturi ninemowĩ: —Masĩña. Yʉꞌʉ mʉsãrẽ wioro waꞌteropʉ oꞌógʉ weeꞌe. Ovejare yaiwa waꞌteropʉ oꞌógʉ weronojõ oꞌóꞌo. Tojo weerã mʉsãrẽ ñaꞌarõ weeri nírã, pʉa capeatiya. Mʉsãrẽ ñaꞌarõ weemicã, añurõ weeya narẽ.

Mateus 10:16 Iomraidhean Croise

Mateus 24:25

Mɨsâ basi masîya maha. Yɨ'ɨ̂ mɨsâre be'ropɨ́ wa'aátehere werê yuu toha'.

Mateus 24:45

Jesu a'tîro niî nemowĩ: —Noa nohó pe'e yɨ'ɨ̂ dutiró weé nu'kugɨ, tɨ'o masígɨ waro niîsari? niîgɨ, a'tîro werêgɨti. Wiôgɨ apêropɨ wa'âgɨ, kɨ̃ɨ yaá wi'ire ko'tê dutigɨ ni'kɨ́ kɨ̃ɨ̂re da'rá ko'tegɨre kũûsami. “Ãpêrã da'rá ko'terãre no'ó dɨ'sasé nohore ba'asé ekayá”, niîsami.

Mateus 25:2

Ni'kâmukãrã niî pe'tisere ãyuró apo yuútisama. Ãpêrã tiikérãta taha ãyuró apo yuú, ko'têsama.

Mateus 25:4

Apo yuú'kãrã nu'mia pe'e pose yeé'kepapɨre miáasama. Tohô niikã́ apêyepaga me'ra ɨ'sêre miáa nemosama.

Mateus 25:9

Ɨ'sê miáa'kãrã nu'mia pe'e naâre yɨ'tisamá: “Mɨsâre o'ôsome. Ɨ̃sâ mɨsâre o'okã́ maa, ɨ̃sâre ehâti, mɨsá kẽ'rare ehâti boosa'. Mɨsâ basi naâ ɨ'sê duâ wɨaropɨ duúrã wa'âya”, niîsama.

San Lucas 10:3

Mɨsâ wa'âya. Yɨ'ɨ̂ mɨsâre wiosé wa'teropɨ o'ôo'gɨ weé'. Ovelha wi'marã́re yaîwa wa'teropɨ o'ôo'gɨ weeró noho o'ôo'.

San Lucas 21:15

Yɨ'ɨ̂ pe'e mɨsâre uúkũ masiatehere o'ôgɨti. Mɨsâre ĩ'yâ tu'tirã neê ni'kɨ́ põo tẽósome. Naâ “Tohô nií wee'”, niî ye'sû masisome.

Hechos 20:29

Yɨ'ɨ̂ wa'âka be'ro ãpêrã niî soorã a'tîrãsama. Yaîwa ovelhare ba'â'karo weeró noho mɨsâ Jesuré ẽho peómi'kere pe'tikã́ weé sĩ'rirãsama.

1 Corintios 14:20

Akawerérã, Jesu Cristore ẽho peórãre mɨsâre werêgɨti. Wi'marã́ tɨ'o masítima. Naâ weeró noho wãkûtikã'ya. Bɨkɨrã́ weeró noho wãkusétiya. Wi'marã́ yã'âro weesétitirã weeró noho wãkûya.

2 Corintios 1:12

Apêyere ɨ̃sâ pũûro e'katí'. Ɨ̃sâ a'ti nukúkãpɨre wee soóro mariró ãyuró weesétiwɨ. Mɨsâ wa'teropɨ kẽ'rare tohôta weewɨ́. Tohô weérã ɨ̃sâ bu'îri marirã́ ãyuró tɨ'ó yã'a'. Ɨ̃sâ basi ɨ̃sâ masisé me'ra weetíwɨ. Õ'âkɨ̃hɨ wee tamúse me'ra weewɨ́.

2 Corintios 11:14

Tohô weesé diâsatisa'. Wãtiâ wiôgɨ kẽ'ra tohôta wee masísami. Apé tero kɨ̃ɨ̂ ɨ'mɨ̂sekɨ̃hɨ Õ'âkɨ̃hɨre werê ko'tegɨ weeró noho bahugɨ́ dohosamí.

2 Corintios 11:3

Tohô ɨamígɨ, mɨsâre a'tîro wa'akã́ uísa'. Pĩrô kɨ̃ɨ̂ niî kehe sãase me'ra Evare niî soo ẽho peókã weékɨ niîwĩ. Mɨsá kẽ'ra koô weeró noho ãpêrã niî soosere ẽho peó boosa'. Mɨsâ Cristore keoró ẽho peómi'kere du'u boósa'. Tohô weégɨ uísa'.

2 Corintios 8:20

Ɨ̃sâ a'teré tohô weérã, masá ɨ̃sâre “Niyéru bahuriópã” niî dutitirã tohô weé'.

Filipenses 2:15

Tohô weérã Õ'âkɨ̃hɨ põ'ra yã'asé marirã́, bu'îri moorã́ niîrãsa'. Mɨsâ a'ti nukúkãkãharã niî soorã yã'âro weesétirã wa'teropɨ niî'. Mɨsâ ãyuró weérã, naâre ãyuró, keoró weesére ĩ'yorã́sa'.

Colosenses 1:9

Tohô weérã Epafra mɨsa yeé kitire werêka nɨmɨta maatá ɨ̃sâ Õ'âkɨ̃hɨre sẽri basá nɨ'kawɨ. A'tîro niikã́ kẽ'rare mɨsâre tohô sẽri basá nu'kukã'. A'tîro sẽri basá': “Õ'âkɨ̃hɨ, Espírito Santo tɨ'o masíse o'oáto naâre. Kɨ̃ɨ̂ tohô o'okã́, naâ mɨ'ɨ̂ dutî'kere ãyuró tɨ'o masírãsama.

Colosenses 4:5

Ãpêrã Jesu Cristore ẽho peótirã me'ra ãyuró niisétiya. Naâ me'ra mɨsâ weesétisetiri nɨkɨ Õ'âkɨ̃hɨ ɨaró nohota naâre ãyuró weeyá.

1 Tesalonicenses 2:10

Ɨ̃sâ weeséti'kere mɨsâ ĩ'yâwɨ. Õ'âkɨ̃hɨ kẽ'ra masîsami. Ɨ̃sâ mɨsâ Jesu Cristore ẽho peórã me'ra niîrã, ɨ̃sâ wee soóro mariró niisétiwɨ. Mehêkã weetíwɨ. Õ'âkɨ̃hɨ ɨaró noho niisétiwɨ. Tohô weérã ãpêrã ɨ̃sâre “Naâ bu'îri kɨomá” niiró mariró niîkã'wɨ.

1 Tesalonicenses 5:22

No'ó yã'asé niisé nohore weetíkã'ya.