San Lucas 9:26 - Tukano

²⁶ Yɨ'ɨ̂re, tohô niikã́ yee kitíre bopôya sãatikã'ya. Mɨsâ bopôya sãakã, yɨ'ɨ̂ Õ'âkɨ̃hɨ makɨ masɨ́ weeró noho ɨpɨtígɨ a'tîro weegɨ́sa'. Opâturi a'ti nukúkãpɨre a'tîgɨ, yɨ'ɨ̂ pakɨ asistése me'ra, kɨ̃ɨ̂re werê ko'terã me'ra yɨ'ɨ́ kẽ'ra mɨsâre bopôya sãagɨsa'. Yɨ'ɨ̂ tutuasé me'ra a'tîgɨ, tohô weegɨ́sa'.

Õꞌacʉ̃ Yere Ucũrĩ Turi

²⁶ Yʉꞌʉre, tojo nicã ye quetire bopoyasãticãꞌña. Mʉsã bopoyasãcã, yʉꞌʉ Õꞌacʉ̃ macʉ̃ masʉ̃ weronojõ upʉtigʉ aꞌtiro weegʉsaꞌa. Apaturi aꞌti turipʉre aꞌtigʉ, yʉꞌʉ pacʉ asistese meꞌrã, cʉ̃rẽ werecoꞌterã meꞌrã yʉꞌʉ quẽꞌrã mʉsãrẽ bopoyasãgʉ̃saꞌa. Yʉꞌʉ tutuase meꞌrã aꞌtigʉ, tojo weegʉsaꞌa.

San Lucas 9:26 Iomraidhean Croise

Mateus 16:27

Yɨ'ɨ̂ Õ'âkɨ̃hɨ makɨ masɨ́ weeró noho ɨpɨtígɨ a'tîro weegɨ́ti. Yɨ'ɨ̂ pakɨ asistése me'ra, kɨ̃ɨ̂re werê ko'terã me'ra a'ti nukúkãpɨre a'tîgɨti taha. Yɨ'ɨ̂ opâturi a'tîgɨ, niî pe'tirãre de'ró naâ weé'ke nɨkɨre wapa yeégɨti.

Mateus 25:31

Jesu ɨ̃sâre werê nemowĩ: —Be'ró yɨ'ɨ̂ Õ'âkɨ̃hɨ makɨ masɨ́ weeró noho ɨpɨtígɨ a'ti nukúkãkãharãre dutîgɨ a'tîgɨti. Yɨ'ɨ̂re werê ko'terã ɨ'mɨ̂sekãharã me'ra a'tîgɨ, asistése me'ra a'tîgɨti. Be'ró wiôgɨ duhirí kumuropɨ duhîgɨsa'.

Mateus 26:64

Jesu kɨ̃ɨ̂re yɨ'tíkɨ niîwĩ: —Kɨ̃ɨ́ta niî' mɨ'ɨ̂ niîro nohota. Apêye kẽ'rare mɨsâre werê nemogɨti. Be'ró yɨ'ɨ̂ Õ'âkɨ̃hɨ makɨ masɨ́ weeró noho ɨpɨtígɨ Õ'âkɨ̃hɨ tutuâ yɨ'rɨgɨ diakɨ̃hɨ́ pe'e duhikã́ ĩ'yârãsa'. Tohô niikã́ yɨ'ɨ̂ o'me kurári bu'ipɨ opâturi dihátikã ĩ'yârãsa', niîkɨ niîwĩ.

Marcos 8:38

A'ti nukúkãkãharã masá yã'âro weerã́ yɨ'ɨ̂re ẽho peótirã niîma. Naâ wa'teropɨ yɨ'ɨ̂re, tohô niikã́ yee kitíre bopôya sãatikã'ya. Mɨsâ bopôya sãakã, yɨ'ɨ̂ Õ'âkɨ̃hɨ makɨ masɨ́ weeró noho ɨpɨtígɨ a'tîro weegɨ́sa'. A'ti nukúkãpɨre yɨ'ɨ̂ pakɨ asistése me'ra, kɨ̃ɨ̂re werê ko'terã me'ra opâturi a'tîgɨ, yɨ'ɨ́ kẽ'ra mɨsâre bopôya sãagɨsa', niîkɨ niîwĩ.

San Juan 12:43

Wiôrã Jesuré ẽho peómirã, masá pe'ere Õ'âkɨ̃hɨ nemoró ãyuró wãkukã́ ɨawã́.

