San Lucas 8:13 - Tukano

¹³ Apêye otesé kape ɨ̃tâ peeri wa'teropɨ bɨrɨ̂ ke'a'ke a'tîro niî sĩ'riro weé'. Naâ, yee kitíre ãyuró e'katíse me'ra tɨ'osamá. Tohô weemírã, nɨ'kôri marirã́ weeró noho ãyuró ẽho peótisama. Yoâtikã ãyuró ẽho peó kumí, be'ró naâre ãpêrã yã'âro weekã́ ĩ'yârã, ẽho peó du'ukã'sama.

Õꞌacʉ̃ Yere Ucũrĩ Turi

¹³ Apeye otese cape ʉ̃tãpaga waꞌteropʉ bʉrʉqueꞌaꞌque aꞌtiro nisĩꞌrĩrõ weeꞌe. Na, yé quetire añurõ eꞌcatise meꞌrã tʉꞌosama. Tojo weemirã, nʉꞌcõrĩ marĩrã weronojõ añurõ ẽjõpeotisama. Yoaticã añurõ ẽjõpeocũmí, beꞌro narẽ ãpẽrã ñaꞌarõ weecã ĩꞌarã, ẽjõpeoduꞌucãꞌsama.

San Lucas 8:13 Iomraidhean Croise

Marcos 6:20

Herode pe'e Joãore ãyugɨ́, bu'îri moogɨ́ niîmi niîgɨ, uisé me'ra tɨ'ó yã'akɨ niîwĩ. Tohô weégɨ koô yã'âro weé sĩ'risere wee dutítikɨ niîwĩ. João uúkũsere tɨ'o masítimigɨ, ãyuró tɨ'sasé me'ra tɨ'ókɨ niîwĩ,

San Lucas 8:12

Ma'âpɨ bɨrɨ̂ ke'a'ke a'tîro niî sĩ'riro weé'. Masá, yee kitíre tɨ'omá. Be'ró naâ tɨ'ó'kere wãtî a'tî, teeré e'mâ pe'okã'sami. Naâpɨ teeré ẽho peó, Õ'âkɨ̃hɨ naâre yɨ'rɨ wetíkã weerí niîgɨ, tohô weesamí.

San Lucas 8:14

Apêye potâ wa'teropɨ bɨrɨ̂ ke'a'ke a'tîro niî sĩ'riro weé'. Yee kitíre tɨ'osamá, tɨ'órã pe'ea'. Mehô siâpe me'ra a'ti ɨmɨ́kohokãhasere wãkû ke'ti yɨ'rɨasama. Pehé kɨó sĩ'risama. A'ti ɨmɨ́kohopɨ e'katísere ɨpɨ́tɨ wãkûsama. Tohô weéro a'té niî pe'tise naâre dohórẽ'kã'sa'. Tohô weérã, naâ dɨkâ marirã́ weeró noho tohamá.

San Juan 15:2

Yɨ'ɨ̂re ẽho peórã tigɨkãháse dɨpɨri niîma. Õ'âkɨ̃hɨ ɨ'sêgɨre ĩ'yâ nɨrɨgɨ weeró noho niî yuugɨ, dɨkâ marisé dɨpɨrire dɨtê kõ'asami. Apêye dɨkâtise dɨpɨrire ãyuró dɨkâtiato niîgɨ dɨtê wee nemosami.

San Juan 15:6

Yɨ'ɨ̂ me'ra niî nu'kutigɨ dɨtê kõ'a'ke dɨpɨri weeró noho niîmi. Teé yãî'ke dɨpɨrire seé, pekâ me'epɨ ɨ̃hâ kõ'a no'osa'.

San Juan 5:35

João sĩ'óo' mɨ'tagɨ weeró noho niîwĩ. Sĩ'óo'kaha marikã ɨ̃hɨ̂ro, ãyuró bo'rê yuusa'. Teé bo'rê yuuse weeró noho yee kitíre ãyuró ĩ'yowĩ́. Mɨsâ kɨ̃ɨ̂ uúkũsere tɨ'órã, yoâtikã teeré e'katíwɨ.

1 Corintios 13:2

Apêyere Õ'âkɨ̃hɨ marîre werê'kere ãyuró werê turia masi boosa'. Tohô weemírã ãpêrãre ma'itírã, tɨ'o masítirã weeró noho niî boosa'. Tohô niikã́ niî pe'tise masá masîya marí'kere masî boosa'. No'ó niî pe'tisere masî pe'okã' boosa'. Tohô masîmirã ãpêrãre ma'itírã, tɨ'o masítirã weeró noho niî boosa'. Marî ẽho peó yɨ'rɨ nɨ'karã pũrikã, ɨ̃rɨgɨ́re apêropɨ wa'â duti masi boosa'. Tohô weetá basiómikã a'mêri ma'isé moórã, mehô waro uúkũ ma'akã' boosa'.

1 Corintios 15:2

Õ'âkɨ̃hɨ teé ãyusé kiti me'ra mɨsâre ẽho peó nu'kukã weégɨ weemí. Mɨsâre tee kití yɨ'ɨ̂ werê'kere ẽho peó nu'kukã, yɨ'rɨógɨsami. Keoró mɨsâ ẽho peókã, tohô weegɨ́sami. Mɨsâ keoró ẽho peótirã, yɨ'rɨó no'osome.

Gálatas 3:1

Mɨsâ Galáciakãharã Jesu Cristore ẽho peó du'urã, tɨ'o masíti butia'rã weeró noho weérã weé'. Noá mɨsâre niî soo sihamirito mehêkã ẽho peó dutirã? Ɨ̃sâ toopɨ́re niîrã, mɨsâre Jesu Cristo kɨ̃ɨ̂ kurúsapɨ wẽrisére keoró werêwɨ. Mɨsâ ãyuró ɨ̃sâ weresére tɨ'owɨ́.

