San Lucas 18:7 - Tukano

⁷ Tohô niikã́ maa, Õ'âkɨ̃hɨ too pũríkãre kɨ̃ɨ̂ besé'kãrãre yamîri, ɨmɨ̂kohori kɨ̃ɨ̂re sẽrí nu'kurãre wee tamútisari? Naâ sẽrí'kere yogosarí?

Õꞌacʉ̃ Yere Ucũrĩ Turi

⁷ Tojo nicãma, ¿Õꞌacʉ̃ to pũrĩcãrẽ cʉ̃ beseꞌcãrãrẽ ñamirĩ, ʉmʉcori cʉ̃rẽ sẽrĩnuꞌcũrãrẽ weetamutisari? ¿Na sẽrĩꞌquere yoogosari?

San Lucas 18:7 Iomraidhean Croise

Mateus 24:22

Õ'âkɨ̃hɨ naâ pi'etíse nɨmɨrire dɨôtikã maa, neê ni'kɨ́ yɨ'rɨ wetíti butia' boosami. Õ'âkɨ̃hɨ pe'e kɨ̃ɨ yarã́, kɨ̃ɨ̂ besé'kãrãre pahá yã'agɨ, tohô wa'asé nɨmɨrire dɨôgɨsami.

Mateus 24:24

Pãharã́ niî soorã a'tîrãsama. A'tîro niîrãsama: “Yɨ'ɨ̂ Õ'âkɨ̃hɨ besé'kɨ Cristo niî'. Õ'âkɨ̃hɨ yee kitire werê mɨ'tagɨ niî'”, niî soorãsama. Naâre ẽho peókã weé sĩ'rirã, pehé weé ĩ'yose ĩ'yorã́sama. Basiókã maa, Õ'âkɨ̃hɨ kɨ̃ɨ̂ besé'kãrãpɨreta ẽho peó du'ukã weé sĩ'rirãsama.

Mateus 7:11

Mɨsâ yã'arã́ niîmirã, mɨsâ põ'rare ãyusére o'ô masi'. Too pũríkãre marî pakɨ ɨ'mɨ̂sepɨ niigɨ́ kɨ̃ɨ̂re sẽrirã́re nemoró ãyusére o'ôgɨsami.

San Lucas 11:13

Mɨsâ yã'arã́ niîmirã, mɨsâ põ'rare ãyusére o'ô masi'. Too pũríkãre marî pakɨ ɨ'mɨ̂sepɨ niigɨ́, nemoró ãyusé o'ôgɨsami. Kɨ̃ɨ̂re sẽrirã́re Espírito Santore o'ôgɨsami, niîkɨ niîwĩ.

San Lucas 2:37

Jesuré naâ Õ'âkɨ̃hɨ wi'ipɨ miáaka terore koô wapê wi'io oitenta e quatro kɨ'mari kɨóko niîwõ. Koô Õ'âkɨ̃hɨ wi'ipɨre neê wiháatiko niîwõ. Toopɨ́ Õ'âkɨ̃hɨre ẽho peógo, yamîri, ɨmɨ̂kohori be'tí, Õ'âkɨ̃hɨre sẽrí nu'kukã'ko niîwõ.

San Lucas 21:28

Teé pehé wa'â nɨ'kari kurare wãkû tutua e'katíya. Ɨ'mɨáropɨ ĩ'yâ mororã weeró noho ko'têya. Maatá mɨsâ yɨ'rɨó no'orãsa', niîkɨ niîwĩ Jesu.

Romanos 8:33

Õ'âkɨ̃hɨ kɨ̃ɨ̂ besé'kãrãre neê ni'kɨpɨ́reta masá bese wɨáropɨ werê sãaro weeró noho “Ã'rá yã'arã́ niîma”, niîta basió wee'. Õ'âkɨ̃hɨ kɨ̃ɨ̂ basita “Ã'rá bu'îri marimá” niîgɨsami.

Colosenses 3:12

Õ'âkɨ̃hɨ mɨsâre ma'imí. Kɨ̃ɨ̂ mɨsâre kɨ̃ɨ yarã́ niiáto niîgɨ besékɨ niîwĩ. Tohô weérã ãpêrãre pahá yã'aya. Naâre ãyuró e'katíse me'ra wee tamúya. Mɨsâ “Ãpêrã yɨ'rɨóro niî'”, niî wãkûtikã'ya. Mɨsâre mehêkã niikã́, tohô tɨ'ó yã'akã'ya. Wãkû tutuaya.

1 Tesalonicenses 3:10

Yamîri, ɨmɨ̂kohorita yoâkã Õ'âkɨ̃hɨre sẽrí nu'kukã' mɨsâ tiropɨ wa'â sĩ'rirã. Mɨsâre Jesu yeére werê yapá da'reo sĩ'risa'.

2 Tesalonicenses 1:6

Õ'âkɨ̃hɨ keoró weegɨ́sami. Mɨsâre pi'etíkã weé'kãrãre pi'etíkã weegɨ́sami.