San Juan 5:44

Mɨsâ basita mɨsâ weesére a'mêri “Ãyú'”, niî kũya'. Õ'âkɨ̃hɨ ni'kɨ́ niigɨ́ “Ãyú'” niisé pe'ere a'má wee'. Tohô wee kũyárã, de'ró weé mɨsâ yɨ'ɨ̂re ẽho peó boosari?

Hechos 10:22

Kɨ̃ɨ̂ tohô niikã́, naâ yɨ'tíkãrã niîwã: —Cornélio wamêtigɨ surára wiôgɨ ɨ̃sâre o'ôo'ami. Kɨ̃ɨ̂ ãyugɨ́, Õ'âkɨ̃hɨre ẽho peógɨ niiámi. Kɨ̃ɨ̂re niî pe'tirã Judeu masa ãyuró wãkurã́ niiáma. Ni'kɨ́ Õ'âkɨ̃hɨre werê ko'tegɨ Cornéliore a'tîro niiápɨ': “Pedrore pihî dutiya mɨ'ɨ̂ ɨmɨare”, niiápɨ'. Mɨ'ɨ̂ weresére tɨ'o dutígɨ weeápɨ. Tohô weérã ɨ̃sâ mɨ'ɨ̂re pihîrã a'tîrã weeápɨ, niîkãrã niîwã.

Romanos 1:16

Masá Jesu Cristo yee kitire tɨ'órã, kɨ̃ɨ̂re ẽho peó nɨ'kasama. Yɨ'ɨ̂ masî', Õ'âkɨ̃hɨ kɨ̃ɨ̂ tutuaró me'ra niî pe'tirã Jesu Cristore ẽho peórãre pekâ me'epɨ wa'â boo'kãrãre yɨ'rɨósami. Tohô weégɨ masaré tee kitíre neê bopôya sãa wee'. Neê waro kɨ̃ɨ̂re ẽho peórã Judeu masa niirã́re yɨ'rɨósami. Judeu masa niîtirã kɨ̃ɨ̂re ẽho peórã kẽ'rare meharóta yɨ'rɨósami.

2 Corintios 12:10

Yɨ'ɨ̂re yã'âro uúkũsere, yɨ'ɨ̂re apêye noho dɨ'sasére e'katí'. Tohô niikã́ ẽho peóse bu'iri yã'âro weesére, mehêkã wa'asére e'katí'. A'tîro niî'. Tutuâtiro noho o'ôgɨ, nemoró tutuagɨ́ wa'â'.

Gálatas 6:14

Yɨ'ɨ̂ pũrikã naâ weeró noho nií wee'. Jesu Cristo marîre yɨ'rɨógɨ kurúsapɨ wẽrî'ke pe'ere werê'. Yɨ'ɨ̂re “Ãpêrã yɨ'rɨóro niîmi” niiáto niîgɨ meheta werê'. Yɨ'ɨ̂ Jesu Cristo wẽrisé me'ra a'ti nukúkãkãharã naâ ɨâri pehasere du'úkã'wɨ. Yɨ'ɨ̂ teeré wãkû nɨrɨ wee' maha.

1 Timoteo 5:21

Õ'âkɨ̃hɨ ĩ'yóropɨre, Jesu Cristo marî wiôgɨ ĩ'yóropɨre mɨ'ɨ̂re a'tîro niîgɨti. Tohô niikã́ Õ'âkɨ̃hɨre werê ko'terã kɨ̃ɨ̂ besé'kãrã ĩ'yóropɨ kẽ'rare mɨ'ɨ̂re niîgɨti: Sɨ'orí wehê peorãre ni'kâro noho weeyá. Mɨ'ɨ̂ tɨ'sarã́ noho di'akɨ̃re ãyuró weetíkã'ya. Niî pe'tirãre keoró weeyá.

2 Timoteo 1:12

Tee kitíre weresé bu'iri yɨ'ɨ̂ pũûro pi'etí'. Tohô pi'etímigɨ, bopôya wee'. Yɨ'ɨ̂ Jesu Cristore masî'. “Kɨ̃ɨ̂ niî'kere keoróta weegɨ́sami”, niî'. Kɨ̃ɨ̂ tutuagɨ́ niîmi. Yɨ'ɨ̂re tee kití werê turiase kũû'kere ãyuró ko'tê yapá da'reogɨsami. “Teê opâturi a'tîgɨpɨ, ko'tê nu'kugɨsami”, niî'. Tohô weégɨ yɨ'ɨ̂ neê bopôya wee'.

2 Timoteo 2:12

Marî pi'etírã wãkû tutuarã, kɨ̃ɨ̂ wiôgɨ niirópɨ kɨ̃ɨ̂ me'ra wiôrã niîrãsa'. “Kɨ̃ɨ̂re masîtisa'” niikã́, kɨ̃ɨ́ kẽ'ra marîre “Masí wee'”, niîgɨsami.