Gálatas 3:4

Jesu Cristore neê waro ẽho peókã, ãpêrã mɨsâre yã'âro weékãrã niîwã. Ni'kâroakãre kɨ̃ɨ̂re ẽho peó du'urã, “Mehô waro pi'etípã”, niîrã weetí? Yɨ'ɨ̂ tɨ'ó yã'akã, mehô waro pi'etítipã.

Efesios 3:17

Mɨsâ Cristore ẽho peó, nemoró kɨ̃ɨ̂ me'ra ãyuró niiáto niîgɨ sẽri basá'. Apêye maa, mɨsâ Cristore, tohô niikã́ ãpêrãre ãyuró ma'ikã́ ɨágɨ sẽri basá'.

Colosenses 1:23

Mɨsâ kɨ̃ɨ yeé kitire ẽho peó nu'kukã, kɨ̃ɨ̂ ɨaró weé nu'kukã, tohô weegɨ́sami. Ãpêrã mɨsâre mehêkã werekã́, kɨ̃ɨ yeé kitire neê kõ'âtikã'ya. A'teré niî pe'tirokãharãpɨ tɨ'órã weemá. Yɨ'ɨ́ kẽ'ra a'te kitíre werê tamu sihagɨta niî'.

Colosenses 2:7

Kɨ̃ɨ̂re nemoró masî nemoya. Mɨsâre bu'ê'karo nohota kɨ̃ɨ̂re ẽho peó nemoya. Ɨmɨ̂kohori nɨkɨ Õ'âkɨ̃hɨre “Ãyú'”, niîya.

1 Tesalonicenses 3:5

Mɨsâ Jesuré ẽho peósere masî sĩ'rigɨ põo tẽóti, de'ró wa'âmiti naâre? niîgɨ, mɨsa yeé kitire miíti dutigɨ Timóteore o'ôo'wɨ. “Apé tero weégɨ mɨsâre wãtî Jesuré ẽho peó du'ukã weékã'pĩ”, niîkãti. Tohô weégɨ ɨ̃sâ bu'ê'ke neê wapa marípari? niî masî sĩ'rigɨ kɨ̃ɨ̂re o'ôo'wɨ.

Hebreos 10:39

Marî pe'e uî ẽho peó du'urã noho nií wee'. Tohô weérã marî pekâ me'epɨ wa'âsome. Marî kɨ̃ɨ̂re ẽho peórã, yɨ'rɨó no'orãsa'.

Santiago 2:26

Marî ehêri põ'ra du'úka be'ro marî ɨpɨ́ katîtisa' maha. “Õ'âkɨ̃hɨre ẽho peó'” niîmirã marî ãyuró weetíkã, wẽrîka ɨpɨ weeró noho niísa'.

2 Pedro 2:20

Marî wiôgɨ Jesu Cristo marîre yɨ'rɨógɨre ẽho peórã, a'ti nukúkãkãhase yã'asére yɨ'rɨ wetíwɨ. Tohô weéka be'ro niîmikã, opâturi yã'asére wee nemó peorã noho too dɨpóro niî'karo nemoró yã'âro tohasamá.

2 Pedro 2:22

Naâ opâturi yã'âro wee nemó peorã, masá naâ uúkũ wɨase noho weérã weemá. Naâ a'tîro uúkũ wɨasama. Diâyɨ kɨ̃ɨ̂ etoáka be'ro opâturi kɨ̃ɨ̂ etoá'kere ba'âsami taha. Apêye kẽ'ra niî'. Yesê ɨóka be'ro opâturi meharóta ũ'îri bɨhɨropɨ sĩ'kô kũyasami taha. Naâ Jesu Cristore ẽho peóka be'ro yã'âro weérã taha, teé weeró noho niîma.

1 João 2:19

Naâ kɨ̃ɨ̂re ĩ'yâ tu'tirã marî me'rakãharãta niîkã'miwã. Be'ró, naâ Jesu Cristo yee kitire ẽho peótirã, marîre dɨka watía wa'âwã. Naâ marî me'rakãharã waro meheta niî'kãrã niîwã. Marî me'rakãharã niîrã pũrikã, marî me'rata niî boosama. Naâ tohô dɨka watíkã ĩ'yârã, marî naâre ĩ'yâ masi'. Marî me'rakãharã meheta niî'kãrã niîwã.

Judas 1:12

Niî soorã, mɨsâ Jesu Cristore ẽho peórã nerê ba'arí kurare bopôyaro weérã weesamá. Mɨsâ me'ra sĩ'rí, ba'â tamurã, naa yeékãhase di'akɨ̃re wãkûrã, yã'âro weesamá. Naâre wio pesáse marísa'. Ãpêrãre wãkûtimirã, naâ basi ba'â yapî sĩ'risama. Ako kurári pehâ dihatimiro, wĩ'ró wẽekã́, tuú wã'karo weeró noho niîsama. Tee kurári akó pehâtiro weeró noho masaré ãyusé ĩ'yotísama. Yukɨ dɨká dɨkâtiri kura apêyepagɨ dɨkâ marisépagɨ weeró noho niî ko'tesama. Naâ Õ'âkɨ̃hɨ yeere bu'êmirã, keoró weetírã, dɨkâ marirã́ weeró noho niîsama. Naâ, masá dɨkâ marikɨhɨ́re paâ kõ'a no'o'kɨ weeró noho niîsama. Naâre neê kã'ró ãyuró weesé marísa'.