San Lucas 18:23 - Tukano

²³ Kɨ̃ɨ̂ tohô niikã́ tɨ'ógɨ, pehé kɨogɨ́ niî tĩhagɨ kɨ̃ɨ̂ kɨosére ma'í yɨ'rɨgɨ, bɨhâ weti yɨ'rɨakɨ niîwĩ.

Õꞌacʉ̃ Yere Ucũrĩ Turi

²³ Cʉ̃ tojo nicã tʉꞌogʉ, peje cʉogʉ nitjĩagʉ̃ cʉ̃ cʉosere maꞌiyʉꞌrʉgʉ, bʉjawetiyʉꞌrʉacʉ niwĩ.

San Lucas 18:23 Iomraidhean Croise

Mateus 19:22

Kɨ̃ɨ̂ tohô niikã́ tɨ'ógɨ, ma'mɨ̂ pehé kɨogɨ́ niî tĩhagɨ teeré ma'í yɨ'rɨgɨ, bɨhâ wetise me'ra dahâ tohaawĩ.

Marcos 10:22

Kɨ̃ɨ̂ tohô niikã́ tɨ'ógɨ, tɨ'sâtikɨ niîwĩ. Kɨ̃ɨ̂ pehe waró kɨó yɨ'rɨa tĩhagɨ, kɨ̃ɨ̂ kɨosére ma'í yɨ'rɨgɨ bɨhâ weti, toháa wa'âkɨ niîwĩ.

San Lucas 12:15

Apêye niî nemokɨ niîwĩ: —Mɨsâ niî pe'tise ɨâri pehase nohore tɨ'o masí, wãkûya. Marî katisé pehé apêye noho kɨosé meheta niî', niîkɨ niîwĩ.

San Lucas 18:22

Kɨ̃ɨ̂ tohô niikã́ tɨ'ógɨ, Jesu niîkɨ niîwĩ: —Mɨ'ɨ̂re apêye nohoakã dɨ'sá' yuhûpɨ. Mɨ'ɨ̂ kɨosére duâ pe'okɨ̃hɨ wa'âya. Teé duâ'ke wapare pahasé kɨorãre o'ôya. Tohô weégɨ mɨ'ɨ̂ ɨ'mɨ̂sepɨre pehé ãyusé kɨogɨ́sa'. Tu'â eha nɨ'ko, yɨ'ɨ̂re siru tuúya, niîkɨ niîwĩ.

San Lucas 18:24

Tohô weekã́ ĩ'yâgɨ, Jesu niîkɨ niîwĩ: —Pehé kɨorã́re Õ'âkɨ̃hɨ wiôgɨ niirópɨ ɨ'mɨ̂sepɨ wa'akã́, diâsa niî'.

San Lucas 19:8

Be'ró kɨ̃ɨ yaá wi'ipɨ Zaqueu wã'kâ nɨ'ka, marî wiôgɨre a'tîro niîkɨ niîwĩ: —Yɨ'ɨ̂ wiôgɨ, tɨ'oyá. Pahasé kɨorãre yɨ'ɨ̂ kɨosére dekô me'ra dɨka waágɨti. No'ó yɨ'ɨ̂ ãpêrãre niî soose me'ra yaháka be'ro niikã́, ba'pâritisetiri naâre yɨ'ɨ̂ yahá'ke nemoró wiagɨ́ti, niîkɨ niîwĩ.

San Lucas 21:34

Yɨ'ɨ̂ a'tiátihi nɨmɨre mɨsâ neê masîtisa'. Tohô weérã mɨsâ basi ãyuró ko'têya. Yã'âro weesére wee poóri niîrã, weetíkã'ya. Ke'atíkã'ya. A'ti ɨmɨ́kohokãhasere wãkû ke'titikã'ya. Tohô weérã mɨsâ wãkûtiro yɨ'ɨ̂ a'tiátihi nɨmɨ niikã́, yã'arã́ boka ehá peha no'osome.

San Lucas 8:14

Apêye potâ wa'teropɨ bɨrɨ̂ ke'a'ke a'tîro niî sĩ'riro weé'. Yee kitíre tɨ'osamá, tɨ'órã pe'ea'. Mehô siâpe me'ra a'ti ɨmɨ́kohokãhasere wãkû ke'ti yɨ'rɨasama. Pehé kɨó sĩ'risama. A'ti ɨmɨ́kohopɨ e'katísere ɨpɨ́tɨ wãkûsama. Tohô weéro a'té niî pe'tise naâre dohórẽ'kã'sa'. Tohô weérã, naâ dɨkâ marirã́ weeró noho tohamá.

Efesios 5:5

Mɨsâ masî tohasa'. No'ó ɨaró a'me tãrá baha ke'atirã noho Jesu Cristo yarã niîtima. Õ'âkɨ̃hɨ niirópɨ wa'âsome. Meharóta taha yã'asére weegɨ́, tohô niikã́ a'ti ɨmɨ́kohokãhase ɨâri peha yɨ'rɨ nɨ'kagɨ kẽ'ra kɨ̃ɨ̂ tiropɨ wa'âsome. A'ti ɨmɨ́kohokãhase ɨâri peha yɨ'rɨ nɨ'kase Õ'âkɨ̃hɨ mehereta ẽho peóse niî'.

Filipenses 3:8

Apêye maa, yɨ'ɨ̂ wiôgɨ Jesu Cristore masisé wapatí yɨ'rɨa'. Apêye noho yɨ'ɨ̂ kɨo boó'ke nemoró wapatí'. Jesu Cristore ẽho peóse bu'iri niî pe'tise yɨ'ɨ̂ weeséti'kere, niiséti'kere marî ɨatísere kõ'ârã weeró noho kõ'âwɨ. Jesu Cristo yɨ'ɨ̂ wiôgɨre kɨó sĩ'rigɨ, tohô weewɨ́.

Colosenses 3:5

Mɨsâ a'ti nukúkãkãhase yã'asé weé sĩ'risere du'úkã'ya. Mɨsâ, mɨsâ nɨmosã́ numia niîtirãre a'me tãrátikã'ya. Mɨsâ numiâ kẽ'ra, mɨsâ marapɨ́ sɨmɨa niîtirãre a'me tãrátikã'ya. Neê ãpêrã me'ra “Yã'âro weé sĩ'risa'”, niîtikã'ya. Neê ãpêrãre mɨsâ wãkusépɨ “Naâre wɨâ kãhi, naâ me'ra niî sĩ'risa'”, niî wãkûtikã'ya. Ãpêrã naâ kɨosére ɨotíkã'ya. Mɨsâ apêye nohore ɨórã, Õ'âkɨ̃hɨ mehereta ẽho peórã wee boósa'.

1 João 2:15

A'ti ɨmɨ́kohokãhase Õ'âkɨ̃hɨ yee meheta niî'. A'teré wãkû nɨrɨtikã'ya. Yã'âro wãkusé, a'me tãrá sĩ'rise, ɨâri pehase, ãpêrã yɨ'rɨóro niî sĩ'rise yã'â niî'. A'té niî pe'tise a'ti ɨmɨ́kohokãhase niî'. “Teeré weerã́ti”, niîtikã'ya. No'ó a'teré weé sĩ'rigɨ noho marî pakɨ Õ'âkɨ̃hɨre ma'itísami.