Hebreos 11:26

Naâ kɨ̃ɨ̂re yabikã́, kɨ̃ɨ̂ Cristo Õ'âkɨ̃hɨ besé'kɨ pi'etiátehe weeró noho pi'etíkɨ niîwĩ. Tohô pi'etígɨ, “Niî pe'tise Egitopɨ niisére kɨoró nemoró ãyú niî'”, niîkɨ niîwĩ. Õ'âkɨ̃hɨ kɨ̃ɨ̂re be'ropɨ́ o'oátehere wãkûgɨ, tohô niîkɨ niîwĩ.

Hebreos 13:13

Kɨ̃ɨ̂ makâ sumútohopɨ wẽrisé “Bopôya niî'”, niî no'okaro niîwɨ. Kɨ̃ɨ̂ wẽrikã́, Judeu masa wiôrã kɨ̃ɨ̂re tu'tî, yabîkãrã niîwã. Marí kẽ'rare kɨ̃ɨ̂re siru tuúkã, ãpêrã tu'tî, yabîma. Marî kɨ̃ɨ̂re siru tuúro ɨá'. Naâ tohô weesére tohô tɨ'ó yã'arã.

Judas 1:14

Dɨporókɨ̃hɨpɨ Enoque wamêtigɨ Õ'âkɨ̃hɨ kɨ̃ɨ̂re masisé o'oró me'ra naâ niî soorãre bu'îri da'reátehere werê mɨ'takɨ niîwĩ. Marî yẽkɨ Adão paramí niî turiagɨpɨ niîkɨ niîwĩ Enoque. Seis kurari be'rokɨ̃hɨ niîkɨ niîwĩ. Kɨ̃ɨ̂, be'ropɨ́ wa'aátehere a'tîro niîkɨ niîwĩ: “Marî wiôgɨ pãharã́ ɨ'mɨ̂sekãharã kɨ̃ɨ̂re werê ko'terã me'ra a'tîgɨsami.

Apocalipse 1:7

Mɨsâ tɨ'oyá. Õ'âkɨ̃hɨ besé'kɨ Cristo o'me kuráripɨ dihátigɨsami. Kɨ̃ɨ̂ a'tikã́, niî pe'tirã ĩ'yârãsama. Tohô niikã́ kɨ̃ɨ̂re wẽhé'kãrãpɨta ĩ'yârãsama. Niî pe'tirã a'tí di'takãharã kɨ̃ɨ̂ a'tikã́ ĩ'yârã, utîrãsama. Tohôta wa'ârosa'.

Apocalipse 20:11

Be'ró, wiôgɨ duhirí kumuro butirí kumurohore ĩ'yâwɨ. Toopɨ́ duhigɨ́re ĩ'yâwɨ. Kɨ̃ɨ̂ ĩ'yóropɨre a'tí di'ta, ɨ'mɨ̂se bahu dutí diha pe'tia wa'âwɨ. Teé no'opɨ́ niiró bokatíwɨ.

Apocalipse 21:8

Ãpêrã pũrikã uisé bu'iri yɨ'ɨ̂re ẽho peó du'urã pekâ me'epɨ wa'ârãsama. Tohô niikã́ ẽho peótirã, yã'â butia'sere weerã́, wẽhé kõ'arã toopɨ́ wa'ârãsama. Ãpêrã no'ó ɨaró a'me tãrá baha ke'atirã, yaî weeró noho tɨ'ó yã'a masirã pekâ me'epɨ wa'ârãsama. Tohô niikã́ Õ'âkɨ̃hɨ mehereta ẽho peórã, niî pe'tirã niî soose piharã pekâ me'epɨ wa'ârãsama. Tii ditára opê weeró noho bahusé sipî ɨ̃hɨ́sa'. Teé bu'îri da'resé opâturi wẽrisé weeró noho niî'.

Apocalipse 3:5

Ãpêrã kẽ'ra ãyuró weé yɨ'rɨ wetírã ẽho peó du'utirã noho su'tí ãyuró butisé sãâ no'orãsama. Katî nu'kuse kɨorã́ naâ wameré ohâ õ'oka pũripɨ kɨorã́ naâ wameré neê koé no'osome. Koé no'oro noho o'ôrã, yɨ'ɨ̂ pakɨ ĩ'yóropɨre yɨ'ɨ̂ ‘Naâre masî'’, niîgɨti. Meharóta kɨ̃ɨ̂re werê ko'terã ĩ'yóropɨ kẽ'rare niîgɨti.