San Lucas 7:24 - Tukano

²⁴ João o'ôo'kãrã wa'âka be'ro Jesu João yeekãhásere masaré werêkɨ niîwĩ. A'tîro niîkɨ niîwĩ: —Mɨsâ masá marirópɨ Joãore ĩ'yârã wa'âpã. Toopɨ́ wa'ârã, uigɨ́ noho, wãkû tutuatigɨ nohore ĩ'yârã wa'âtipã. Kɨ̃ɨ̂ tutuâtigɨ taâ buti wĩ'ró wẽe kɨáro weeró noho niîtimi.

Õꞌacʉ̃ Yere Ucũrĩ Turi

²⁴ Juã oꞌóꞌcãrã waꞌáca beꞌro Jesú Juã ye cjasere masãrẽ werecʉ niwĩ. Aꞌtiro nicʉ niwĩ: —Mʉsã masã marĩrõpʉ Juãrẽ ĩꞌarã waꞌapã. Topʉ waꞌarã, uigʉnojõ, wãcũtutuatigʉnojõrẽ ĩꞌarã waꞌatipã. Cʉ̃ tutuatigʉ tábuti wĩꞌrõ wẽecʉaro weronojõ nitimi.

San Lucas 7:24 Iomraidhean Croise

San Lucas 1:80

Wi'magɨ́ bɨkɨâ, siâpe me'ra Õ'âkɨ̃hɨre nemoró ẽho peó wã'kakɨ niîwĩ. Yukɨ́ mariró, masá marirópɨ niî baha ke'atikɨ niîwĩ. Teê Israel kurakãharãre bu'ê nɨ'kaka teropɨ toopɨ́ niî tɨokɨ niîwĩ.

San Lucas 3:2

Aná, tohô niikã́ Caifá sacerdotea wiôrã niîkãrã niîwã. Tiîta naâ wiôrã niirí kura Õ'âkɨ̃hɨ Zacaria makɨ Joãore masá mariró, yukɨ́ marirópɨ uúkũkɨ niîwĩ.

San Lucas 7:23

Yɨ'ɨ̂re ẽho peó du'utigɨ noho e'katígɨsami” niiámi, niî werêrã wa'âya Joãore, niîkɨ niîwĩ Jesu.

San Lucas 7:25

Tohô niikã́ ãyusé su'tí sãyagɨ́re ĩ'yârã wa'âtipã. Su'tí ãyusé sãyarã́ noho, ma'mâ su'a niisétirã noho wiôrã yeé wi'seripɨ niîsama.

San Juan 1:23

João naâre yɨ'tiwĩ́: —Dɨporókɨ̃hɨ Õ'âkɨ̃hɨ yee kiti werê mɨ'tagɨ Isaía wamêtigɨ niî'karo nohota “Ni'kɨ́ yukɨ́ mariró, masá marirópɨ karíkũ nu'ku bahâ ke'atigɨsami” niî no'o'kɨ niî'. Isaía a'tîro niîkɨ niîwĩ: Marî wiôgɨ a'tiátihi ma'are apo yuúya. Diakɨ̃hɨ́ri ma'a, ãyurí ma'a kẽ'râro weeró noho wee yuúya, niî ohâkɨ niîwĩ. Marî wiôgɨ a'tiátoho dɨporo mɨsâ niisétisere apo yuúya, mɨsâ wãkusére dɨka yuúya niîgɨ, tohô niîkɨ niîwĩ.

Efesios 4:14

Tohô weérã wi'marã́ weeró noho wee sirú tuu mɨharã niîsome. Niî pe'tisetiri ma'má bu'esére tɨ'órã, na'îro dɨka yuú mɨhasome. Niî soo me'rirã marîre mehêkã ẽho peókã weesomé.

2 Pedro 2:17

Niî soori masa akó wihasé peeri si'bî ke'a'karo weeró noho niîma. Tee peéri ako maríro weeró noho naâ yã'arã́re ãyusé ãpêrãre wee tamúse marísa'. O'me kurári wĩ'ró me'ra tuú wã'karo weeró noho niîma. No'ó ɨaró weé nu'kuma. Naâ ni'kâ diakɨ̃hɨta uúkũtisama. Bu'îri da'rê no'oahã niî tohama. Tohô weérã na'î tĩ'aropɨ tohôta niî bahu dutírãsama.

2 Pedro 3:17

Yɨ'ɨ̂ ma'irã́, yɨ'ɨ̂ mɨsâre naâ niî soorã weeátehere werê yuu tohapɨ. Mɨsâ tohô weérã masî toha'. Naâ yã'arã́ mɨsâre niî soori niîrã, tɨ'o masíya. Tohô niikã́ mɨsâre ẽho peó tutuarã niî'kãrãre ẽho peó du'ukã weetíkã'ato.