San Lucas 18:43 - Tukano

⁴³ Kɨ̃ɨ̂ tohô niirí kurata kɨ̃ɨ̂ kapêrire ĩ'yâkɨ niîwĩ. Be'ró Jesuré siru tuú, Õ'âkɨ̃hɨre “Ãyú'” niîkɨ niîwĩ. Niî pe'tirã kɨ̃ɨ̂re tohô wa'akã́ ĩ'yâ'kãrã kẽ'ra Õ'âkɨ̃hɨre “Ãyú'” niîkãrã niîwã.

Õꞌacʉ̃ Yere Ucũrĩ Turi

⁴³ Cʉ̃ tojo nirĩ curata cʉ̃ caperire ĩꞌacʉ niwĩ. Beꞌro Jesure sirutu, Õꞌacʉ̃rẽ eꞌcatise oꞌocʉ niwĩ. Nipeꞌtirã cʉ̃rẽ tojo waꞌacã ĩꞌaꞌcãrã quẽꞌrã Õꞌacʉ̃rẽ eꞌcatise oꞌocãrã niwã.

San Lucas 18:43 Iomraidhean Croise

Mateus 11:5

“Kapêri ĩ'yâtimi'kãrã ni'kâroakãre ĩ'yâma. Sihâ masitimi'kãrã sihâma. Kamî boarã́ yatî pe'tia no'oma. O'mê peeri tɨ'otí'kãrã tɨ'omá. Ãpêrã wẽrî'kãrã masamá. Pahasé kɨorã ãyusé masaré yɨ'rɨóse kitire tɨ'omá.

Mateus 21:14

Tií wi'ipɨre kapêri bahú no'otirã, sihâ masitirã kɨ̃ɨ̂ tiropɨ a'tîwã. Naâ tohô weekã́ ĩ'yâgɨ, naâre yɨ'rɨówĩ.

Mateus 9:8

Masá kɨ̃ɨ̂ tohô wa'asére ĩ'yârã, ɨpɨ́tɨ ɨkɨákãrã niîwã. Tohô weérã Õ'âkɨ̃hɨ ɨ'mɨ̂sepɨ niigɨ́re a'tîro niîkãrã niîwã: —Mɨ'ɨ̂ tutuasé masɨpɨ́re o'ô'ke ãyú yɨ'rɨa', niîkãrã niîwã.

San Lucas 13:17

Jesu kɨ̃ɨ̂ a'tîro niisére tɨ'órã, niî pe'tirã kɨ̃ɨ̂re ɨatími'kãrã bopôya pe'tia wa'âkãrã niîwã. Ãpêrã pe'e Jesu kɨ̃ɨ̂ weé ĩ'yose ĩ'yârã, e'katíkãrã niîwã.

San Lucas 19:37

Jesu ɨ̃rɨgɨ́ Oliveira wamêtikɨhɨ tiropɨ diháari kura a'tîro weékãrã niîwã. Niî pe'tirã kɨ̃ɨ̂ bu'esére siru tuúrã, e'katíse me'ra karíkũ nɨ'kakãrã niîwã. Jesu weé ĩ'yokã ĩ'yâ'kere wãkûrã, Õ'âkɨ̃hɨre e'katí peorã, karíkũkãrã niîwã.

San Lucas 4:39

Jesu koô pɨ'to ehâ nɨ'ka mu'rí ĩ'ya, uhá'kere surû dutikɨ niîwĩ. Kɨ̃ɨ̂ tohô weekã́, uhá'ke surû pe'tia wa'âkaro niîwɨ. Tohô weéka be'ro maatá koô wã'kâ nɨ'ka, naâre ba'asé etígo wa'âko niîwõ.

San Lucas 5:26

Niî pe'tirã tohô wa'asére ĩ'yâ maria, “Õ'âkɨ̃hɨ tutuagɨ́, ãyú butia'gɨ niîmi”, ni'kakã́ maa marî neê ĩ'yâ wɨaya marisére ĩ'yaásɨ, niîkãrã niîwã.

San Lucas 9:43

Niî pe'tirã toó niirã́ Õ'âkɨ̃hɨ tutuasére ĩ'yâ mariakãrã niîwã. Naâ Jesu weé ĩ'yo'kere ĩ'yâ mariari kura kɨ̃ɨ̂ bu'erã́re niîkɨ niîwĩ:

Hechos 11:18

Kɨ̃ɨ̂ teeré tohô niî werê tohaka be'ro Judeu masa di'ta marí pe'tia wa'âkãrã niîwã. —Õ'âkɨ̃hɨ Judeu masa niîtirã kẽ'rare naâ yã'âro weé'kere bɨhâ wetikã ɨasamí naâ ɨ'mɨ̂sepɨ katî nu'kuato niîgɨ, niî e'katí peokãrã niîwã Õ'âkɨ̃hɨre.

Hechos 4:21

Naâ tohô niikã́ tɨ'órã, wiôrã pe'e uî dutirã, niî nemokãrã niîwã: —Werêtikã'ya. Mɨsâ Jesu yeé kitire werê nemokã, mɨsâre bu'îri da'rêrãti, niîkãrã niîwã. Masá pe'e “Õ'âkɨ̃hɨ ãyú yɨrɨami. Sihâ masiti'kɨre sihakã́ weeámi” niî e'katíkãrã niîwã. Naâ tohô niikã́ tɨ'órã, wiôrã Pedro, Joãore bu'îri da'rê masitikãrã niîwã. Tohô weérã naâre du'u wĩrókã'kãrã niîwã.

Gálatas 1:24

Yɨ'ɨ̂ Jesu Cristore ẽho peósere tɨ'órã, Õ'âkɨ̃hɨre “Mɨ'ɨ̂ ãyú butia'gɨ, tutuâ yɨrɨagɨ niî'” niîkãrã niîwã.

1 Pedro 2:9

Marî pũrikã naâ weeró noho nií wee'. Õ'âkɨ̃hɨ kɨ̃ɨ yarã́ niiáto niîgɨ marîre besékɨ niîwĩ. Tohô weérã marî wiôgɨ yarã sacerdotea weeró noho kɨ̃ɨ yeére da'rarã́ niî'. Õ'âkɨ̃hɨ marîre kɨ̃ɨ yaá kurakãharã sãhakã́ weékɨ niîwĩ. Yã'asé mariró niisétikã weékɨ niîwĩ. Dɨporópɨ Õ'âkɨ̃hɨ kɨ̃ɨ yarã́ masá Israel kurakãharãre yɨ'ɨ̂ werê'ke peheré weékɨ niîwĩ. Mɨsâ Jesu Cristore ẽho peórã niî'. Tohô weégɨ mɨsâre meharóta weemí. Õ'âkɨ̃hɨ marîre ãyuró weé'kere ãpêrãre werê dutigɨ tohô weemí. Õ'âkɨ̃hɨ ãyú yɨ'rɨagɨ marî yã'âro weé'kere akobohómi. Akobohó, na'î tĩ'aropɨ niî'kãrãre marîre yɨ'rɨómi. Tohô weérã ni'kâroakãre kɨ̃ɨ̂ põ'rá bo'rê yuuropɨ niirã́ weeró noho niî'.