San Lucas 2:36 - Tukano

³⁶ Apêgo Õ'âkɨ̃hɨ wi'ipɨre Õ'âkɨ̃hɨ yee kiti werê mɨ'tago niîko niîwõ. Koô Ana wamêtiko niîwõ. Fanuel mako Aser kurakõho niîko niîwõ. Bɨkɨó waro niîko niîwõ. Neê waropɨre nu'mió waro amûkã dɨ'téko niîwõ. Koô amûkã dɨ'téka be'ro sete kɨ'mari koô marapɨ́ me'ra niîko niîwõ. Tiikése kɨ'mari be'ro koô marapɨ́ wẽrîa wa'âkɨ niîwĩ.

Õꞌacʉ̃ Yere Ucũrĩ Turi

³⁶ Apego Õꞌacʉ̃ wiꞌipʉre Õꞌacʉ̃ ye queti weremʉꞌtãrĩ masõ nico niwõ. Co Ana wãmetico niwõ. Fanuel macõ Aser curuacjõ nico niwõ. Bʉcʉo waro nico niwõ. Ne waropʉre nuꞌmio waro omocã dʉꞌteco niwõ. Co omocã dʉꞌtéca beꞌro siete cʉ̃ꞌmarĩ co marãpʉ meꞌrã nico niwõ. Ticʉse cʉ̃ꞌmarĩ beꞌro co marãpʉ wẽrĩa waꞌacʉ niwĩ.

San Lucas 2:36 Iomraidhean Croise

San Lucas 2:35

Tohô weesé me'ra niî pe'tirã wãkusére bahû yoaropɨ masî no'orosa'. Mɨ'ɨ̂ pe'e teeré di'pĩhí me'ra yõsêro weeró noho pũrisé tɨ'ó yã'agosa', niîkɨ niîwĩ Mariare.

San Lucas 2:38

Simeão Mariare, Joseré uúkũri kura Ana naâ tiropɨ wa'âko niîwõ. Jesuré ĩ'yâgo, Õ'âkɨ̃hɨre “Ãyú'” niîko niîwõ. Be'ró niî pe'tirã Jerusalẽ́kãharã masaré yɨ'rɨoákɨhɨre ko'terã́re Jesu yeékãhasere werêko niîwõ.

Hechos 21:9

Kɨ̃ɨ̂ me'ra kɨ̃ɨ̂ põ'ra numiá ba'pâritirã numia marâpɨ sɨmɨa moorã́ niîwã. Naâ Õ'âkɨ̃hɨ kɨ̃ɨ̂ uúkũ'kere werê turiarã niîwã.

1 Corintios 11:5

Numiô pũrikã Õ'âkɨ̃hɨre sẽrígo, dɨpôapɨ su'ti kasérore pesâsamo. Tohô niikã́ Õ'âkɨ̃hɨ werê duti'kere werê turiago, meharóta weesamó. Koô pesâtigo, bopôyaro weégo wee boósamo. Ɨmɨ́ weeró noho wee boósamo. Koô marapɨ́re, koô wiôgɨre yɨ'rɨ́ nɨ'kago wee boósamo. Poârire seê kõ'a wɨha weé no'o'ko weeró noho niî boosamo.

1 Corintios 12:1

Akawerérã, Espírito Santo mɨsâre Õ'âkɨ̃hɨ yeere wee masiátehere o'ômi. Mɨsâre teeré keoró masikã́ ɨá'.

1 Timoteo 3:2

Tohô weé sĩ'rigɨ noho a'tîro niisétigɨ noho niiáto. Kɨ̃ɨ́ta “Yã'âro weemí” niî no'oya marigɨ́ niiáto. Ni'kotá nɨmôtigɨ niiáto. Kɨ̃ɨ̂ wio pesáse me'ra weesétigɨ noho niiáto. Ãyuró wãkû yuu weesétigɨ noho niiáto. Ãpêrã wio pesáse me'ra ĩ'yâ no'ogɨ noho niiáto. Siharí masa kɨ̃ɨ yaá wi'ipɨ wa'akã́, ãyuró põo tẽrígɨ noho niiáto. Ãpêrãre ãyuró bu'ê me'rigɨ noho niiáto.

1 Timoteo 5:9

Wapê wi'ia numiare wee tamúrãtirã naâ wameré ni'kâ pũripɨ ohâ õ'oya. A'tîro niirã́ numia nohore ohâya: Bɨkɨó waro sessenta kɨ'mari kɨogóre, ni'kɨréta marâpɨti'kore ohâya.

Apocalipse 7:6

Ãpêrã Aser yaa kurakãharã doze mil yãa kũú no'owã. Naftali yaa kurakãharã doze mil yãa kũú no'owã. Manassé yaa kurakãharã doze mil yãa kũú no'owã.