1 Timoteo 5:5

Apêgo wapê wi'io waro ni'kó niigó pũrikã Õ'âkɨ̃hɨ wee tamuátehere yuû kuesamo. Ɨmɨ̂kohori nɨkɨ, yamîri nɨkɨ tohô sẽrí nu'kusamo.

2 Timoteo 1:3

Yɨ'ɨ̂ Õ'âkɨ̃hɨre sẽrisétiri nɨkɨ mɨ'ɨ̂re wãkû'. Mɨ'ɨ̂re wãkûgɨ, yamî, ɨmɨ̂koho Õ'âkɨ̃hɨre “Ãyú'” niî'. Kɨ̃ɨ̂re yɨ'ɨ̂ yẽkɨ sɨmɨá ẽho peóseti'karo nohota ẽho peó'. Yɨ'ɨ̂ bu'îri moogɨ́ tɨ'ó yã'agɨ, kɨ̃ɨ̂re ẽho peó'.

2 Timoteo 2:10

Tohô weégɨ yɨ'ɨ̂ pi'etímigɨ, wãkû tutua'. Õ'âkɨ̃hɨ besé'kãrãre ãyuró wa'aáto niîgɨ tohô weé'. Naá kẽ'ra marî weeró noho Jesu Cristore ẽho peórã, yɨ'rɨó no'orãsama. Ãyú butia'sere bokarã́sama. Katî nu'kukã'rãsama. Tohô weégɨ niî pe'tisere wãkû tutua'.

Tito 1:1

Yɨ'ɨ̂ Paulo Õ'âkɨ̃hɨre da'rá ko'tegɨ Jesu Cristo bese kũú'kɨ niî'. Kɨ̃ɨ̂, kɨ̃ɨ yeé kitire werê dutigɨ kũûwĩ. Õ'âkɨ̃hɨ kɨ̃ɨ̂ besé'kãrãre ãyuró ẽho peókã ɨa sãágɨ yɨ'ɨ̂re kũûwĩ. Tohô niikã́ naâre Õ'âkɨ̃hɨ yee, diakɨ̃hɨ́kãhasere masî dutigɨ kũûwĩ. Keoró Õ'âkɨ̃hɨ ɨaró noho wee dutígɨ tohô kũûwĩ.

1 Pedro 1:1

Yɨ'ɨ̂re Jesu Cristo kɨ̃ɨ yeé kitire bu'ê dutigɨ bese kũúwĩ. A'ti pũrí me'ra mɨsâre ãyu dutíse o'ôo'. Mɨsâ Ponto, Galácia, Capadócia, Ásia, Bitínia wamêtise di'tapɨ Jesu Cristore ẽho peóse bu'iri ãpêrã yã'âro weekã́ wa'âste wã'ka'kãrãre ohâ'.

2 Pedro 3:9

Marî wiôgɨ kɨ̃ɨ̂ “Opâturi a'tîgɨti” niî'kere masá a'tîro wãkûsama: “Yogó yɨ'rɨami”, niîsama. Naâ wãkusé diakɨ̃hɨ́ nií wee'. Masaré pahá yã'agɨ, maatá a'tîtisami yuhûpɨ. Neê ni'kɨré pekâ me'epɨ wa'akã́ ɨatísami. Niî pe'tirã naâ yã'asére bɨhâ weti dɨka yuúkã ɨasamí. Tohô weégɨ a'tîtisami yuhûpɨ.

Apocalipse 18:20

Ɨ'mɨ̂sepɨ niirã́ pe'e tii makáre kõ'akã́, e'katíya. Mɨsâ Jesu Cristo bese kũú'kãrã, Õ'âkɨ̃hɨ yee kitire werê turiarã, niî pe'tirã kɨ̃ɨ yarã́ e'katíya. Tii makákãharã mɨsâre pi'etíkã weewã́. Teé bu'iri Õ'âkɨ̃hɨ naâre bu'îri da'rêmi.

Apocalipse 6:10

Naâ tutuaró me'ra uúkũwã. A'tîro niîwã: —Wiôgɨ, ãyú butia'gɨ, mɨ'ɨ̂ yã'asé moogɨ́ niî'. Mɨ'ɨ̂ “Weegɨ́ti” niî'kere keoró weé'. De'ró niikã́ mɨ'ɨ̂ nukûkãkãharã ɨ̃sâre wẽhé'kãrãre bu'îri da'rê a'megɨsari?

Apocalipse 7:15

Tohô weérã naâ Õ'âkɨ̃hɨ duhirí kumuro tiro niî nu'kukã'ma. Kɨ̃ɨ yaá wi'ipɨre ɨmɨ̂kohori nɨkɨ, yamîri nɨkɨ kɨ̃ɨ̂ ɨaró weemá. Wiôgɨ duhirí kumuropɨ duhigɨ́ naâ me'ra niîmi. Naâre ko'têmi.