San Lucas 18:13 - Tukano

¹³ Wapa seégɨ pe'e neê sãháaropɨ tohâ nɨ'ka, Õ'âkɨ̃hɨre sẽríkɨ niîwĩ. Neê kã'ró ɨ'mɨáropɨ ĩ'yâ moro ma'atikɨ niîwĩ. Kɨ̃ɨ̂ weeró noho o'ôgɨ, yɨ'ɨ̂ bu'îritisa' niîgɨ, kɨ̃ɨ̂ kutîrore paâkɨ niîwĩ. A'tîro niîkɨ niîwĩ: “Õ'âkɨ̃hɨ, yɨ'ɨ̂ yã'agɨ́ niísa'. Yɨ'ɨ̂re pahá yã'aya”, niîkɨ niîwĩ.

Õꞌacʉ̃ Yere Ucũrĩ Turi

¹³ Wapaseeri masʉ̃ peꞌe ne sãjãarõpʉ tojanʉꞌcã, ñubuecʉ niwĩ. Ne cãꞌrõ ʉꞌmʉarõpʉ ĩꞌamorõmaꞌaticʉ niwĩ. Cʉ̃ weronojõ oꞌogʉ, yʉꞌʉ buꞌiritisaꞌa nígʉ̃, cʉ̃ cutirore paacʉ niwĩ. Aꞌtiro nicʉ niwĩ: “Õꞌacʉ̃, yʉꞌʉ ñaꞌagʉ̃ nisaꞌa. Yʉꞌʉre pajañaꞌña”, nicʉ niwĩ.

San Lucas 18:13 Iomraidhean Croise

Mateus 10:3

Ãpí Filipe, ãpí Bartolomeu, ãpí Tomé niîwã. Yɨ'ɨ̂ Mateu romano masa wiôgɨre niyéru wapa seé basagɨ niî'kɨ kẽ'ra naâ me'ra niîwɨ. Ãpí Tiago Alfeu makɨ niîwĩ. Tohô niikã́ Tadeu niîwĩ.

Mateus 6:5

Mɨsâ Õ'âkɨ̃hɨre sẽrírã, weé ta'sarã weeró noho weetíkã'ya. Naâ nerê wɨase wi'seripɨ, tohô niikã́ masá pãharã́ yɨ'rɨáropɨ nu'kú, masá ĩ'yaáto niîrã Õ'âkɨ̃hɨre sẽrisamá. Mɨsâre diakɨ̃hɨ́ werêgɨti. Naâ ãpêrã ĩ'yasé me'ra wapá ta'a tohama. Be'ropɨ́re bokasomé.

Mateus 9:13

Õ'âkɨ̃hɨ yee kiti ohâka pũripɨ naâ ohâ'kere bu'êrã wa'âya. Õ'âkɨ̃hɨ kɨ̃ɨ̂ uúkũ'kere a'tîro ohâkãrã niîwã: “Yɨ'ɨ̂ ãpêrãre pahá yã'a duti'. Wa'îkɨ̃rã ɨ̃hâ moro peosere ɨá wee', niîkɨ niîwĩ Õ'âkɨ̃hɨ”, niî ohâ no'owɨ. Yɨ'ɨ̂ “Ãyurã́ niî'” niirã́re a'mâgɨ a'tîtiwɨ. Ãpêrã “Ɨ̃sâ yã'arã́ niî'” niirã́ pe'ere a'mâgɨ a'tîwɨ. Naâ yã'âro weé'kere bɨhâ weti dɨka yuú dutigɨ a'tîwɨ, niîwĩ Jesu.

Marcos 11:25

Mɨsâ Õ'âkɨ̃hɨre sẽrirã́tirã, ãpêrã me'ra apêye noho a'mé tu'ti'kãrã, naâre akobohó mɨ'taya yuhûpɨ. Tohô weekã́, marî pakɨ ɨ'mɨ̂sepɨ niigɨ́ kẽ'ra mɨsâ yã'âro weé'kere akobohógɨsami.

San Lucas 17:12

Toó wa'tero ni'kâ makapɨ kɨ̃ɨ̂ eharí kura ɨmɨá pɨámukãrã kamî boarã́ kɨ̃ɨ̂re põo tẽríkãrã niîwã. Moisé dutî'ke kamî boarã́re ãpêrã wa'teropɨ niî dutitikaro niîwɨ. Tohô weérã yoarópɨ tohâ nɨ'ka,

San Lucas 22:41

Be'ró Jesu naâ dɨporo yoâ kureropɨ wa'âkɨ niîwĩ. Toopɨ́ kɨ̃ɨ̂ pakɨré sẽrigɨ́tigɨ ehâ ke'akɨ niîwĩ.

San Lucas 23:48

Niî pe'tirã toopɨ́ niirã́ Jesu wẽrikã́ ĩ'yârã, naa yeé wi'seripɨ toháarã, pũûro bɨhâ wetirã, naâ kutîrore paâ wã'kakãrã niîwã.

San Lucas 5:8

A'tîro wa'akã́ ĩ'yâgɨ, Simão Pedro Jesu tiró ehâ ke'a, kɨ̃ɨ̂re niîkɨ niîwĩ: —Yɨ'ɨ̂ wiôgɨ, yɨ'ɨ̂ yã'âro weesé bɨkɨ niî'. Tohô weégɨ mɨ'ɨ̂ ãyugɨ́, yã'asé moogɨ́ yɨ'ɨ̂ tiro niîtikã'ya, niîkɨ niîwĩ.

Hechos 2:37

Kɨ̃ɨ̂ tohô niikã́ tɨ'órã, “Ɨ̃sâ bu'îri kɨósa'”, niî wãkûkãrã niîwã. Tohô weérã Pedrore, ãpêrã Jesu kɨ̃ɨ̂ bese kũú'kãrãre “Ɨ̃sâ de'ró weerã́sari?” niî sẽrí yã'akãrã niîwã.

Romanos 5:8

Õ'âkɨ̃hɨ pũrikã marî yã'arã́ niîmikã, kɨ̃ɨ̂ ma'isére ĩ'yókɨ niîwĩ. Teeré ĩ'yógɨ, Jesu Cristore marîre wẽrî basakã weékɨ niîwĩ.

2 Corintios 7:11

Mɨsâ Õ'âkɨ̃hɨ ɨaró noho bɨhâ wetirã, a'tîro weeápa'ro. Mɨsâ weesétisere wio pesáse me'ra ĩ'yâpa'ro. Tohô wio pesáse me'ra ĩ'yârã, “Too dɨpóropɨre keoró weetípã; ni'kâroakãre keoró weé' maha”, niiápa'ro. Mɨsâ weé'kere wãkûrã, bɨhâ wetiapa'ro. Tohô niikã́ teeré wãkûrã, uîa wa'âpa'ro. Be'ró yɨ'ɨ̂re pũûro ĩ'yâ sĩ'riapa'ro. Yã'âro weegɨ́re keoró bu'îri da'reápa'ro. Niî pe'tise tohô weesé me'ra mɨsâ bu'îri moosére ĩ'yoápa'ro.

1 Timoteo 1:15

A'té yɨ'ɨ̂ uúkũatehe keoró waro niî'. Niî pe'tirã ẽho peóro ɨá'. A'tîro niî'. Jesu Cristo yã'âro weerã́re yɨ'rɨó sĩ'rigɨ a'ti nukúkãpɨre a'tîkɨ niîwĩ. Yɨ'ɨ́ta niî pe'tirã yɨ'rɨóro yã'âro weé yɨ'rɨ nɨ'ka'kɨ niî'.

Hebreos 4:16

Marîre kɨ̃ɨ̂ pahá yã'a yuukã, uiró mariró Õ'âkɨ̃hɨ kɨ̃ɨ̂ wee tamúsere sẽri masí'. Marîre ãyuró weegɨ́sami. Marîre mehêkã wa'akã́, kɨ̃ɨ̂re wee tamúse sẽrikã́, pahá yã'agɨsami.

Hebreos 8:12

Naâ yã'âro weé'kere akobohógɨti. Neê opâturi teeré wãkû nemosome”, niîkɨ niîwĩ marî wiôgɨ.